قصيدة بن حمري في بن جهيم
 

إليكم هذه القصيدة النادرة والتي لم يسبق نشرها إعلامياً.وهي

للشاعر/ علي بن محمد آل حمري الحبابي..أرسلها إلى صديقه / أحمد بن عوض آل جهيم

القادري الشريفي..وينخى فيها بن جهيم حينما كان بن حمري في السجن

وإليكم القصيدة :




[poem=font="Simplified Arabic,5,red,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
أنا ضحـى العيـد عيـن الشـوم مشقيهـا=وقلبي ضحى العيـد مشقيهـا ومشقينـي

وإن جيت أكفكـف عبايرهـا وأدراريهـا=غـصـب عـلـيـه لـيــا لـديــت تبكـيـنـي

مـا لومهـا ليـا شكـت مـن بعـد غاليـهـا=ألـومـهـا لـيــا بـكــت نـــاسٍ مقفـيـنـي

ناسٍ بسـاع الرخـى مـا سـرع مباديهـا=وفي حزة الضيق من القاموس تمحيني

لـــو إن لـــي بالـيـالـي حـكـمـةٍ فـيـهــا=عرفتـهـا مـيــر وقـتــي بـايــر ٍ فـيـنـي

والـيـوم عـمــا بـعـيـد تـبـعـد مفالـيـهـا=تمشي على دينهـا وأمشـي علـى دينـي

وبأنصـح اللـي علـوم الطيـب يقضيـهـا=لا يـقـرب إلا مــن عـيـال السلاطـيـنـي

رجـل ٍ ضيوفـه نـهـار الـوقـت يقرّيـهـا=يـقـبـل علـيـهـا بضـيـقـات الميـاديـنـي

النـاس مـا هـي سـوى والـرب واليـهـا=لـو تفـرق العشـر بيـن العشـر ثنتيـنـي

وأنــا مـعــي حـــدةٍ تـقــوى سنـاديـهـا=خـوة قـروم ٍ معـي فـي العسـر واللينـي

أبـكـتـب الـخــط وأنـخـاهــا وأنـاديـهــا=فـي وقفـة مــن لــه بالسـجـن تنجيـنـي

يــا راكــب الـلـي عريـبـات ٍ مجانـيـهـا=حـمـرى ودرهامـهـا عـجـل المثاميـنـي

مـا فوقـهـا إلا الـشـداد ومــورة ٍ فيـهـا=موسـوم فـي جنبهـا وســم القحاطيـنـي

الصـبـح مسـراحـهـا والـــرب كافـيـهـا=مـن بـطـن نجدعـلـى وحــدة وثنتيـنـي

لـديـار مــن طيبـتـه بـانــت مـواريـهـا=راعــي الفضـايـل وضــاح العنـاويـنـي

عينـه علـى الطيـب والعلـيـا مضرّيـهـا=وإذا عـلـى مــا مـعـه تغـنـي الفقيـريـن

صحيب ٍ صاحب صحيبه صحبتـه فيهـا=المرجـلـه والـوفـى والـحــق والـديـنـي

حـر ٍ شـهـم والـرجـوم الـسـود باديـهـا=تـرجـح بــه الـقـوم عــدال الموازيـنـي

اليـوم يـا أحمـد حيـاة الـذل مــا بغيـهـا=الضيـم يـحـدا وحــد السـيـف حاديـنـي

المرجلـه يـا طويـل العمـر مـا أخطيـهـا=واللي عرض لي أمور تـروح وتجينـي

لا شــك ثــارت ولا لــي حيـلـة ٍ فـيـهـا=واليـوم يـا مسنـدي بـار الزمـن فيـنـي

كــم مــرّة ٍ قــد شربـنـا مــن حلاويـهـا=واليـوم مـن همجهـا نصـدر محيميـنـي

ولا تخـجـل عـلـومـي وإنـــت داريـهــا=الدنـيـا كـــذا حـالـهـا يـــا رب تعـيـنـي

يـمــا خـذيـنـا غـلاهــا قـبــل معطـيـهـا=ولا حلـفـنـا عـلــى درب الضعيـفـيـنـي

السالـفـة كــل نـــذل ٍ مـحـتـرف فـيـهـا=نجّـس المجالـس بكذبـه هــارج ٍ فيـنـي

والله والله مــــا تــصــدق حـكـاويـهــا=وفي المرجلـه يـا رفيقـي مـا تساوينـي

