الله يحسن منزله عند مولاه
 

الاخوان في مجالس قحطان يشرفني الانظمام معكم في هذا الصرح الطيب

واشكر الاخوان على دعوتهم على راسهم الاخ محمد القويفل

وكان ودي ماتكون اول مشاركاتي معكم قصيدة رثاء ولكن امر الله وحصل

وهذي قصيده كتبتها بعد وفاة خالي

الشيخ منير بن ذفيل بن سحيم ال سعد

الذي توفي يوم الاثنين الماضي الموافق 10-1-1428

بعد معاناه مع المرض




[
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
مرحـوم ياشيخـاً عزيـزاً فقـدنـاه=شيـخ عزيـز ولـه مكانـه وغالـي

شيخاً رحل واقفاء وقفـت مطـا يـاه=اقفـى مـن الدنيـا وشـد الرحالـي

الله يحسـن منزلـه عنـد مــولاه=ويعـل قبـره مدلـهـم الخيـالـي

ابو فهد خالي عسـى الخلـد مـاواه=عساهـا فالجنـه كريـم السبـالـي

قرم كريـم وتفعـل الطيـب يمنـاه=قـرم كريـم ومنزلـه فـوق عالـي

قـرم حفـظ سلمـه ودينـه ودنيـاه=ويشيـل ماشالـت ظهـور الجمالـي

وله مجلـس دوم الرجاجيـل تنصـاه=في مجلسه تلقـى زحـول الرجالـي

والعـود الازرق والـدلال المراكـاه=تلقـى الشحـم ومبهـارات الدلالـي

وسوالـف ماهيـب هـذر ومعايـاه=طرايـف ماهيـب قـيـلاً وقـالـي

جينا الطبيب وعقب فحصـه سالنـاه=قلنا عساهـا خيـر يابـن الحلالـي

قال المـرض كايـد ولايمكـن دواه=ادواه عنـد الله علـى كـل حـالـي

ستـة اشهـورٍ ذاق فيهـا المعـانـاه=ايصـارع امـراضٍ تهـد الجبالـي

ورغم المرض لاجيت يضحك محيـاه=وينشد من الاقصيـن قبـل الموالـي

وانـا اتضايـق لالفيـتـه وجيـنـاه=لاجيت انا له ضاق صـدري وبالـي

لاشفت وضعه والمرض وصل لاقصاه=ايضيق بي فـجٍ مـن النـاس خالـي

ادري بجـي يـوم ولاعـاد نلـقـاه=تقفيبـه الدنـيـا وســود الليـالـي

والامـر هـذا صــار والحـمـدلله=امـر الله ونحمـد عزيـز الجلالـي

مايحمـد بمكـروه غيـره ولاسـواه=والمـوت حـق وتاليتنـا الـزوالـي [/poem]

رد : الله يحسن منزله عند مولاه
 

نسأل الله له الرحمه والمغفره

وأن يسكنه فسيح جناته



صح لسانك وبيض الله وجهك على القصيدة الرائعه


تواصل طيب ونطمح فالمزيد

وبيض الله وجهك محمد القويفل على الدعوة للي يستحقونها


وياهلا بك ومرحبا



اخووووك

بن غفره

رد : الله يحسن منزله عند مولاه
 

رد : الله يحسن منزله عند مولاه
 

اررررررررررررررحب يا عبدالهادي


الله يحييك في محلك


والشكر موصول لأبو مسفر على الدعوه


وصح الله لسانك على هذه المرثيه


والله يرحم متوفاكم


ويعيضه في حياته الجنه


تواصلك وابداعك وتواجدك يهمنا



تحياتي

رد : الله يحسن منزله عند مولاه
 

ارحب ياعبدالهادي

وصح الله لسانك

شاعر مبدع بدون شك

سلمت يمناك

تحياتي

رد : الله يحسن منزله عند مولاه
 

رد : الله يحسن منزله عند مولاه
 

عبد الله بن غفره

صح بدنك

والله يطول عمرك

اشكرك على كلامك الطيب

رد : الله يحسن منزله عند مولاه
 

فارس قحطان

صح بدنك

والله يجزاك ويطول عمرك

رد : الله يحسن منزله عند مولاه
 

عبد الله المهداني

البقاء

وصح بدنك والله لايهينك

رد : الله يحسن منزله عند مولاه
 

سعد بن مناحي بن شفلوت

البقاء يابو مناحي

والله لايهينك ويطول عمرك