|
قحطان العريقة (بقلمي)
السلام عليكم ورحمة الله وبركاته
صباح الخير جميعاً هنا لي اول تواجد في موقعي المحبوب وقلت موقعي لانه موقع قبيلتيوعزوتي وربعي هل السيف والطاس والرمح والشلفا الحقيقه اعرفكم على نفسي مسعود القحطاني العمر 19 هاوي شعر وشاعر وقصايدي يمكن فيها بعض من الكسور لكن اريد منكم النقد البنا الهادف قبل المدح المفرط ايدا قصيدتي الله اكبر عد ما هل وابل ودان وعداد السحايب اللي هطل همالها وصلى الله على الهاشمي العدنان عد من داج في الارض وحبا لها من بعد ذا يا هل المجد والشان يا زحول محدن يردها من قتالها الارض بدم الابرياء دوم تنهان عيب على اللي فوق راسها يرقى لها تقرى عليها القارعة ثم تاتي الفرقان وتقرى عليها السبع المثاني وانفالها الارض ما عليها دامها في عز قحطان قوم مع الشدات ماهي تقصر افعالها دونها الروس الطويلات يا صنيتان محدن على قحطان العريقة يذم ابطالها من عاش في ارضنا عاش طير حوران في ظل قحطان اللي كلنا بظلالها قوم على العدو هم سيف شامان يقص ارقاب الاعداء ويقص حبالها قوم ذكرهم شايع في كل الاوطان و اليا جاهم المنكوب قاموا اعز رجالها قوم تشب النار في كل ميدان اليا احتمى الماقف الغصاب لقى حلالها قوم قد ذكرها بن ثابت حسان صحابي قصيدة يوزن الارض وجبالها ما قد صابنا من عجه الوقت خذلان ولا قد صابنا حقد الناس من جهالها ما حن اللي باعوا الطيب باثمان ولا حن اللي نجحد النعمه وافضالها ولا حن اللي ننكر خوينا يا سليمان ولا حن اللي ما نعرف البن ودلالها قحطان تتفل على كل من لها خوان وتاطى على خشمه وراسه بنعالها قحطان اللي ظهر منها طاطيح شجعان رجال تهز سيوفها في وقت مدهالها قحطان الكرم والجود والعز نيشان من ماض الزمن كلنا بها يضرب امثالها لا تاخذ حق اليتيم ولا بها نقصان زود على ولد الردي وحكومه لحالها ولا تقتل المسلم بلا سبب كان ولا تهيد الا على روس عيالها ولا تشهد الا على صدق وبرهان ولا تتكل الا على اللي خالق جمالها ولا تعطي الا بكف يرجح الميزان ولا هي تسرق من اعمامها واخوالها هي سقم العديم وللذنب غفران وهي طويله المد من يد جزالها تشافي المريض وتنجي كل غرقان وتسل قلب كل من يبي سلالها نبقى الزحول اللي من ماض الازمان وهم فوق الجبال مرقاهم والطيب فالها نبقى الذياب اللي ما تخاف الجان ونبقى القروم اللي محدن يشبه اشكالها نبقى الرياجيل اللي صوتها تهز الاكوان ونبقى الزحازيح اللي صوالها جوالها ونبقى المطانيخ اللي دوم تستر العريان في اسمها هيبه وفي عزمها معدالها ونبقى النشامى اللي خيرها على البلدان ونبقى اطهر ما خلق ربي بكمالها ونبقى السنام اللي متعلي بالقعدان ونبقى الكرام اللي ماتقصر طوالها فرسان فرسان لا قيل يا هيه فرسان نجلس على كبد الردي ونزيد طحالها نزبن الجاني وانت يا ولد نسوان رح اجلس عن اختك تشربك فنجالها قحطان اللي منهم الذيب ابن هدلان ومنها خليل القرملي اللي فك اغلالها ومنها الفديع ذيب الخلا معرب الجدان ومنها راعي الكرم والجود خيالها ومنها ابن دليم يوم في الحرب دخان يوم العدو يبي قحطان واحتلالها غير انه هبا هالكلب هالحيوان يحتل اللي ما تخلف مع الوقت اقوالها يا عوق الخصيم يا نور الاعيان يا تاج راس مسعود لا تفتحت اقفالها يا ذياب الخلا يا سلايل كحيلان يا قاطعين رؤوس الاسود واذيالها يا طوال الشبور ويا عالين المكان يا من عندكم العدو امه تزيد اتفالها يا مزن الكرم الا يا كل الامزان يا شلال الوفاء اللي ما وقف شلالها صلوا وسلموا على من مرسله رحمن النبي الهاشمي كل العبر باسمه يحلا لها |
رد: قحطان العريقة (بقلمي)
مشاء الله عندك نفس طويل
ولا تخلا القصيده من الكسور ولاكن طبيعي كبدايه أتمنى لك التوفيق |
| الساعة الآن 10:56 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com