شبكة قحطان - مجالس قحطان - منتديات قحطان - قصيده أهداء لأخي خالــــد بمناسبة زواجه

- مجلس عذب الكلام (https://www.qahtaan.com/vb/forumdisplay.php?f=16)

- - قصيده أهداء لأخي خالــــد بمناسبة زواجه (https://www.qahtaan.com/vb/showthread.php?t=998)

قصيده أهداء لأخي خالــــد بمناسبة زواجه

مـبروك يا خــــالــد وكــــلاً يهنيـك *** ونا بعــد مـن ضمنهم جيـت أهـنــي

غنى الفـرح بسمك ورسمك وطاريك *** والكـل من زود الفــرح لـك يغـنـــي

عسى السعـادة يخـو بنـدر تباريــك ** والحـظ يضحــك لـك تنـــال التمـنـي

كتبـت لـك حيث أني اغلي مربيــــك *** مـا يخـلف ألي بالـوفاء فيـه ضـني

دعيتـــنا وحنــا لــــزومٍ نــلبيــــــك *** أبـوك يـا خــالـد ترى جـــزء مـنــي

الله مـن صكـــــات الأيـــــام يحمــيك *** يحمـيك خـلاقــك مـن أنسـي وجني

ون كـان مثل العـود صارت مماشـيك *** فالمـرجــلـة والـطيب ســـاسٍ وفـني

عسى السعـد فـالك بمقــدم ليـاليـــك *** جيتـك بشعـري والبيـوت أنعـشـني

حبيت أنا أبــوك وعمــك وأغلـيــــك *** حبيتـهم يـالقــــرم من صـغـر ســني

هذه قصيدة حب و وفاء لأخي الأصغر ولأبناء عمي وأخوتي

أسال الله أن يحفظكم ويجمع شملكم وكلمتكم

إهداء لأبو خالد وأبو وليد

اخيك سليمان بن سريع (قحطان )

صح الساانك اخوي قحطان ..... وعسا ايامكم كلها

افرااااااح

و لا تخاف الكفووو ما يخلف الا كفوووو

لاهنت وانا اخوك على القصايد الطيبة و الجزله

اخوك حراف

[poem=font="Simplified Arabic,5,crimson,normal,normal" bkcolor="transparent" bkimage="backgrounds/7.gif" border="none,4,gray" type=1 line=0 align=center use=ex num="0,black"]
مـبروك يا خــــالــد وكــــلاً يهنيـك *** ونا بعــد مـن ضمنهم جيـت أهـنــي[/poem]

عسى الفرح والسعد فالكم ومن يقرااا

وصح الله لسانك

أخوك فارس الشواطي

بارك الله فيك....وصح السانك

[poem=font="Simplified Arabic,4,red,bold,normal" bkcolor="transparent" bkimage="backgrounds/5.gif" border="none,4,gray" type=0 line=0 align=center use=ex num="0,black"]
ون كـان مثل العـود صارت مماشـيك *** فالمـرجــلـة والـطيب ســـاسٍ وفـني[/poem]

كما قال المثل : من شابه اباه فما ظلم
قصيده جيده وموضوع جيد والله اسأل ان يجعل ايامك وايام المسلمين كلها افراح ولا هنت على كل حال
اخوك
ابوابراهيم العبيدي

لاهنت يابو داوود

وبيض الله وجهك على هذي القصيده

وابو ليان يستاهل والله

اخوك
فارس قحطان

الله يوفقه دنيا واخره

وجميع المسلمين ااااااااااااامين

اخووووك

ابن عاااااصم

لاهنتو جميعاً ولكم كل الشكر وابوليان يستاهل اكثر ويسامحني على القصور

وعليك اخي فارس قحطان ملاحظه : انا ابوسريع ولست ابو داود يعني داود وراي وراي

وتسلمون

الله يجمعك على العز والطاعة ولا يفرق بينكم قصيدة رائعة وكلماته جميلة

تقبلوا تحياتي ،،،،،،،،،،،،،،،،،،،،،،،

اخوكم//////////////هاوي نجـــــــــد

صح لسانك ياقحطان

وعقبال عزوبية المنتدى

لاهنت