اسمــــع يا ولـــد
 

سلام يا قحطان ياهل المواجيب ...
يا هل الفخر والعز وهل البطولات

وسلام يا ربعي يا مأسسين الطيب ...
ومن قبلكم ما كان للطيب رايــــات

انتوهل الفزعات شبــان وشـــيب ...
اليا اقبلت سود الليالي بهــــــــدات

وانتو هل الصملات يا سقم الحريب ...
عدوكم يمسي وبالكـــبد كــــــيات

وانتو هل الوقفات والراي الصويب ...
يا مطوعين العسر في كل الاوقات

وربعي هل الطولات عند الاجانيب ...
و مابينهم ما يدخل الرجل شكـات

وقفاتكم ماهي حظوظ وتجـــــاريب ...
ربعي جبـــال راســـيه فالمهمات

الضيف لاجاكم بيلــقا التراحــــيب ...
والجار ينعم في ذراكــم بوقـفات

وخويكم يفرح بكم فالمصاعـــــيب ...
ولا يشوف الا فعول الشكــالات

واميرنا نصبح له بحسبة الصـيب ...
وليا زهمنا مثل بحر الظــلمات

ربعي سلايل عز عداهم العــــيب ...
يا جعل يفداهم ردي(ن)وشمات

هذي تراها نبذة(ن)عن هل الطيب ...
في مدحهم بيشيب قافي والابيات


وسلامتكم

رد : اسمــــع يا ولـــد
 

اخوي تركي لاهنت وبيض الله وجهك


وننتظر التحليل من المشرفين


دمتم بود

رد : اسمــــع يا ولـــد
 

ارحب يا سمي .. ولا من يقول.. شكرا" على مرورك الكريم