مواجهه مع || عوض بن شفلوت المناديه || تفضل وإسأل ضيفنا
 

[frame="2 80"]




[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يسرنا في مجالس قحطان أن نتسامر مع أعضاء شبكة قحطان الشعار=
حيث نفتح مع الضيوف حوار مفتوح عبر شبكة قحطان طرفيه الأعضاء =
والزوار والطرف الأخر الشاعر ويسعدنا أن يكون ضيفكم شاعر برز أسمه=
مؤخر في الساحة الشعرية شاعر يمتاز بعذوبه المعنى يجيد فن الأبداع =
والتصوير الشعري شاعر يجذبك حينما يلقي قصائده لتبقى مستمعاً =
ومتصوراً جميع ما يلقيه بتلهف للكلمة قبل أنن تخرج من بين شفتيه=
ليشدك تارة ويفهيك تارة على نغمات صوته وإلقائه حيث يتلاعب =
بالا لفاض أن أراد أشدك مع المفردات وتاره يريحك لتسرح بالخيال=
تبحث عن المعنى وسط زحام المفردات العذبه الجزله=[/poem]





[poem=font="Simplified Arabic,4,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ايه الاخوة أن ضيفنا هو الشاعر =

عوض بن شفلوت المناديه=[/poem]




[/frame]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياللي تهوز الضلع بالقرن مسكين = مسكين والله غرروك المساكين
ان كان تبغى الصدق والصدق منجاه= كلمتك ما تحسب ولا توفي الدين
ترسل على الجوال نكته قبيحه =تقول المهايط سلم عند القحاطين
لا شك خذها اليوم من كف صاحب =و اسمع علوم مرجحين الموازين
حنا عيال العود روس القبايل = حنا هل الطاله كعام المعادين
حنا هل النخوه نهار الملاقى = نقبل على الهيجاء سواة الشياهين
حنا الحسب حنا النسب في الجزيره =وان جات للسلطه ترانا السلاطين
حنا العرب ساس العرب يا مغفل = تاريخنا يعطيك عنا براهين
يكفيك (حسان بن ثابت ) وكافي = شاعر نبي الله ختام النبيين
قصيدته للحين تقرا و نكتب =تخيّل من الجاهليه لهلحين
(نحن بني قطان هوداً جدنا) =وأجدادنا الغر الزحول الميامين
حنا قحطان ايه قحطان العريبه =أهل الفعايل لا نعى ناعي البين
قصيرنا ينعم بنعمة ذرانا = نقسم عشانا في رضى الجار قسمين
و خوينا يبشر بنا في لزومه =حنا على باديه في العسر و اللين
و نسيبنا يفخر بنا ونفتخر به = ولا ندور في النسب للمزايين
و رفيقنا له في رفقنا بنايد =اليا زهمنا نجيه مثل المجانين
في جهلنا نجهل على كل جاهل = أميرنا شيطان وحنا شياطين
و في حلمنا اثقل من جبال(ن) رواسي = أميرنا رحمن و حنا رحمين
وقوعنا في كل ديره عقوبه = انشد عن اللي شافها شوف بالعين
وقايع(ن) منها يشيب الغليّم = أهوالها بأهوالحطين و حنين
حفيفنا لو صد عنا مواجر = ولرضى مشايخنا يقرب قرابين
و عدونا كانه نوانا بنيه = لاهازنا ندبل له الصاع صاعين
وشيوخنا مقدم شيوخ القبايل = لانوخت دعوى العرب بين صفين
منا المهادي وبن هادي وشالح = ومنا الشفاليت الدهاة الدنادين
و مناجمل و جراب و الذيب فراج = واللي خذا من القوم تسعه و تسعين
مسعود يوم اشتل عيلة رفيقه = وساق العوادي مثل سوق البعارين
و تكفيك قصة ذيب بين القبايل = يم احتمى الخلفات دون المغيرين
هذي فعايلنا و باقي و باقي = لا قلت لك ثنتين باقي ثمانين
فينا الوفاء والطيب طبع وجبلّه = و فينا الكرم و الجود دايم مقيمين
وفينا الفخر و العز خصله عتيقه = لها بوسط نفوسنا سنين و سنين
يعرف عيال مضيم من ضاع رايه = و من طيّحه في نارنا فاله الشين
و يعرف عيال مضيم من زل حده = وصالى حرايبنا وعانا الامرين
و يشهد لنا بافعالنا كل عارف = من البحر الاحمر لين عجمان و العين
يشهد لنا تركي و مسلط و فيصل = ويشهد لنا عبيد العلي و بن حثلين
حدودنا من حد نجران علوى = لا حد ظلماء لابرق الخيل للرين
نستاهل النعم وقليل(ن) علينا = حتى ولو يدبل لنا النعم نعمين
ولا على القبايل زود كل(ن) له ايده = في ذمتي وافين وافين وافين [/poem]







