|
الشدايد محك الرجال
[frame="7 80"] ما يبين الطيـب الا فـي الشدايـد
في نهار يصير حملـك فيـه كايـد يظهر الصنديد في صـف الجماعـه وينثبر من يشتري مـدح الجرايـد ويسكت اللي بين خلـق الله علاقـه ويعرف اللي في سبيل الخيـر ذايـد والهجوس اللي على الموعد تجيني عاهدتني مـا تجيـب الا الجوايـد لو اصوم من رمضان الى الضحيـه ما افطر الامـن معاليـق الشرايـد كـل مـا هلـت مـزون العقربيـه جـاد صنـدوق النـوادر والفرايـد والشعر في ذمـة الشاعـر رسالـه تذكـره حتـى محاريـب المسايـد شاعر الرسول حسـان بـن ثابـت والامام الشافعي فـي الشعـر رايـد ولاتـزال معلقـات الشعـر رايـه للشعـر واهلـه وعشاقـه شهايـد واناشعري مثل دمـي لـه فصيلـه لـه علاقـه بــا الفصيـلـهo+ لانهـا فصيلـة الــدم الكريـمـه والكريم معان حتـى فـي القصايـد محزم لي فـي المسـره والمضـره ما وقف بي عند وقفـات الزهايـد خادمني عنـد عصمـان الشـوارب عرفهـم طالـه وخدمتهـم فوايـد واكسـب بعرفـي بـلاد الله امـاره والبس ثيـاب النواميـس الجدايـد وقفـة تذكـر وتاريـخ ومهـابـه ومزح راقي مـع وسيعيـن البنايـد وان رجعنـا للمطامـع والمراجـل مانضريهـا علـى نـوم الوسايـد وانت يا اللي تحسب ان هرجك مؤثر وتزرع اشجـار النميمـه والمكايـد لاجميـل ولاســلاح ولا حمـيـه ولاتمسك بـا الشريعـه والعوايـد غاسل وجهك مـن اثـار المـروه مثل ما يغسل يـدك صابـون تايـد وتزعم انك مثـل شيخـان القبايـل وانت صيد للسلـق مانتـه بصايـد ان ترفعنـا عـن الواطـي كرامـه ما مضى من وقتنا مـا هـو بعايـد ما يمثـل شاعـر الوقفـات نفسـه غيرذخـر للقريـب وكـل نـايـد نيـة الرديـان ماهـي لـي مطيـه البشر مـا تفـرق الا فـي العقايـد وكان ثار العج عند ابـل الدواسـر يعرف ابن قويـد عنـد اولاد زايـد كل عود ازرق لافاح يجيـك طيبـه فال من لايرتجـف يـوم الطرايـد والحقيقـه فـي البدايـه والنهايـه كـل شـي غيـر وجـه الله بايـد [/frame] |
الاخ /البواردي
هذه القصيده من قصائدي ولا ادري كيف نسبتها لك ولعلمك هي موثقه في ديواني في النداوي من قبل سنه وموثقه في وزارة الاعلام رسمياً 0وهذه يدل على عدم احترامك للشعر واهله 0وانه ليس لديك ما تقدمه الا انك تسرق ابداعات الاخرين 0ارجو ان تعود الى رشدك وتنسب القصيده الى قائلها 0 |
السلام عليكم ورحمة الله وبركاته
الأخ البواردي القصية كما وضح الشاعر سعيد الفهري له وانت نسبتها لك في موضوعك هذا ارجو ان توضح لنا السبب وهل انت ناقلها فقط ام تنسبها لك !!!!! ارجو توضيح ذلك والا سنضطر لإيقاف عضويتك . |
البواردي اجتهادك طيب ولكن ياليت كتبت عنوان القصيده بإسم شاعرها او وضحت انها منقوله لأن القصيده للشاعر سعيد الفهري بلا شك ولا يحتاج الشاعر سعيد شهود لذلك حيث انه قد القاها في اكثر من مناسبه وموثقه في جميع المكاتب بأشرطة فيديو لو رجعنا للبحث عنها وكذلك موثقه في منتدى النداوي المعروف ولا اعلم كيف كانت لديك هذه الجرائه لفعل مثل مافعلت والعياذ بالله ارجو ان تلاحظ هذه الغلطه مستقبلاً وتتلافاها بقدر المستطاع وإن عزمت على ........... شوف لك شاعر متوفي وقصائده لم تنشر ولا يوجد له ترثه وربما قد تمشيها نوع ماء هذا ما وددت إيضاحه |
ايش العلم يالبواردي نبغى التوضيح منك عن الملابسات واذا مهي بلك فالمفروض انك ذكرت صاحبها او اقل شي كتبت منقوووووووووول علم القفار يروح الديار |
البواردي ... هداك الله .. هدااك الله .. ألا تعلم ان السرقه الأدبيه من أعظم وأشنع الأمور اللتي يقترفها الشخص ؟؟ وماحيرني في الموضوع ان هذه القصيده هذه ليست الأولى اللتي تسرقها ... ولنفس الشاعر كذلك ؟؟؟ الموضوع فيه لبس وفيه إنّ !!!! البواردي .. عد إلى رشدك ... ( وإستح على وجهك ياخي) |
السلام عليكم ورحمة والله وبركاته
مصبحين بالخير جميع يالربع والله اني يوم اقراء القصيده ماني بمصدق اقول في نفسي يا وجه الله والله هذي قصيدة الفهري وكنت ناوي ارد عليه بكلام يزعله بس يوم انكم سبقتوني فيكم الخير والبركه وانا بنتظر رد الرجال ونشوف ويش العلم وعسي الله يستر |
البواردي
ما قمت به جريمه ادبيه لا تغفر لك يجب عليك توضيح اسباب ما قمت به ولا سوف نشطب عضويتك واللى مثلك ما يشرف تواجده معنا |
العذر
[frame="7 80"]يا أخوان الله يهديكم وش ذا التهديدات والعصبية كلها تراني خويكم والمفروض تستنوني أقول لكم السبب يعلم الله إني أمس كنت مستعجل وداخل النت وأعجبتني القصيدة ونقلتها بسرعه هي وقصيدة الجمس
اما الشاعر سعيد الفهري فلك مني اشد الاعتذار وصدقني ماهوبالمقصد اني اسرق القصيدة بعدين انا دخلت احد المواقع ولقيت عدد من الشعار من بينهم الشاعر سعيد الفهري دخلت لقيت القصيدة واعجبتني وهذا مافي الامر أكرر اعتذاري يا شاعرنا سعيد الفهري وابشر بالحق وما يلحق رفيقكم البواردي تقبلوا تحياتي رغم اتهاماتكم[/frame] |
| الساعة الآن 05:05 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com