تكرم لحانا
 

تكرم لحانا من كلام الهافي @@ اللي يعذربها على عما ها

خبلن خذاه ابليس بلاكتافي @@ ميدري ان نور الرجال لحاها

علماني زوجته بالنتافي @@ تنتف شعر وجهه عساه افداها

مخالف السنه ونوره طافي @@ ونصيحة الاخيار ما يبغاها

خبيث فكر ومظهره ينعافي@@ يشناء اللحاء واهل اللحاء يشناها

ويقول هم الارهاب والارجافي@@ وشهادته ما فيه من زكاها

عقله مريض وللبشر حذافي@@ ويحمل رساله عارفن مغزاها

يبغاء العرب يسفاء عليها السافي @@ ونصير مثله خدته ناطاها

الله يذله قبل ذا الا هدافي @@ ويصير عبره ماحدن ينساها

والظاهر ماجاه مني كا في @@ ونعادها بذن الله بيلقاها

من عقبها يالابه الاشرافي @@ تراء اللحاء فخرن لمن رباها

ورمز الرجوله لحيتن تنشافي @@ بوجيه قومن نورها يكساها

لانيب لامخطي ولا زهافي @@ولااحب انقنق في العرب وقفاها

واحب ربعن تعتلي المشرافي @@ وافخر بها لمن جاء نباها

ربعي هل الطاعات والانصافي @@ ابما ملكت افزع لها وافداها

وقصيدتي ياهل الوفاء العرافي @@ دون اللحاء حقن علي مبناها

صح لسانك وبيض الله وجهك

قصيده وافيه من وافي

نطلب منك المزيد

تقبل تحياتي وتقديري لشخصك الركيم

شكراً لك اخي الكريم على هذا المشاركة

والله يكثر من اهل الغيره الذين يغارون على امور دينهم

القصيد الجزل فهل الدين يازين انتضامه@@@@@يفرح اللي بادعه ويشجع اللي يسمعونه

اخوي الكاسر /ابوعساف/اشكرك على المرور ,,وابشر بعزك واوعدك الاسبوع القادم بقصيده افضل,,

اخوي مداهيل الرجال اشكرك على المرور ::والله يجعل اعمالنا خالصه لوجه

السلام عليكم ورحمة الله وبركاته

شكرا لك

لكن لمن هذه القصيده


وقيلت في من ؟؟

اخي فارس قحطان اشكرك على اهتمامك /الشاعر هو سعد بن مسفر بن مذكر الجروي ,,, والشاعر يعتذر عن ذكر المناسبه وفمن قيلة بعد ان اخذ عهد على نفسه بذالك