[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ما يقطع الفرجه ولا يضوي الصيد=ياكود رجال لسانه حصانه
في منسبه تلقاه تيد على تيد=وفي هرجته تلقاه ثقل ورزانه
ماهوب مثل اللي يشيل المناقيد=تقبل هزاله وتقافا سمانه
فرح ببرنامج نجاح المساعيد=في باله انه هو عنتر زمانه
(يقول ما يذكر قصيد وقواصيد= بعين الجنوب بدون ذمه وأمااانه)
ما يدري ان حنا عدود المواريد=وليدنا فوق الثريا مكانه
ان قال له كلمه يوقف صناديد= وان فز له فزه يغير ديانه
يلقن الحكمه قبل يفطم الديد=ويصلح قبايل قبل تكمل ثمانه
معلمينه في مجالس الاجاويد =لو قدمه الف ما تلعثم لسانه
( جهالنا ) لو شاشوا وجابوا العيد= اقلهم بين النشاما تكانه
و(عقالنا ) مثل الرواسي على البيد=معهم من اصدوف الليالي حصانه
أوضح من بروق السحاب المقاويد= في ليل بردان ما شانك بشانه
امعلمه فينا( كراسي البواريد)=يشهد لنا اللي ثيت الله كيانه
ابن السعود مهيد الخصم تهيد=يا ملقي السيف الحدب خيزرانه
وحنا اللي نشرع سلوم وتقاليد=من حفظها حفظ كلامه وصانه
سيوفنا كنها حمار الجلاميد=تلعب على اقدار الزمن ليل دانه
ان كانها بالحرب عوج مناكيد=وان كانها بالعلم قمة الابانه
نقبل اذاىشردت فلول المشاريد=معنا فنار العز في كل خانه
ما همنا لو نطحنا زيد وعبيد=العز بالله ربنا جل شانه
فيد ما يشبه فيدنا ما هوب فيد= واللي ما هوب منا يمسس بطانه
انشد عن ذياب بن غانم وابو زيد=وعن امرؤ القيس بقساه وليانه
امعلقات تبيد الايام ما تبيد=لها بوسط صدور اهلنا خزانه
فينا الأدب مخلوق جمله و تفصيل =كم واحد جانا يسحب ردانه
ندرسه ويردد الدرس ترديد =الين يحفظ ما تخطه بنانه
ولو ذمنا العواش ترباية الغيد=سقناه باللي ما يأمن أمانه
نخلي مراحينه بزرق العباريد=لبوه لابو من ترجا حنانه
ما همنا لو حكمنا السجن تأبيد= الموت خير من حياة المهانه
لا شك يابن الناس بآمد لك ليد=ولفهمك لو انك في عين دانه
ان كان لك فيما تقوله مناشيد=فانا اعتيرها من جنابك خيانه
وان كان مغزوز وحدوك المقاريد=فانا بصراحه اعتبرها إدانه
مير الوكاد انك لو تزيد وتعيد=ما نأخذ الموصوع ضحك وميانه
انرد ونحضر بليا مواعيد=ويسمعنا حتى اللي الصمم في اذانه
€جمله ولا تحتاج من شخص تأكيد=( حناااا عنان الشعر وحنا سنااانه)[/poem]

