(( الـشـعـر ))
 

[poem=font="Arial,5,darkred,bold,normal" bkcolor="burlywood" bkimage="backgrounds/8.gif" border="inset,medium,sienna" type=4 line=0 align=center use=ex num="0,black"]
الشعر ماهو بس هرج وتدوين=الشعر نبع(ن) والخواطر وروده
أما يجي من زاوية خط تسعين=وإلا عسى فكري يصيبه جموده
أن كان ماصارت أفكاري سلاطين=كل .. يجيب النادرة ماتكوده
وقصيدة(ن) ماهيب تملآ الموازين=لعل مبناها أيتحطم عموده
والشاعر اللي ماله القاسي يلين=يجبر صعبها لين يلعن جدوده
وتجي وتخضع له أجنون وشياطين=واللي تعقد..حل ملوي عقوده
لو أيتحصن جزلها منه تحصين=في شامخ(ن)عسر(ن)صعيب(ن)صعوده
لأطلق سراح اللي بصدره مساجين=أفكار لأمن ضاق صدره تعوده
يقراء عليها جزء عم..وياسين=لين الصعب منها يطول سجوده
وياتيلها بشهود عدل وبراهين=وتعاهده ماعاد تخلف وعوده
عاشقها لو كان يعطى ملايين=لو موتره ماحتال يوفي قصوده
قال أدفعوها لضعوف المساكين=اللي من أصدوف الزمان محدودة
وأنا يكفيني أيلا قيل نعمين=نعم(ن)..عليه الغانمين محسوده
يلا لقيته ماغبطت الغنيين=والله ما أحسد اللي يعدد نقوده
أن كان شعري مايهز الشقيين=وريحة شذى معناه مسكه وعوده
ويسقي ضما ناس(ن) من الوقت مضمين=فأنا علي أخطاء القصيد معدوده
لاصار مايلهب له شعور ويدين=ونضارته مثل الذهب في عقوده
أما تصفق لي كفوف المحبين=وإلا عدم شعري يساوي وجوده
لو يختلف في جزلته عندي أثنين=حتى الصغير اللي بعد في مهوده
أعلنت موته والعزاء بعد يومين=ودفنت باقي جثته في الحوده
والله هو اللي كون الكون تكوين=والارواح زرع(ن)..للمنايا محصوده
وتم الكلام اللي بشده وتنوين=عليه من الأكليل ريحة وروده
وصلاة من صخر لذا النون يقطين=اللي على بيته تعاقب أوفوده
وأفضل صلاة المؤمنين المصلين=على الرسول اللي بعثه معبوده
صلوا معي ثم اطلبوا قولوا أمين=عسى مساعي والدينا محموده[/poem]

رد : (( الـشـعـر ))
 

ارحب يابن مدرج


صح لسانك على هالجزالة


قصيدة طيبة من شاعر متمكن


دام جميل تواصلك ودمت بخير ..

رد : (( الـشـعـر ))
 

محمد بن جزا الخنفري

ارررحب

الله يحييك في منتداك بين ربعك

وصح لسانك يالقرم

جزاله وابداع لاتستغرب عليك

لاعدمناك

.

رد : (( الـشـعـر ))
 

ارررررررررحب تماتيك

يالله حيه وحي ماجاب

لاهنت وصح لسااااااااااااااااااااااااااانك

رد : (( الـشـعـر ))
 

رد : (( الـشـعـر ))
 

الاخ العزيز / معيض بن صميع

كل الشكر لمرورك..وتعقيبك العذب

دمت بخير

تحيتي

رد : (( الـشـعـر ))
 

انت اللي ارررررررررررررحب ياسعد
السلام عليكم
البقى وصح الله بدنك


شكرا لطيب قلبك...شكرا لنبضك..وحسن التعقيب

محبتي بود


كل الشكر..لمرورك

رد : (( الـشـعـر ))
 

البقى وانت اللي ارحب مليون

أخوي حمد بن عروان



ألف شكر للمرور الرائع

تحياتي

رد : (( الـشـعـر ))
 

هايل سعيدان الزهيري مشكور

هذا بس من طيبك...


تحيتي لك بود

الفقير الى غفو ربه / محمد بن جزاء الخنفري

رد : (( الـشـعـر ))
 

الاخ محمد بن جزاء الخنفري قصيده طيبه من رجل له تاريخ قديم في الشعر ولي طلب بسيط وهو قصيده منها ازبن على اللي ثبت الكون تثبيت اللي ومر مريم تهز نخلتها