مـــصـــافحتي الأولى (( والنار لو شبت وتشعل لك إشعال === ترجع رماد وجمرها ما يدومي ))
 

بسم الله الرحمن الرحيم

في البدايه أحب أن اشكر كل من رحب بي وأشكر الأخوه القائمين على هذا المنتدى لحسن استضافتهم لي



وأتمنى أن استطيع تقديم ما يرضيكم




وهذه مشاركتي الأولى في هذا الصرح الشامخ وأتمنى ان تنال على استحسانكم ورضاكم

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نبدا بذكر اللي جعل شمس وظلال=الله كريم وذكر ربي يدومي
يا الله يا ربي بحسنات الأعمال=يا رب عنا بالعبادة نقومي
سبحانك الوالي وتعلم بالأحوال=ذنوبنا كثر الحصى والنجومي
نسألك غفرانك ورحمتك في الحال=يا هازم الأحزاب مجلي الهمومي
تفني لك أجيال وتخلق لك أجيال=والأرض تحييها بوبل الغيومي
شديدٍ عقابه على كل من مال=يمهل ولا يهمل عزيزٍ رحومي
عاد وثمود راحوا اذكار وأمثال=وفرعون في قومه قوي العزومي
كم معجزاتٍ جاته ألوان وأشكال=ونفسه على أهل الحق قامت تزومي
فاغرقه في وسط البحر ربنا العال=هذي عبر للي عرف اليمومي
فلا تأمن الدنيا ولا كثر الأموال=لابد من يومٍ تصيب السهومي
وترحل عن الدنيا وعن كل الأزوال=مجردٍ ما معك حتى الهدومي
فأحرص على دينك ترى الوقت لا مال=ما ينفعك منهو يطيح ويقومي
دنياك لو زانت وتقبل لك اقبال=ترى المنايا فوق راسك تحومي
اللي نزل واللي عن الدار رحال=والموت يقرب كل مافات يومي
لابد لك موعد بقصاف الآجال=واللي زرع يلقى حصاده لزومي
ما تأخذ إلا اللي تقدم من أعمال=في جنة أو وسط نار وسمومي
يا خالقٍ خلقه وكلٍ بمنزال=نسألك يا رحمن جزل القسومي
دنيا مشاكلها عريضات وطوال=تسقي عسل وأمرار شري وسمومي
دنياك مهما صار همٍ وغربال=يااللي ورى دنياك تسعى وتومي
ترى القمر لو يكتمل يرجع هلال=ومن لا ادرك العليا ردي العزومي
ومن طاب له ذكرٍ ولو كان قد زال=والا الردي عايش وكنه معدومي
والعشب ما يطلع وواديه ما سال=والناس به معطى وفيه محرومي
للطيب رجالٍ وللعرف رجال=والسيف ما ينفع كثير الثلومي
لا ضاقت الدنيا بك وحدك الجال=أنص الرجال اللي تسد اللزومي
مجربه ماهيب قولٍ بلا أفعال=ولا يغركم زين الغتر والهدومي
للذيب منزالٍ وللنيص منزال=والفرق واضح بين حرٍ وبومي
جالاً يعنزلك وجالٍ ترى هيال=ما ينفعك ويزيد همك همومي
فاشتر رفيق الطيب لو تدفع المال=حرٍ تعلى فوق روس الرجومي
جمل محامل للثقيلات شيال=وبالطيب يبصم له بروس البهومي
وخوة رجال الطيب تشرح لك البال=اللي يعرفون القدى والسلومي
وخوة ردي الساس مثل أشهب اللال=للمرجلة والطيب عيا يرومي
ترى الردي فرقاه تشرى بالأموال=مالك ومال أهل الردى والرخومي
وفرقا رفيقٍ ما يسرك هو الفال=أذبح على فرقاه لو ديك رومي
لا جا لزومه قال يا عم يا خال=وفي واجبك ما يشتقي ما يقومي
فخلك بعيدٍ من هل القيل والقال=حتى ولو ترقا طويل الحزومي
فالنار لو شبت وتشعل لك اشعال=ترجع رماد وجمرها ما يدومي
وطرد المقفي ضعف بالعقل وهبال=لا ترتجي برقٍ بعيد الغيومي
ومنهو ضحك بسنون شامت وعذال=هاذا ومن مثله الد الخصومي
واللي يهينك هنه حده على الجال=لا تقبله لو كان متنه زحومي
والطيب أخير من الردى دام تحتال=ومحدٍ من الزلات قيل معصومي
فخلك مع ربعك ولو طال ما طال=ورجلاً بلا ربعٍ تراه مهزومي
لاجا نهارٍ فيه للشر زلزال=محزمك ربعك في نهارٍ كتومي
في عزوتك لا يدخلك ربع مثقال=راع الحكي لا تسمعه والنمومي
لاقابلك غنى على كل موال=ويرميك لمن قمت بردى العلومي
فالناس جهالٍ وفالناس عقال=والعاقل اللي محترم ومحشومي
والجهل ضد العلم راعيه ما نال=الا المشاكل والشقا والذمومي
ومن عال في دنياه في الناس عيال=كم واحدٍ للشر يسعى يسومي
والحق حق وكلمة الحق تنقال=يا العبد تب لله وخلك جزومي
هذي نصيحة للصناديد الابطال=ابنا الرجال الطيبين القرومي
تمت وصلوا عد ما هل همال=على النبي وعداد منهو يصومي[/poem]

حجز 1

اللهم اصلي واسلم عليك يارسول الله



لافظ فوك

شاعر

ان هذا الشبل من ذاك الأسد


تشرفت بمصافت ابداعك كااول من يبحر باابداعك يالغالي



تقبل تحياتي ومتابعتي

السلام عليكم ورحمة الله وبركاته

ارررررررحب ياعبدالله


اررررحب والله يحييك في الموقع


وشرفت الموقع بوجودك



وصح لسانك يابوهادي


قصيده مليئه بالحكم والدرر




.

مرحبا ومسهلا ياعبدالله

وصح الله لسااااااانك

وافيه من وافي

وابداع لايستغرب من اهله

دمت وسلمت

بيض الله وجهك بياض يرفع على رؤوس الأشهاد0

وصراحه اللي مثلك مكسب لمجالس قحطان وعلومك دايم غانمه 0

الاخ عبدالله

ارررررحب الله يحييك بين اخونك في مجالس قحطان

وصح الله لسانك

ولك تحياتي

هذي.. معلــقه معلــقه معلــقه

نحتاج الى مثلها
لنتزود بمنافع حكمها وما تحمله من نصح وارشاد

صح لسانك ياطيــر حــوران
واشهد انك مثل ابوك

بيض الله وجهك على الرائعه



وصح لسانك وعلى الثانية عانك



عزالله أنك ما قصرت في المعلقة والجزله يالجزل


شاااااااااااعر من الدرجة الأولى وغني عن التعريف


هذا الشبل من ذاك الأسد


تحيتي وإعجابي بمصافحتك الأولى