ماهي الإسلوب الأمثل لتبليغ ومصارحة زوجتك في حال قررت الزواج عليها ؟!!
 

أم خالد : ألو .. السلام عليكم

أم عبدالرحمن : هلا وغلا بأم خالد وعليكم السلام

أم خالد :أخبار العيال والأحوال؟!

أم عبدالرحمن : اللهم لك الحمد بخير .. وانتي يام خالد شخبارك !.. وأخبار عيالك ! ؟!!

أم خالد : الحمد الله على كل حال .. نفسيتي تعبانة ..

أم عبدالرحمن : عسى ماشر ؟!! ردك فيه شئ !! طمنيني بالله !!

أم خالد : سمعت خبر من يومين ضايقني بالمرة

أم عبدالرحمن : خير ؟؟!! خوفتيني ؟!!

أم خالد : أم وليد .. اللي عزمتنا على عرس أختها الشهر اللي فات .. تتذكرينها ؟!

أم عبدالرحمن : ايه ونعم والله .. وشفيها ؟!!

أم خالد : زوجها الله يهدية تزوج عليها

أم عبدالرحمن : ماتستاهل والله .. زين وأخلاق ودين .. هالرجال مايشكرون ربهم على النعمة اللي هم فيها ..

أم خالد : ياليت المسأله زواج بس ..

أم عبدالرحمن : كيف ؟!! وشصار ؟!!

أم خالد : ماتت أم وليد يأم عبد الرحمن

أم عبدالرحمن : بالله ماتت؟ يالله !!! انا لله وانا اليه راجعون !! كيف ماتت ؟!!

أم خالد : ذبحها زوجها بدفاشته ؟!!

أم عبدالرحمن : اشلون ؟!!

أم خالد : ما عرف يصارحها باسلوب هادي انه خطب و ملّك عليها

أم عبدالرحمن : كيف ؟!!

أم خالد : صحاها من نومها باخر الليل وقال قومي بقولك شئ قالت عسى ماشر

قال بصراحة وبدون لف ودوران تراني ملّكت بعد صلاة المغرب اليوم وزواجي بعد اسبوعين

وتركها على السرير وطلع وصك الباب وراه رجعت راسها للسرير مرة ثانية وكان آخر عهدها بالحياة

الدكتور قال سكتة قلبية ..

أم عبدالرحمن : حسبي الله ونعم الوكيل ..

:::::::::::::::::::::::::::::::::::::::::::::::::: ::::::::::::::::::::::::::::::::::::::

انتهى المكالمة بين أم فهد وأم خالد

والسؤال !!

لكي تتفادى ان يكون مصير زوجتك كمصير أم وليد !!

ماهي الطريقة أو الإسلوب الأمثل لتبليغ ومصارحة الزوجة في حال قررت الزواج عليها بالفعل ؟!!

لابأس من مشاركة الشباب العزاب واللي ماعندهم نية للتعدد !!!!!!

:::::::::::::::::::::::::::::::::::::::::::::::::: ::::::::::::::::::::::::::::::::::::::::::::::

منقووووووووووووول

رد : ماهي الإسلوب الأمثل لتبليغ ومصارحة زوجتك في حال قررت الزواج عليها ؟!!
 

الله اكبر عشرة أيام ولم أرى ولو رد واحد لحذف الصفر

هل هذا خوف من أمممم العيـــــــــال أنا خابر صبيان قحطان مايخافون الا من الله عز وجل,,,,,

قحطان ياعزوتي أبي رايكم في الموضوع وشكرا 1000 شكر

رد : ماهي الإسلوب الأمثل لتبليغ ومصارحة زوجتك في حال قررت الزواج عليها ؟!!
 

بارد الله يعين لاحد يعلم أم العيال

صراحة

توقيت ابو وليد ممتاز

جداًً !!!!!!!!!!!!!!

مع أنني من الموحدين

أرجو أن يخبرونا المثلثي والمربعين لأنهم أخبر

ولكن هناك سؤال حيرني

انتهت المكالمة بين ام فهد وام خالد أو ام عبدالرحمن وام خالد ؟؟؟؟؟؟؟؟؟؟؟؟؟

هذي تمشي على اللي ما يقرأ زين !!!!!

