المرجله
 

السلام عليكم ورحمة الله وبركاته ،،،،،
مســّـــاكم الله بالخير يا الربع ،،،،،،
قصيدة أعجبتن وقلت .. نقرآه كلنا ... وش رأيكم ...المرجله



[poem=font="Simplified Arabic,4,black,bold,normal" bkcolor="transparent" bkimage="backgrounds/36.gif" border="none,4,gray" type=1 line=0 align=center use=ex num="0,black"]
إذا المراجل لبسة شماغ وعقال =

........................ قل للعذارى يلبسنّ العمايم

ما عاد يفرق زول حرمه ورجال =

........................ دام الفعايل تشبه البعض دايم

المرجله ما هيب كلمه وتنقال =

........................ وتروح ما راحت هبوب النسايم

وإلا خشونة صوت أو رفع الأثقال =

........................ أو رزة صدور وفعل الزلايم

ولا هي بعد مفتاح موتر وجوال =

........................ وإلا ردى لسانن حديثه شتايم

المرجله شيمه عن القيل والقال =

........................ رفيع نفس )ن ) حر بالجو حايم

المرجله عقلٍ وزن وزنه جبال =

........................ ودون العقل وش فرقنا والبهايم

يا مسندي لو مايل الوقت بي مال =

........................ يا ولد أبويه يا عظيم العزايم

يا معرب الجدين من العم والخال =

........................ يا نخوة المفزوع وقت الهزايم

المرجله يا خوي هي طولة البال =

........................ هي العزم هي الصبر فالظلايم

فيها الكرم عزه دله وفنجال =

........................ فيها الكرامه عن ردى الطبع شايم

والدين لامنه خذا القلب منزال =

........................ مشى طريق الحق وابليس نايم

ومن لا عرف ربه في طيب الحال =

........................ لابد وقت الضيق بالهم هايم

حتى صلاتك مع جماعات ورجال =

........................ في خيرها يا خوي نعم الغنايم

ولامن نصف ليلك قم صفي البال =

........................ يا عظم أجرك بين ساجد وقايم

ولا من رفع ربي له كل الأعمال =

........................ حسن الذكر لا قالو فلان صايم

وخلك شريف القصد يا طيب الفال =

........................ سوء المقاصد فالبيوت الهدايم

واحذر تبيع النفس في دب الأنذال =

........................ وتتبع خوي إبليس راع النمايم

النفس خيل لك إذا كنت خيّال =

........................ ومن لا قوى نفسه قوته الهزايم

ولا صرت ما تدري لو يش أنت رجال =

........................ والله خسارة فيك ذبح التمايم [/poem]

نوف بنت شطيّـط العتيبي

صح لسااااااااااااااااااااااااااان الشاااااااااااااااااااااااااعره

وبيض الله وجهك على النقل

سلمت يديك يا عـــــــــــابد على القصيده الوافيه
 

ابن قحطان

ابو ابراهيم العبيدي

لاهنتم ومشكورين على المرور ....