لا شـك وســع البـطـان لـهـا وأهاليـهـا=واصبـر ليـن الفـرج لــه يــوم ياتيـنـي

وليـا نستنـي نهـار الضيـق مــا بغيـهـا=شفـي علـى خـوة ٍ مـع نــاس ذربيـنـي

وأنـا ذكرتـك وهظـى النفـس مــا فيـهـا=وشكيت لـك يـا طويـل العمـر مـا فينـي

أبـيـات شـعـر ٍ تـعـبّـر عـــن معانـيـهـا=ولانـي بشـاعـر وذا حــال المساجيـنـي

تكـتـب عــن أنفـوسـهـا أرب يسلّـيـهـا=طيـف الهواجيـس كنـه راعـي الديـنـي

يـلـحّ لــك بالليـالـي الـســود ويجـيـهـا=نــاس ٍ عـلـى همـهـا بـيـن المصليـنـي

يــا بــن جهـيـم الليـالـي بــان خافيـهـا=والله عـلـى سـكـتـه للـطـيـب هـاديـنـي
[/poem]

رد : قصيدة بن حمري في بن جهيم
 

مسجون؟؟

متى وليه انسجن علي بن حمري؟؟؟

مشكور على القصيده

رد : قصيدة بن حمري في بن جهيم
 

شريف بن قحطان



ياهلا ومرحبا



لاهنت وشكرا لك ..



قصيدة لراية الشعر تستحق التأمل .. فهي واقع منقول ..



صح لسان أبوفواز ..



دام حضورك عزيزي ودمت بخير ..

رد : قصيدة بن حمري في بن جهيم
 

أرررررررررررررررحب يا/ القحطاني


وأشكرك على المرور


وبن حمري انسجن تقريباً قبل عشر سنوات


ولكن أطمأن كان سجنه لعلم مشرّف

والسجون دخلوها أمراء وشيوخ

رد : قصيدة بن حمري في بن جهيم
 

أرررررررررررررررحب ملااااااااااااايين يا/معيض بن صميع


أسعدني جداً مرورك


وبيض الله وجهك

رد : قصيدة بن حمري في بن جهيم
 

ولا هنت يا شريف وصح السان ابو فواز

رد : قصيدة بن حمري في بن جهيم
 

أررررررررررررررحب يا / بن لعور


أسعدني مرورك يا ذيبان


وبيض الله وجهك

رد : قصيدة بن حمري في بن جهيم
 

ارحب الله يحييك ياشريف بن قحطان ملاييين

والله لايهينك على النقل الصحيح

وابن حمري نخى ابن جهيم وهو في السجن وابن جهيم والله ومليوووووووون نعم وافعاله وافيه وكافيه

وابن حمري معودنا دائم على الابداع

تقبل تحياتي

رد : قصيدة بن حمري في بن جهيم
 

يا راكـب اللـي عريبـات ٍ مجانيهـا
حمرى ودرهامهـا عجـل المثامينـي

ما فوقها إلا الشـداد ومـورة ٍ فيهـا
موسوم في جنبها وسـم القحاطينـي

الصبـح مسراحهـا والـرب كافيهـا
من بطن نجدعلـى وحـدة وثنتينـي

لديار مـن طيبتـه بانـت مواريهـا
راعي الفضايـل وضـاح العناوينـي

عينه على الطيب والعليـا مضرّيهـا
وإذا على ما معـه تغنـي الفقيريـن


هههههههههههههههههههههه

هذه قصيده ما هيب لبن حمري

لانذا القصيده على ما اعتقد على عصر طبخ العرفج

رد : قصيدة بن حمري في بن جهيم
 

سلطان العبيدي القصيدة منهي له ؟


القصيدة هذي لبن حمري قالها وهو في السجن قبل عشر سنوات ولاحد يجهل قصائد بن حمري

ومن صحة القصيدة وتصديقها انسابها الى صاحبها

وانت نت بأدرى من ناشر القصيدة من صاحبها

ولا انت بأ درى منا ببن حمري

ولاتتكلم في شي الى وانت عارفه