لاهنت أخي السعيدان

هذا مجرد رأي فقط

رد : ماهي الإسلوب الأمثل لتبليغ ومصارحة زوجتك في حال قررت الزواج عليها ؟!!
 

السعيدان الله يمسيك بالخير
اللي يبي يتزوج مايشاور مرته واعلامها بالنيه يعني مشاوره ويشوف ردة فعلها ان هي حملت عليه حمله تراجع وان ارخت راسها تقدم ........وهذا اسلوب الشخصيه الضعيفه في بيته

انا اتذكر احد الاخوان السودانيين يقول ان اخو الرئيس السوداني البشير وهو دكتور في جامعة العين في الامارات نوى الزواج بالثانيه يبي يمشي على نهج اخوه طبعا فقبل لا يسوي اي شيء علم لمرته وطبعا قامت قيامتها ولما راحوا السودان زياره وفي مجلس عائلي قالت للبشير تشكو عليه من اخيه فقال لها خير انا باكلمه يقول فلما انفرد بأخوه قال له كيف تشاورها في زواجك بالثانيه المفروض الزواج بالثانيه مثل الضربه العسكريه مايعرفها احد الا بعد ماتقع ويخضع للامر الواقع وتكون ردة الفعل ضعيفه .........فأنصحك خذ نصيحة الزول وتقبل تحياتي

رد : ماهي الإسلوب الأمثل لتبليغ ومصارحة زوجتك في حال قررت الزواج عليها ؟!!
 

الذي استشفيتة من موضوعك يا اخ / سعيدان بانك تنوي التعدد ولكن خايف لذا انصحك بان تصارح زوجتك وانت قريب من الباب حتى لو هاشت عليك تاخذ الباب من قريب ثم تكلمها وتقول يا بنت الحلال معاد الواحد يمزح هذه الايام

رد : ماهي الإسلوب الأمثل لتبليغ ومصارحة زوجتك في حال قررت الزواج عليها ؟!!
 

اخوي الكريم انصحك انك تتوكل على الله وتصارحها في وقت مناسب بعد ماتكون مروقة وتعلمها بعلمك

لكن بهدوء ولازم تتحمل عصبيتها والهواش اللي بيجيك وهذا امر طبيعي كل حرمه ما تبي رجلها يعرس عليها.

ولكن اعقلها وتوكل على الله وخلك حازم في كلامك بس لازم تراعي شعورها وتطمنها انها الاوله في كل شئ

وانها العزيزة والغالية ، وان اساس معاملتك لها بالعدل والاحسان واطلب من الله سبحانه وتعالى دائماً التوفيق

والسداد وان ييسر لك امورك. والاصل في الدين التعدد.

رد : ماهي الإسلوب الأمثل لتبليغ ومصارحة زوجتك في حال قررت الزواج عليها ؟!!
 

خخخخخخخخخخ

يا شين الخايف لا جاك يبي يعدد هخهخهخهخهه

اسمع وأنا أخوك

بالنسبة لي فلا يوجد أي طريقة مناسبة مثل طريقة والدي الله يحفظه

رد : ماهي الإسلوب الأمثل لتبليغ ومصارحة زوجتك في حال قررت الزواج عليها ؟!!
 

هذا الموضوع خاص للمتزوجين فقط يعني العزاب برا الموضوع

هههههههههههههههههههه

رد : ماهي الإسلوب الأمثل لتبليغ ومصارحة زوجتك في حال قررت الزواج عليها ؟!!
 

صحيح كلامك
ولكن وينهم المتزوجين
وخصوصاً المراقبين والمشرفين الكبار
لاحظ الدخول واجد والمشاركة قليلة
واللي شارك رايح برى البيت عشان يشارك
الله يعين وياهم
شيبانا منول اللي يقابل المطلقة يقول ابشري بالعوض ويهبد صدره
وحنا الواحد يقوم ويطيح عشانه فكر فقط في الزواج
.
هذا مجرد رأي فقط
.

رد : ماهي الإسلوب الأمثل لتبليغ ومصارحة زوجتك في حال قررت الزواج عليها ؟!!
 

ألي قد أنوا الزواج ماعاد بيفكر كيف يعلم لمرته




صح ولا ماهو بصح

شوكرن