|
((((((( المــــوت الحمــــــر )))))))
[poem=font="Simplified Arabic,6,black,bold,italic" bkcolor="transparent" bkimage="" border="none,medium,gray" type=3 line=0 align=center use=ex num="0,black"]
يارحلةٍ تال الشتاء مقدم الصيف=بأطرافها عكش الليالي حليقه ما يسلم الفراع حذف المحاذيف=حتي ولو حاول ظروفه تعيقه يامل عين صادفتها صواديف=لاعرضت للمحتدي في طريقه وياعلةٍ تحت الضلوع المهاديف=الوقت جددها وكانت عتيقه مسكين من خالف طريق المناكيف=يتبع سراب اللال غره بريقه حتى شعور الشخص جاء فيه تزييف=وقت تغير والمشاعر لفيقه يابو فهد عقبك لحقني تكاليف=وجروح روحي مدملات وعميقه أعول كما ذيب رقى بالمشاريف=يومن حداه الجوع نيب شقيقه نسمع بطارىء الموت الاحمر ولاشيف=واليوم أنا شفته بعين الحقيقه أدعج غنج والبيض عاج ومراهيف=والعود ناعم والملامس رقيقه هيفاء خصر ومخضبات الاطاريف=والعين خرساء والقوايم رشيقه والخد مثل الورد الاعفر مواريف=ماحافه الجنان وسط الحديقه يقود خلفه جمع ألادم المخاشيف=لاواهني اللي غدى به عشيقه قلت اله لحظه قال ناسٍ ملاقيف=قلت اله ابي من جل وقتك دقيقه قال انت بياع الحكي والسواليف=ثم انحرف وأقفا بساقة رفيقه أقفى وعيني عاجلتها المذاريف=ذبلت محاجرها وصارت رقيقه والقلب شرثه يشتعل كنه الليف=روح وفي يمناه منه وشيقه يالله ياجامع قلوب المواليف=تفرج لمن شافه بعين الحقيقه[/poem] |
رد : ((((((( المــــوت الحمــــــر )))))))
الشاعر العلم سيف بن طفله
وش نقول لأجل نوفيك حقك في هذا الأبداع والجزاله ؟ والله اللسان يعجز والمتصفح لايتسع وذا اللي يعذرنا منك وانت في غنى عن كل مايقال لكن زبدة الهرج نقول صح لسانك مدد واللي راح نطلب الله يرده ويلين قلبه وإن ما حصل فاطلب الله خيرته وهي الأخير لاعدمنا تواصلك يالجزل ولك تحيات أخوك ،،،،،،، . |
رد : ((((((( المــــوت الحمــــــر )))))))
ماتسلـم الفـراع حـذف المحاذيـف
حتي ولـو حـاول ظروفـه تعيقـه يامـل عيـن صادفتهـا صـواديـف لاعرضـت للمحتـدي فـي طريقـه وياعلة تحـت الضلـوع المهاديـف الوقـت جددهـا وكانـت عتيـقـه مسكين من خالف طريـق المناكيـف يتبـع سـراب الـلال غـره بريقـه الله الله صح لسانك يا بحر الشعر قلت وابدعت ولاغرابه .. ماتبي لك شهاده جعلك من زود في زود تحياتي لك في اي مكان كنت لاهنت ولاشنت يا سنايدي |
رد : ((((((( المــــوت الحمــــــر )))))))
الشاعر الكبير بحر
اررررررررررررررحب الله يحييك وقيل من طول الغيبات جاب الغنايم صح والله لسااااااااااانك يا كحيلان والحقيقه ان كلامي لا يوفيك حقك يا سيف وانت من هل العلم الغانم وتستاهله الله يوفقك وييسر لك ما بغيت لاهنت ولا تحرمنا من تواصلك تحياتي اخوك |
رد : ((((((( المــــوت الحمــــــر )))))))
صح ألسانك
|
رد : ((((((( المــــوت الحمــــــر )))))))
اقتباس:
ارحب يابحر صح لسانك وعلا شانك اشهد بالله انك ابدعت الله يبيض وجهك لو ان مثلك مايحتاج شهاده من احد الله يجعل خيرك واجد تحياتي وتقديري |
رد : ((((((( المــــوت الحمــــــر )))))))
صح لسانك يالبحر
قصيدة رائعه كروعة حضورك وتواجدك الف الف شكر لك على الجزله يالجزل وفي إنتظار ما يدونه لنا قلمك الرائع في هذه الشبكة بكل شوق أخوووووك |
رد : ((((((( المــــوت الحمــــــر )))))))
صح السانك بحر ولاهنت قصيده وافيه وجزله من وافي تحياتي |
رد : ((((((( المــــوت الحمــــــر )))))))
الاخ الغالي والوافي بحر
اشهد بالله انك بحر صح لسانك ملياااار ولا يسدون رايعه بروعة حضورك المميز وافيه من راس واحساس وافي لاخـلا ولاعــدم لك فائق احترامي وتقديري |
رد : ((((((( المــــوت الحمــــــر )))))))
اقتباس:
قاعده : " الكل لا يتجزأ " هذا ما أجبرتنا هذه الرا ئعه على إكتشافه الغزير والمثير دوماً : (( بحر الشعر والبلاغه )) بعد ما قرأنا لا يسعنا إلا أن نقول : يعجز الكلام عن الوصف والتعبير ونخشى إن إجتهدنا من التقصير لذلك .. تبقى الدهشة حتى ساعةً متأخرةً من الشعر !! ويبقى البحر غزيراً.. تقبَل فائق التحيه وخالص التقدير. |
| الساعة الآن 04:32 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com