مرثية ابن عور ثاني الجروي في ابن حويل
 

مرثيه الشاعر /مبارك بن عايض الجروي


في الشيخ سعيد بن عبدالله بن حويل آل الجرو رحمه الله رحمة واسعه


ركنن من اركان القبيله فقدناه ××× انعزي أنفـــــسنا وننــــــعا ونبكيه

اي والله انه يجرح القلب فرقاه ××× ماينتعوض لوبغينا الــــــــعوض فيه

تاج الفخر والعز والوجـه والجاه ××× ســــــــعيد علمــــه نادر الي يسويه

آل الجرو فقـــــيدهم رحمه الله ××× رمــــز(ن) يجملنا بفـــــــــعله وطاريه

وفاته ابن حويل بلوا ومآساه××× وأســــــتغفر الله من كــــلام مايرضيه

يالله عسى الفردوس داره ومآواه ××× والله يبيــــحه عد مامـــــــــدت ايديه

عند السؤال يثبته يـــــــــوم يلقاه ××× وقلبــــــــه من الايمان على كراسيه

حزنن غزاني مايـــــطفيه قول آه ××× تقـــــــــول صــدري مسرح للكاراتيه

والحق حق اليا خذا الله مااعطاه ××× يحيي ويميت وكلنا نـــــــــــرجع اليه

مرحوم غيث الجار والضيف لاجاه ××× وسعد(ن) لربعــــه واصدقاه وعوانيه

معذور دمع(ن) غرق خدودي بماه ××× ومعذور صــــدر ضيقـــــته ماتـــخليه

صاحي ونايم مستحيل اني أنساه××× يجيني الهــــــــاجوس والا اني أجيه

وشلون ماحـــزن على الي مزاياه ××× لاجيت أبي احصي حقها مقدرأحصيه

الهيــله اللي في بشاشة محيـــاه ××× قــــــــــبله تقول لمن يرى الله يحييه

الله بالــــغفران والعفــــو يـجزاه ××× والصـــــــــــبر والسلوان لاهله وذويه

ملائــــــكة الرحمن من فعل يمناه ××× تشمها ويضاعف الله حســـــــــــانيه

خير السلف جعل الخلف خير في أبناه ××× والشبل من ذاك الاسد يامـــحليه

ويعيش اخوه الي خذا من حلاياه ××× بطي على نهجه ويمشي مماشـــــيه








وسلامت الجميع

رد : مرثية ابن عور ثاني الجروي في ابن حويل
 

اخويس الغالي

عز القبيله

بيض الله وجهك

وصح لسان الشاعر مبارك الجروي

والله يرحم ابن حويل ويسكنه فسيح جناته


تحياتي لك وللجميع

رد : مرثية ابن عور ثاني الجروي في ابن حويل
 

الله يرحم بن حويل ويسكنه فسيح جناته



ولاهنت على النقل الرائع

رد : مرثية ابن عور ثاني الجروي في ابن حويل
 

ووجهك أبيض يا ابن نومه



ولايهينك يا ابن غفره

والمعذره على الرد المتأخر