2

السلام عليكم ورحمة الله وبركاته


اولاً شكراً لك اخوي بن غفره

لإتاحة الفرصه لنا للقاء شاعرنا عوض بن شفلوت المناديه


وأسمح لي بأن ابدأ معه

اولاً الله يمسيك بالخير يابوعبدالرحمن

وترانا مشتاقين لك حيل :) ولكن ظروف الوقت أبعدتنا الله يكفينا شر الدنيا :cool:

بكثر عليك الأسئله واستحملني


أستلم



متى بدأت في كتابة الشعر ؟؟
وماهي أول قصيده كتبتها وهل تعترف بها ؟؟

متى بدأت موهبتك الشعريه ؟؟ وهل هي وراثه ام موهبه ؟؟


ماهي القصيده التي تعتبرها الأقرب اليك وترددها دائماً ؟؟

قصيدتك الشهيره !! قحطان العريبه !!
هل مناسبتها فعلاً رسالة جوال ؟؟

متى على قولتهم يحترق الشاعر ؟؟ وهل بإمكانه تفادي ذلك ؟؟ وكيف ؟؟


من هو شاعرك المفضل ؟؟

ومن هو الشاعر القريب الى قلبك ؟؟ يعني صديقك :)

ومن هو قدوتك في الشعر ؟؟

هل هناك شاعر تستمع بسماع قصائد وتحاول اتباع اسلوبه ؟؟


وهل ترى ان وسيلة النشر في منتديات الأنترنت قد يوصل الشاعر الى جمهوره ؟؟

ماهي انجح امسيه شعريه أقيمت لك ؟؟ وبدون مجامله :)


ماذا ترى في مستقبل شبكة قحطان ؟؟
وهل ترى انها وصلت الى اهدافها المرجوه ؟؟ ام لا ؟؟

وبما انك مشرف الشعر النبطي في مجالس قحطان !!
ماهو تقييمك لهذا المجلس ؟؟ وهل هو في تقدم ام لا ؟؟




وسلالالالامتك

الشاعر عوض بن شفلوت المناديه:46_asmilies-com:

السلام عليكم ورحمة الله وبركاته

لعلك تتفق معي ان الشعر

هاجس مرحلة الصبا والعشق والهيام

خاصه وانك ترعرعت في منطقة الجمال والخضره والحسان

ومع ريحة الورد والكادي في صبيحة كل صباح فواح متى احس

شاعرنا عوض في صبيحة ذلك اليوم وهو ذاهب الى المدرسه ان بداخله ابيات شعريه

يتمتم بها


هل لك ان تذكر لنا هذا الاحساس بشي من الفصيل؟

السؤال الثاني

قصيدة قحطان العريبه في اعتقادي الشخصي انها اثقلت ابداعك وحملتك مسؤليه في التوجه الشعري

هل تعتبر هذه القصيده منعطف جديد في مشوارك يجب المحافضه عليه

تقبل تحياتي

عاشق الوطن

[grade="00008B FF6347 008000 4B0082 800080"][/grade]

بن غفره بيض الله وجهك على إتاحة الفرصة لنأخذ مع شاعرنا أبو عبدالرحمن وقتاً ثميناً مع شاعر جزل .




الشاعر عوض بن شفلوت مسّاك الله بالخير .
طال عمرك على طاعته عندي سؤالين .

السؤال الأول : هل الشبكه العنكبوتيه تبرز الشعراء والشاعرات بالشكل الحقيقي, وماهو الدور المطلوب من المنتديات تجاه الشعراء والشاعرات ؟
السؤال الثاني : ماهي القصيدة التي تمنيت أنها لك ؟وماهو أفضل أوقاتك لكتابة القصيدة ؟
وسلامتك .



أخوك

إبراهيم بن مريع

أخوي العزيز بن غفره جعل أيامك سنين

بيض الله وجهك على هذا الموضوع
بيني وبينك هذا الأشراف ولا بلاش
ولكن أخونا فارس قحطان قفل علينا البيبان ماعاد عندنا أسئله

لكن يكفي الشاعر عوض بن شفلوت في الشعر قصيدة قحطان

شاكر ومقدر اهتمامك ياأبومحمد
تقبلوا جميعا فائق احترامي وتقديري

أخوكم





كااسر