البارحه همي على الكبد صالي
 

[poem=font="Times New Roman,4,black,bold,normal" bkcolor="transparent" bkimage="backgrounds/4.gif" border="none,medium,gray" type=1 line=0 align=center use=ex num="0,black"]
البارحه همي على الكبد صالي=اونس على قلبي سوات المناشير
هموم بقعاء هبلتبي هبالي=وشيبت من همي وانا توي صغير
المال هذا الوقت صعب المنالي=عزي لحال الي مثل حالي افقير
ياالله ترزقني برزق"حلالي=واجعل مكاسيبي على العز والخير
اطلبك ياربي عظيم الجلالي=برزق"يكفيني عن طلابة الغير
انا الذي عشت السنين الهزالي=عانيت من شهب السنين المعاسير
اعيش في دنيا"صلفها اقبالي=والفقر مايرحم طويل الاشابير
كفي من اموال الصناديق خالي=والدين حمل"عجز يشتاله ابعير
كم مره امسي مابجيبي ريالي=واصبح علي من المعاناه تاْثير
لابه رفيق" لازهمته بدالي=ولاخوي"وقفته وقفت الزير
جربت انا الاصحاب اول وتالي=لقيت انا الاصحاب خدعه وتزوير
وقت العوافي مكثرين الوصالي=والا بدى اللازم تنحوا عن السير
ماينفعك ذا الوقت عم"وخالي=حتى اخوك اللي خذا منك تصوير
المال هو عزك على كل حالي=والرجل تحسب قيمته بالدنانير[/poem]

رد : البارحه همي على الكبد صالي
 

المـال هـو عـزك علـى كــل حـالـي==والرجـل تحـسـب قيمـتـه بالدنانـيـر

أرررحب يالنسيب

يالله حيه وصح الله لسانك يابو حسين

وبيض الله وجهك عل هذه الدرة التي تحكي الواقع

وفعلا حصل ماقلت والله يقربنا من الطيبين اللي شرواك

وشروا الحاضرين ......تقبل مروري يابو حسين .....

رد : البارحه همي على الكبد صالي
 

رد : البارحه همي على الكبد صالي
 

البقاء يابوسعيد وصح الله بدنك ولاهنت على المرور المشرف

رد : البارحه همي على الكبد صالي
 

الله يبقيك ياابن هباش والله لايهينك على المرور الطيب وظنك صحيح

رد : البارحه همي على الكبد صالي
 

صح لسانك مليون يابو حسين وابشر بالسعد

رد : البارحه همي على الكبد صالي
 

رد : البارحه همي على الكبد صالي
 

ارررحب يابوحسين ...


ماجور يامحمد ولا فض فوك


صح الله السانك والله لا يهينك على هذي الرائعه


تقبل مروري المتواضع

رد : البارحه همي على الكبد صالي
 

البقا ياابن بتال شرفتني بمرورك

رد : البارحه همي على الكبد صالي