|
الشبه زين احياناً ....احكم بنفسك
هذه السالفة حصلت معي قبل اسبوع _____ يمكن تكون مضحكة شوي ____ المهم اني ذهبت للبنك الاهلي لفتح حساب في البنك وعندما وصلت قطفت ورقة الانتظار وجلست في الصالة انتظر حتى يحين موعدي وكنت أقرأ في كتيب عن معلومات الاقساط وإذا بأحد الموظفين يناديني ... ذهبت له رحب بي وصافحني بحرارة وحياك الله ويقول ليش ماتجيني مباشرة وبلا انتظار المهم قلت له كيف افتح حساب لديكم أفادني بانه لابد من مبلغ خمسون الف ريالـ50.000ــ وفجأة تبسم وقال لي مايهمك :021: افتح لك حساب اللحين :deal: وبدون اي مبالغ وبعد خمسة ايام تلقى صرافك على صندوق بريدك :banana: المهم انا محتار جداً من تعامل هذا الموظف الغريب وفعلاً خلصنا الاوراق ووقعت وصافحني بحرارة يقول العشاء عندي وان شاء الله تقول تم ..... المهم اني رفضت دعوته لارتباطاتي ومشاغلي وكذلك عدم معرفتي به ... وقبل انصرافي من عنده قال سلم لي على الوالد:confused: سلام كثير وقل له اقساطه اللي اتفقت معه على دفعها على الدفعات المتبقية سوف احرر له بها شيك وابعثه له .... الغريب ان والدي لايقصد سيارات ولايعمل اصلاً في المنطقة اللي التقيت بها هذا الموظف بتاتاُ والغريب اكثر ان المذكور فتح لي حساب وحصل على اسمي من واقع بطاقة الاحوال .... اللي افكر فيه حتى الان هل المذكور مشبه علي؟؟؟ وإذا شبه علي فلماذا يصر على السلام على والدي وهو قد قرأ اثباتي ؟؟؟ اللي اتمناه ان القى مثله في باقي الدوائر الحكومية ... دمتم |
حظك حلوا ياحلو ................
بس اهم شي انه فتح لك الحساب ............ بس تأكد .... يمكن الرجال يكتشف انه غلطان ويلغي الحساب ..... والاحلى منها يجي الرجال المشبهه عليك بعد طلوعك من البنك ... وتكمل ... . |
ههخخهخهخهخهخ
الله يوفقك يا ابو عبدالله عز الله خوفتني بذا العلم تصدق الصرافة الى الآن ماجت شكلها صادفت من جد خهخهخهخخهخهخهخهخخه |
يمكن الرجال غلط في البداية يوم شافك ولما ناداك وأراد يخلص أمورك ويوم شاف البطاقة وعرف إنه غلطان
استحى وما قدر يغير أسلوبه معاك فاضطر إنه يمشي أمورك ويصير معك طيب بالغصب حتى الأخير وما عرف كيف يرقع تصرفه معاك فسوى نفسه مشبه وقام يسألك عن أقساط الشايب النتيجة انتهت امورك والحمد لله :) بس ما قلت لنا كم في رصيدك :) <<<<< نفر ملقوف :) |
ههههههههههههههههههههههههههههههههه
اهم شي انك انتهيت وعسانا نلقى مثل هذا في الدوائر تحياتي |
السلام عليكم ورحمة الله وبركاته
المهم خلصت امورك بسرعه :) بس لكونك فاتح لحساب علشان الأسهم :) انحش منهااااااا :) |
شكراً لك اخي الكريم على هذا المشاركة
|
حلوة وجميلة منك في استغرابك ومنه في خدمتك ، ولكن أنا أعتبرها قد تكون لك كرامة من الله وأنت لا تدري وفقك الله وأنت تستاهل من يخدمك ، بإحساسك المرهف والاخلاق العالية دمت يالغالي
|
اخي الغالي آل معمر يعيطك العافية يالغالي هذا حل المسالة ليتك تدري كم في الرصيد 00.00 عز الله انها الحقيقة وربك كــــــــــــريم ننتظر مدينة الملك عبدالله فقط =--==-=-=-==-=-=-=--=-=-==---=- اخوي الذيب الاشيب ابشرك انها مشت الامور تمام زرق ساقه ربك =-=-=-=-==--=-=--=-=-=-==-=--=-= اخوي الغالي فارس قحطان حياك الله يالغالي اما الاسهم فقد طار اللي حن ماسهمين معه بالاموال ولالي طاري ارجع فيها دمت يالغالي اشكرك على النصيحة ==-=-==-=-=-==-=--==-=-=-==- اخوي الغالي غريب الوطن عساكم بخير وعسى الغربة معاك طيبة ندعو لك بالتوفيق وسرني مرورك ==0-=-==-=-==-=--=-= استاذي القدير ابن رشد الصغير جزاك اله خير يالغالي هذا رزق ساقه لي رب العالمين مثل ماقلت وفقك الله واسعدك وادامك |
الحمدلله طلع التشبيه في صالحك
لأن أحيانا التشبيه يكون ضار بس تدري سالفة يقول أفتح حساب بمبلغ 50000 أو 5000 أو حتى خمسة ريال مو من حق البنك يعني روح أي بنك وقول أبي أفتح حساب ولو قال إدفع مبلغ تحت الحساب قول ماعندي الحين وإذا رفض روح للمدير وقولة بس هالكلمة أنت عندكم تعليمات من مؤسسة النقد بفتح الحسابات لأي مواطن بدون دفع شيء ولا لا على طول بيخاف توصل إلى إدارتة الأقليميه وتعرف هم مايبون وجع راس من الفروع علشان كذا يخلصك ( طبعا أنا سويتها في الراجحي) المهم ليش تفتح حساب والرصيد 00.000 وش الفايدة ترى ال معمر خسران في الأسهم وعندي خبر إنة قاعد هاليومين يشيك على حسابات الأعضاء فتى الجوة مشكور للسالفة واسف على الاطاله. |
| الساعة الآن 10:55 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com