يقول المايقي
 

هذي اول مشاركه واسمحوا لي على القصور
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يقول المايقي شعر الجزال=ولا عنده على الترك احتمال
ضعيف القول ما لي فيه نول=احشم العقل عن بدع الهزال
واصوغ القاف بالتبر الجزيل=وارقي منطقه روس الطوال
واحفظه عن سفاهات الكلام=وعن تقليعة الشعر الخمال
مثايل تشفي القلب العليل=وتذكي بمهجة النفس الخيال
مخافة لا يجي نقد ولوم=اعديها على حد الكمال
واثبت بالفعايل كل حرف=ولا اتركها على نطق ومقال
بيوت ترسل بكل احترام=لرجل صوبه تشد الرحال
كريم يملكه فعل الجميل=عريب الاصل محمود الخصال
غريم للمفاليس الرخوم=لزيم للفواعيس الرجال
ضعيف الناس في مجلسه ضيف=يلاقي بمجلسه عدل الميال
حبابي من العرق الاصيل=رجال فعلهم هز الجبال
تعلوا للمعالي دون كل=وراموا المرجله في كل حال
زحول تفتخر فيها الزحول=يجي في مدحهم شعري ارتجال
اقدرهم على طيب الفعول=شكالة ذكرهم لي راس مال
اعدلها واسندها عليه=عساه لعقدتي يلقى انحلال
معقد من بلا خل عنيد=معاندني بتقطيع الوصال
يون القلب من حزن عليه=كأنه يضرب بحد السلال
وأنا لعيناه ارخصت النفيس=وحققت الذي شافه محال
أفز بكاملي فزة يتيم=لقى امه اذا أشر تعال
وارى في مبسمه شي عجيب=ينسيني الجنوب امن الشمال
يحسب اني مع البعد اهتنيت=واني عن فراقه صرت سال
وانا والله ما لي منه بد=ولا لي في غلا غيره مجال
وانا فرحي من الاعماق طار=كما طارت من الريح الرمال
الا يا شيخ ويش الحل قل=ابي حلك اذا وصل السؤال[/poem]

رد : يقول المايقي
 

يا مرحبا يا بو حامد . .

شاعر من صلب شاعر ..
والله ونعم فيك وفي ابوك وجدك وفي ال حثيث كافة . .
صح الله لسانك يا ولد الشايب . .

وأعجبني البيت اللي تقول فيه

مثايل تشفي القلب العليل . .. وتذكي بمهجة النفس الخيال

صح الله لسانك . .


ونتمنى ان تسير على خطا الشايب . .
أخوووووك العبدي

رد : يقول المايقي
 

صح الله بدنك وما عليك ولا على ربعك زود

رد : يقول المايقي
 

ارحب

يا ابن مايقه وبيض الله وجهك وصح لسانك على القصيده الجزله يا القرم

والنعم فيك وفي ابوك وفي ال حثيث جميع

ننتظر جديدك على احر من الجمر

رد : يقول المايقي
 

.


ارحب يالنشمي



وحياك الله في محلك ..


وصح لسانك ولاهنت


قصيدة طيبة وجزلة ..


أتمنى لك التوفيق ..


كما أرجو منك قراءة الرسالة التي بعثت بها لك على الخاص


ولم يتم الرد عليها حتى الآن وحتى يتم الرد سوف يتم نقل


المشاركة إلى مجلس المواهب والمحاولات الشعرية .



تقبل خالص التحية والتقدير ..

رد : يقول المايقي
 

السلام عليكم ورحمة الله وبركاته
صحت ابدانكم وما عليكم زود يا تركي ويا معيض

رد : يقول المايقي
 

ارحب يابو حامد تراحيب المطر

وهاذي بدايه جيده ولا استغربها منك

فنت ولد شاااااااااااااااااااااااااااااااعر قدير

وعلم من اعلام قحطان جمع بين الرجوله الشامخه

والشجاعه والمشيخه والمكانه الفايقه وله ولك مني كل التقدير والاحترام




تحيااااااااااااااااااااااااااااااااااتي

رد : يقول المايقي
 

ما عليك زود يا ابن هتفر

رد : يقول المايقي
 

اررررحب يابو حااااامد


وصح الله لسااااانك


والقصيده في هذا المجلس كما قال اخوي ابو علي


الى أن يتم الرد على الرسائل


تحياتي

رد : يقول المايقي