هم علموني ما ابدي للناس حاجه = لو اني اكل من اصابيع يدي
 

احب اهدي هذي القصيده < لعوال الشايب > واللي اتمنى ان تلقى استحسانهم وقبولهم ...................



[poem=font="Simplified Arabic,6,black,bold,normal" bkcolor="transparent" bkimage="backgrounds/40.gif" border="double,10,black" type=1 line=0 align=center use=sp num="0,black"]

سقت القدم والفكر شايش مزاجه = بدرب ولا ادري وين رايح يودي
عفت الحياه اللي قذتها السماجه = كلش تغير والوضع في تردي
اضحى قراح الماء يخالط هماجه = ما عاد اميز من عضيدي وضدي
متكدر والقلب يخفي انزعاجه = والصدر به جملة هموم تهدي
كني سجين مل يرجي خراجه = ربعه نسوه ولا احد فيه لدي
والا الجريح اللي تعثر علاجه = لا نامت العالم جروحه تشدي
والا بدوي عاش بديرة خواجه = يبكي على قروم الكرم يوم شدي
يا ليلي اللي طال وابطى انبلاجه = والله لو تبطي فلا ابيح سدي
دست الجمر والقلب مابدى احتجاجه = والرجم نذر اني لاذبه واعدي
والوقت لو ضلم وشح بسراجه = نور الامل نور بداله يسدي
والحظ لو وده يزيد انعواجه = ما يكسر ضلوع ضرت بالتحدي
والجو لو غبر وثور عجاجه = ما يلطم وجيه ربت ما تصدي
والدرب لو طول وكثر انعراجه = ما زادني يا كود باس وعندي
والكون لو زلزل وزاد ارتجاجه = باقف وانا له صامد مستعدي
والصبر منهاج شهبني انتهاجه = ورث ورثته من ابويه وجدي
بصبر ولو جرحي تزايد هياجه = بجحد ولو انه كما السيف حدي
قالو الفتى لابد يطلق حجاجه = ولا يوقف الا بموقف فيه ندي
ثم علموني مابدي للناس حاجه = لو اني اكل من اصابيع يديي
وانا جعلت العلم للراس تاجه = علم زكنته من ابويه وجدي[/poem]

مشعل بن شفلوت

اضحى قراح الماء يخالط هماجه ======== ماعاد اميز من عضيدي وضدي

مشعل انشهد ان ذا البيت يحمل ديوان لحاله


سجلني من المتابعين لك

اخووووووووووووك

ابن عاااااااااااااصم

تسلم يابن عاصم ويشرفني انك متابع لي وانا اخوك.

اخوك \ مشعل بن شفلوت

دست الجمر والقلب مابدى احتجاجه+++++++++والرجم نذر اني لاذبه واعدي

ابومترك صح لسانك وبيض الله وجهك من نجد لين توصل ديرتك الي انت فيها لبا سراجيف قلبك لاعدمتك اخوك القهره

فارس قحطان

هلا والله ابو مسفر الله يسلمك على مرورك , وابشرك الامور رخى لاكن من باب التنويع في الطرح

والله يخليلك شيبانك سالمين .

اخوك \ مشعل بن شفلوت

الاخ مشعل


صصح لسانك على هذا



الكلام الثمين والجزل

حقيقه شي يملى العين


حفظك الله .

مبدع .....رااائع .....شااااااعر يابو مترك
 

[poem=font="Simplified Arabic,4,black,normal,normal" bkcolor="transparent" bkimage="backgrounds/5.gif" border="none,4,gray" type=0 line=0 align=center use=ex num="0,black"]
متكدر والقلب يخفي انزعاجه=والصدر به جملة هموم تهدي
كني سجين مل يرجي خراجه=ربعه نسوه ولا احد فيه لدي
والا الجريح اللي تعثر علاجه=لا نامت العالم جروحه تشدي [/poem]

اخوي الغالي
مشعل بن شفلوت
لاهنت على الإهداء الموفق وصح لسااانك وبيض الله وجهك

اخوك
ابو ابراهيم العبيدي

صح لسااانك يابومترك