قصيدة رثائية في الشيخ/مترك بن شفلوت يرحمه الله
 

هذه القصيدة مرثية في الشيخ/مترك بن ذيب بن شفلوت شيخ شمل قبائل عبيدة قحطان يرحمه الله واسكنه فسيح جناته
مقـــــدم عبيـــده
[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياعين كفي الدمع لاعاد تبكين=الموت سنة ربنا في عبيده
قلبي من الفرقا وقع بين نارين=نار الفراق ونار هماً يزيده
ابكي لشيخ من شيوخ القحاطين=محزم بني عمه ومقدم عبيده
مترك ابن شفلوت في العسر واللين=نبراس قوماً في الامور الشديده
يرحمك يا شيخاً برز في العناوين=رحيل شيخاً له مزايا عديده
راعي الظفر والجاه والعقل والدين=وشيخٍ جمع كل الصفات الحميده
حراً قطامي من سلالة سلاطين=لا طقت براس الحديده حديده
وعزوة اخو رثعاء كعام المعادين=ذي عزوته لا ضد ضداً ضديده
ومحبته تجري بدم الشرايين=يضخها الصمام داخل وريده
ريف الضعيف وشوق عين المزايين=وشيخ حمى ختمه وكلا يشيده
والموت حق وكلنا فيه دارين=لكن وفاة بمثل هذا فقيده
الله يبيحه قولوا ( آمين وآمين)=وفاة نفسا مثل نفسه شهيده
ونعتاض بعياله ويبقون حيين=اشوارهم في كل وقت سديده
ونعتاض بمناحي صعوط المجانين=شيخ شهر من زود طيبه وجيده
والله يمد بعمره سنين وسنين=الليث الابيض جعل ربي يزيده
واخوانه الباقين مثل الشياهين=وافعولهم ماهي بعليهم جديده
فياعين كفي الدمع لاعاد تبكين=الموت سنة ربنا في عبيده[/poem]

والله يرحم المتوفي ويبقي الحيين

صح والله لسانك يأبو هادي

والله يرحم موتانا وموتى المسلمين
ولاهنت على المشاركة الطيبة وعادتكم الطيب من اول ومن تالي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ابكي لشيخ من شيوخ القحاطين=محزم بني عمه ومقدم عبيده
مترك ابن شفلوت في العسر واللين=نبراس قوماً في الامور الشديده
يرحمك يا شيخاً برز في العناوين=رحيل شيخاً له مزايا عديده
راعي الظفر والجاه والعقل والدين=وشيخٍ جمع كل الصفات الحميده
حراً قطامي من سلالة سلاطين=لا طقت براس الحديده حديده
وعزوة اخو رثعاء كعام المعادين=ذي عزوته لا ضد ضداً ضديده[/poem]

[grade="00BFFF 4169E1 0000FF"]صح لسانك يا بدر ، على هذه المرثية المعبرة 000 والواقع أن المصاب جلل والفقيد عزيز على كل من عرفه -رحمه الله رحمة واسعه وأسكنه فسيح جناته، أنه سميع مجيب-.

ولك التقدير والإجلال من أخوك:[/grade]

ومن قال يسلم يا ابن خريم
والله يرحم اموات المسلمين

سلمت يا ابو عبدالرحمن
واحسن الله الختام

لا هنت يالنهاري
وانا لله وانا اليه راجعون

صح لسانك يا الوبري .. ورحم الله الشيخ مترك وأسكنة فسيح جناته