|
شـــاعــرة من بني هاجـــر
هي جدعــه بنت فهيد آل جـدي من آل عميرة بني هاجر
نذكر لها هذه القصيده الشهيره التي قالتها اثناء حروب الاحساء وكان عندهم أسير طلب المنع بعد ان تصوب واسمه مهنا العجمي ..واعطاه المنع الأمير الفارس/ ماضــي ابن طعــزه وعالجه وهو عندهم لمده سبعه أشهر وكلنا نعرف الامير الفارس ماضي وفعايله تذكر وهو من شيوخ آل محمد بني هاجر البارزين الذي شاع صيته بين القبائل نتركم مع قصيده شاعرتنا جدعه: [poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"] ماشفت حربة ماضي يا مهنا=بين الكتوف وطيرت بالفوادي خيال هلا لمن زرفلنا=خيال سرج مقرعات التوادي ونعم والله يوم حرجم ضعنا=يوم العذارى للنشامى تنادي هواجر ٍ كل شكا الضيم منا=شويين ونكلنا جميع البوادي حتى البحر يمشي بالارفاق منا=وياما فضينا من خزاين بلادي يام نبي منهم ويبون منا=وراعي الوفا يبغي حقوقه وكادي دام الجبال الراسيه مامشنا=مابيننا حنا ويام من سدادي[/poem] وعلى قلة بني هاجر فأنهها كانت قبيله شرسه فكانو فرسان في البر والبحر حيث تقول: [poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"] هواجر ٍ كل شكا الضيم منا=شويين ونكلنا جميع البوادي حتى البحر يمشي بالارفاق منا=وياما فضينا من خزاين بلادي[/poem] هذا ولكم كل التحيا والتقدير |
رد : شـــاعــرة من بني هاجـــر
أرحب يابني هاجر بيض الله وجهك والشاعرة جدعة من شاعرات بني هاجر وقحطان ولها العديد من القصائد تم جمعها في كتابنا ترديد اللألحان في أشعار بنات قحطان وإليك ولكافة الأخوة واحدة من قصائدها وذلك عندما مات كثير من إبلها من البرد حول الفليتيات جنوب الظهران بالمنطقة الشرقية تقول جدعة :
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"] جدعة تجاحي ضوها طول ليلها=لا عاش ياصبيان غمراً يلومها لي هجمة مقدم شبابي بليتها=لاعاش ياصبيان غمراً يلومها جدعة تجاحي ضوها طول ليلها =واللي يكذبني يشوف ارسومها جعل الفليتيات خطو من الحيا=اللي تكلت جلها وعجومها البل قصور إلى تهدم يبيعها=كودٍ على الرديان سد ثلومها[/poem] |
رد : شـــاعــرة من بني هاجـــر
يمال العز يابو ابراهيم ولا خلا منك ولا عدم حقيقه قصيده ذكرتها انت اول مره اقراها وماقول الى بيض الله وجهك وماتجيب الى كل زين ونادر
[poem=font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"] البل قصور الي تهدم يبيعها=كودٍ على الرديان سد اثلومها[/poem] رحمك الله ياجدعه بنت فهيد |
رد : شـــاعــرة من بني هاجـــر
الرائعين بني هاجر و علي بن شداد القحطاني ...
إظافة موفقه ... الله يعطيكم العافيه ... وهناك الكثير من شاعرات قحطان القديرات وقد استفدت كثيراً من كتاب بنات قحطان للباحث علي بن شداد |
رد : شـــاعــرة من بني هاجـــر
صح لسانها
ولاهنت يابن هاجر |
رد : شـــاعــرة من بني هاجـــر
ديمقراطي ياهلا فيك ومرحبا تسلم على المرور يالنشمي
|
رد : شـــاعــرة من بني هاجـــر
الله يبيض وجهك يابني هاجر على الموضوع والنقل الاكثر من رائع قصيدة فريده ولشاعره شاع ذكرها
والله يبيض وجهك يابو ابراهيم على الاضااااافه تحياتي :) |
رد : شـــاعــرة من بني هاجـــر
هيثم ياهلا ومرحبا مشكور على المرور
وتسلمون |
رد : شـــاعــرة من بني هاجـــر
مشكور يالمهداني على المرور
مرحبا بالجميع |
رد : شـــاعــرة من بني هاجـــر
بني هاجر
ونعم بك وبربعك وبيض الله وجهك والله يعطيك العافيه يسلم راسك الجزل اللي ما يختار ألا المواضيع المميزة ودائما تدحفنا بمواضيعك المميزة أشكرك ولاهنت يالقرم تحياتي لك |
| الساعة الآن 09:22 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com