الخوي ( صوت وشيله)
 

بسم الله الرحمن الرحيم

السلام عليكم ورحمة الله وبركاته

أعزائي

هذي القصيدة تتحدث عن بلوى الخوي الغالي خالد بن سعد بن فردان
تسمعونها في الملف الصوتي
إلقاءً مني ( وإنشاداً من أبو الحارث)

.
[poem=font="Simplified Arabic,6,black,bold,normal" bkcolor="transparent" bkimage="" border="double,6,black" type=1 line=0 align=center use=ex num="0,black"]
يالله ياموحي دبيب النمله = ياموفي المخلوق مايقسم له
يافزعة المضيوم غوث الضايق = ياعون من غرم وعزر به حمله
تجلى همومٍ وفدها متّابع = لين اصبحت وصط الحشا مكتمله
تلفي علي من كل حدْب ووجهه= كنها شتاتٍ جمّع الله شمله
واللي يزيد الهم غبن وحسره = ويسك حزن القلب سك العمله
ويحشرج العبره بصدري حتى= تسقي الجفون بدمعةٍ منهمله
بلوى خويٍ فارقٍ بالخوه= يا هاجسي وان مرّ ذكره قم له
خوي جنب وراس مال وعزوه= نفسه على جزل الحلا مشتمله
بين الرجال مشبّرٍ ومعبّر = على العلوم الغانمه يختم له
ضيقه يضايقني وهمه همي= جمله يجمّلني وجِملي جِمله
كم له على صلو الحوَج والضدّه= والضيم والهم المخيم كم له
يالله ياحلاّل عقد الضيقه= تشتال حملٍ ما قوى يحتمله
واكفه من اللي شوفها متمادي = وامرٍ بغرات الخفا يبرم له
وافرج عليه الكربه المشتده = وافرغ على قلبه ثباتٍ وامله
يارب حكمك قابلينه لكن = لطفك وعفوك ياكريم .. ارحم له
يابو سعد لو كان بيدي حيله = لاسوق لك حالي ومالي جُمله
نرخص لك الغالي ونزهد بامره = وليا نقص شيٍ نوَفّي كِمله
الخوه اللي ما وراها نفعه = وش فودها؟؟ والاخويا وش هم له؟؟[/poem]

.





.


.

رد : الخوي ( صوت وشيله)
 

صح لسانك يا خالد

والله يفرج كربة المسلمين ان شاء الله

تحياتي لك

رد : الخوي ( صوت وشيله)
 

آمين يا خالد آآآآآمين

صح لسااانك وما قصرت..يا الوافي

اخوك الشاعر
(( مخلب الذيب ))

رد : الخوي ( صوت وشيله)
 

خالد الزهيري


الله يصح لسااااانك


انشهد ان ذي الخوه والا بلاش



تواصلك معنا يشرفنا

تحياتي ياوجه ولد الحارث



اخوك

رد : الخوي ( صوت وشيله)
 

السلام عليكم ورحمة الله وبركاته
صح لسانك وبيض الله وجهك ياخالد وعسالله يفك محنة الاخ خالد ويفك محن عباده ان الله على كل شي قدير وجدير

رد : الخوي ( صوت وشيله)
 

صـــــــــــــح الله لسانك

والله يفرج عنه وعن اخوانه المسلمين

رد : الخوي ( صوت وشيله)
 

صح لسانك يا بو عبدالله
وعسى الله يفرج هم خويك أبو سعد ويعوضه عن كل اللي راح

رد : الخوي ( صوت وشيله)
 

الله يفرج عنه وعن أخوانه المسلمين


وصح لسانك ياخالد


ونتشرف بتواصلك المستمر


أخووووك

رد : الخوي ( صوت وشيله)
 

بسم الله الرحمن الرحيم
الى اخي الرفيق الغالي خالد الزهيري
اسال الله العلي العظيم ان يشفي جميع مرضى المسلمين انه على كل شى قدير وكما اقول لك ما هي غريبه عليك يابو خطاب هذه الابيات وغيرها فانت من راس عود عسى الجنة مثواه 0 اخي خالد اسال الله العلى العظيم ان ينزل لخويك العافية وصح لسانك اشهد ان قصيدتك اثرت فيني بالحيل 00000 ودمتم
اخوك
فتى خضار الزهيري

رد : الخوي ( صوت وشيله)
 

مشكور ياخالد الزهيري
قصيدة جميلة جدا و صح لسانك