البارحه يابوي كثرت طواريك
 

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num=",white""]
البارحه يابوي كثرت طواريك = كنك على ماضي سنينك تعدا

من قو باسك ما تبين شكاويك = جبار مابيح لك الوقت سدا

لو تنهدا الاعمار والله لا اهديك = زهوة شبابي في مشيبك تفدا

الله يطول في حياتك ويبقيك = وتاتي لك ايامك على ما تودا

وانه من صدوف الليالي يعديك = ياللي بطيبك نفتخر وانتقدا

اكبر سعاده يوم ابرك وابديك = وعلي نفسك قبل نفسي تبدا

واكبر سعاده يايبه يوم البيك = لبيه من قلب لصوتك يودا

واكبر سعاده يوم اقبل اياديك = في نشوة منها الرضا مستمدا

واكبر سعاده يايبه يوم اخاويك = للمدن والا خايع مجرهدا

واسمع علومك واتسلى واسليك = وينزاح هم فالحشا مستبدا

واكبر سعاده يوم اصافي مصافيك = واقدر اللي لك رفيق مودا

واعني وازور اللي يزورك وياتيك = واجنب اللي عنك جنب وصدا

واضد عدوانك واعادي معاديك = وآقف على درب العدو واتحدا

لك اعتبرني طوّل الله لياليك = عبد مليك في لزومك يسدا[/poem]

رد : البارحه يابوي كثرت طواريك
 

روعة روعة يا ابو مسفر هذي القصيدة من الشاعر الجزل خليل بن هدلان.

لا هنت يا الطيب على النقل الجميل.

رد : البارحه يابوي كثرت طواريك
 

صح الله لسان شاعرنا الكبير


خليل ابن هدلان



ولاهنت يا بو مسفر على ايراد هذه القصيدة

رد : البارحه يابوي كثرت طواريك
 

واكبر سعاده يوم اصافي مصافيك
واقــــدر الــلـــي لـــــك رفــيـــق مـــــودا




واعني وازور اللي يـزورك وياتيـك
واجـنـب الـلـي عـنــك جـنــب وصـــدا




واضــد عـدوانـك واعـــادي مـعـاديـك
وآقـــف عـلــى درب الـعــدو واتـحــدا



الله الله ياخليل صح لسااااااااااااانك وابيات ثقيله ورائعه
ومشكور يابو مسفر على النقل الطيب
لك تحياتي

رد : البارحه يابوي كثرت طواريك
 

صح لسان الشاعر


وبيض الله وجهك يا ابو مسفر على النقل الجميل