(((( الــــــبــــــوح))))
 

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بوح سدّي بوح من طاح فيدين غرماه =كان بالنسبة لهم حلم والله حققّه
حاصروه وباب دونه وباب من وراه=والسلاسل حسّها فاليدين موثّقه
يطلبون الثار والموت واقف في حراه=لا سلاح يمنعه ولا ريش يطلقه
ما يفيده جبروته وتذليل العصاه =كلّها لحظات وتروح زفره وشهقه
القهر شافه بعينه مثل شوفه عداه =لين صار الكون عنده مثل راس فشقه
ضيّع السلطه وشعبه وجيشه من غباه=وراحوا عياله 0وبنته في حاله مشفقه
وسمع ذيب الحزن في معقله يقنب عواه=قبل نور الصبح يظهر من الشرق فلقه
وايقن ان هذا مصيره وان هذا جزاه=وسنّدوا به من مكانه لحبل المشنقه
وقرّبوا الحبل المروبع ولفّوا به علاه= والحدث منقول والناس غير مصدّقه
ورغم كبر مصيبته جعل سجّانه فداه =ما تخلّى عن شموخه ووقفات الثقه
والله ان كنّك تناديه يتناول غداه=ما تحرّك فيه شعره ولا بشّ عرقه
من سعاطيره ما لجلج لسانه في جماه=حتّى فاخر لحظة لّه من الله خلقه
هلّل وكبّر ونال الشهاده فالحياه=واشهد ان الله بحسن الختام موفّقه
ماترك غير القلم والوصيّه والدواه=والمأسي جلجلتها ما بين الاروقه
وفتنة ثارت باهلها على كل اتجاه=هذا شبّت في ثيابه وهذا تحرقه
وهذا تنهش في ذراعه وذا تكسر عصاه=حتّى راعي الابل في فيضة ابله تلحقه
حتّى سنجار انفطر والفرات يفور ماه=والسما غيّم غضب والشجر يبس ورقه
اتوجّد وارجي الله ولا نرجي سواه=واسأله يرزقني اخلاص فالدين وفقه
يالله اجبر كسر الاسلام وان تحسن عزاه=في بلد مسلم رماح الصليبي تزرقه
وافرض الايمان والامن فرضك للصلاه= تحت راية من تقيّد بشرع وطبّقه
مثل قايدنا ملا دولته عزّه وجاه=العداله سايده والتواضع يفرقه
ملك قلوب الرعيّه وبيت الله رعاه=وانقذ شعوب الكوارث بمال ينفقه
دمعة الرحمه عساها لآنفسنا زكاه=ودمعة الانسان من خوفة الله تعتقه
والتزوّد حبل صامل من حبال النجاه =والصبر مفتاح يفتح بيوت مغلقه
وان فقدنا راس صدّام والحبل احتواه=فالعوض حبل العداله في حبل المشنقه[/poem]

الشاعر /سعيد الفهري القحطاني

20/12/1427

رد : (((( البوح))))
 

اررررررررررررررحب يابو علي


الله مبدع ياسعيد وغني عن التعريف

هلا وغلا


سجل اعجابي


حجززززززززززززززززززززززززززز1

رد : (((( البوح))))
 

ابو علي


اررررررررررررررررحب


وبيض الله وجهك على هذه الرائعة


والابداع المميز


في الصياغه والاسلوب


غني عن كلامي يابوعلي


تحياتي

رد : (((( البوح))))
 

الجزل لا يأتي إلا بالجزاله

صح لسانك

وأعتلا شانك

رد : (((( البوح))))
 

ابو علي


صح لسااااانك واعتلا شااااانك


ابـدعت وانت غنـي عن التعريف

سجل اعجــ1بـي

...
سـالم الحـركـان
...

رد : (((( البوح))))
 

جزل والله جزل يابو علي


وغني الشهاده والتعريف


بيض الله وجهك وصح الله لسانك يابو علي



أخووووووووك

رد : (((( البوح))))
 

صح لسانك
والله يعطيك العافيه ولاهنت ،،،،،،

رد : (((( البوح))))
 

بيض الله وجهك وصح لسانك وعلا شانك

قصيده وافيه وأنت وافي ومن ربع وافين جعلك سالم وغانم

الله يرحم صدام وعزانا فالعروبه وحكام العرب

تقبل تحياتي وتقديري

رد : (((( البوح))))
 

صح لسااااااااااااانك يابو علي واعتلا شانك وبيض الله وجهك وعسى الله يرحمه وينصر الاسلام والمسلمين وينصر بلاد اخواننا المسلمين في كل مكان

رد : (((( البوح))))
 

صح والله السان يابوعلي

قصيده وافيه من رجال وافي

تقبل تحياتي وتقديري واعجابي بشخصك الكريم

بن حيان