سوق الاسهم ... ((الضماير ميته والمشاعر فايقه))
 

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياملكنا مابقى للصبر طاقه وإحتمال=الفجوج وساع وإصدور شعبك ضايقه
يابومتعب ضاقت إصدورنا من كل جال=ذاقت إنفوس البشر كاس هم(ن) ذايقه
سوق الأسهم فيه نصب وتلاعب وإحتيال=بين شك وريب ولا عرفنا بايقه
سوقنا اللي في تدهور وأزمه وإنحلال=باح دمه كثر نزفه من اللي رايقه
والمصيبه نخسر آلاف مانربح ريال=وناس واجد مستغيضه وثله رايقه
ثلة(ن) منا وفينا ومن ابنا وآل=والضماير ميته والمشاعر فايقه
ياكلون اموالنا لاحرام ولاحلال=كل منهم ماجهلنا هدف طرايقه
لو تعايش حالنا الشين فقر وبئس حال=كيف شعبك لوتشوفه على حقايقه
و المواطن صار دينه مثل ثقل الجبال =صوبه إعيون الفقر كلها متوايقه
إرتفاع اسعار والعيشه حمول(ن) ثقال=وكل رجل(ن) شال حمل(ن) مهو بطايقه
مشكله لصار خصمك يطول ولايطال=والله إن بعض المواقيف ماهي لايقه
وأنت تبغا ربح مدري تدور راس مال=وذاك من فوق البسيطه بسط وثايقه
مابقا إلامسألة فعل وإنثور إنفعال=وتختلط ساعة زمنا على دقايقه
إلتزمنا الصمت والصبر مير الصبر طال=كل يوم وصبرنا تنتشي عوايقه
والنهايه طلبة المعتلي لفظ الجلال=ياكفيل أرزاقنا ياذرى خلايقه[/poem]

رد : سوق الاسهم ... ((الضماير ميته والمشاعر فايقه))
 

رد : سوق الاسهم ... ((الضماير ميته والمشاعر فايقه))
 

رد : سوق الاسهم ... ((الضماير ميته والمشاعر فايقه))
 

ارررررررررررررررررررررررررحب ياسلطان


صح الله لسانك مدد ماهو عدد


عزالله انك جبتها ياذيب


بيض الله وجهك وجمل حالك وسجل اعجابي

رد : سوق الاسهم ... ((الضماير ميته والمشاعر فايقه))
 

قصيده رائعه وتلامس الواقع


صح لسانك وبيض الله وجهك ياسلطان



تقبل تحياتي


أخوووووووك

رد : سوق الاسهم ... ((الضماير ميته والمشاعر فايقه))
 

صح لساااانك يابو مبارك على الوافيه


تحياتي لك وتقديري

رد : سوق الاسهم ... ((الضماير ميته والمشاعر فايقه))
 

أخوي سلطان ابو ديه

صح لسانك واعتلا شانك

رايعه ووافيه من وافي

لك فائق احترامي وتقديري

رد : سوق الاسهم ... ((الضماير ميته والمشاعر فايقه))
 

البقاء ياعبدالله


ولاهنت على كرم المرور وحسن الاطراء



والاوله من عادتك طال عمرك


تحياتي

رد : سوق الاسهم ... ((الضماير ميته والمشاعر فايقه))
 

رد : سوق الاسهم ... ((الضماير ميته والمشاعر فايقه))
 

لا هنت يا أبو مبارك وبيض الله وجهك على القصيدة
عز الله أنك كفيت ووفيت
عز الله أنك كتبت كل مشكلة فرد راح ضحية في سوق الاسهم