قصيده من الشاعر/ دلمخ بن مشعي السبيعي والرد عليها
 

السلام عليكم ورحمة الله ونركاته
هذي قصيده من الشاعر / دلمخ بن مشعي السبيعي والرد عليها عسى ان تحوز على رضاكم واستحسانكم

يقول الشاعر :

[poem=font="Simplified Arabic,5,black,bold,normal" bkcolor="burlywood" bkimage="" border="double,5,black" type=0 line=1 align=center use=ex num="0,black"]

يا حروف الشعر قومي لا دعا الداعي وغني = عبّري عمّا يجول بخاطر الشاعر وذاته
يوم ابو سلمان سمعني بيوته واعجبني = قمت ادوّر في سمان الهرج واجمّع شتاته
من بيوت الشعر بيتٍ كل ما ردوه عني = ما لحقني من وراء معناه منقود وشماته
عشت يا راع القصيد اللي على معناه فني = الجزاله والكرم والطيب دايم من صفاته
والله انك شاعرٍ منت بعلى الشعر متجني = ان ورثت الشعر ولا فيك محياه ومماته
هقوتي فيك اصدقت ما خاب في شرواك ضني = يوم قال العود ضم العلم ما ضاعت وصاته
يا علي يا عزوتي وين انت طول الوقت مني = كل طيّب خوة اللي مثلك اقصى امنياته
خل عنك النذل ابو وجهين جعله ما يثني = والله انه لو يموت ان موته افضل من حياته
عشت في الدنيا كثير وشفت فيها ماغبني = قولتٍ والنعم للي ما تعب فيها وجاته
لو تمنيت الضروف اتزين ما فاد التمني = هذي الدنيا وهذا الوقت ما تكمل حلاته
استثير الشعر في نفسٍ على ذوقه تعني = لستواله مطلع الطاروق غناه بطراته
من بنات الفكر جاتك يا علي ما هي تبني = واخر القول السلام ورحمة الله وبركاته[/poem]

والرد عليها :

[poem=font="Simplified Arabic,5,black,bold,normal" bkcolor="burlywood" bkimage="" border="none,4,black" type=0 line=1 align=center use=ex num="0,black"]

يا مزون الفكر سيري وارعدي رعدٍ يحني = وامطري لي بيوت شعرٍ والفكر عذبٍ فراته
يا هجوسي حدثيني وستهلي وستكني = ثبتي ساس القصيده واتعبيلي في ثباته
لجل ارد لشاعرٍ معروف وبشعره ذهلني = كل خصله طيّبه فيها الوفيّه من سماته
شاعرٍ سخّر بيوته بالمعاني زينني = بيت حكمه يحمل المعنى الثمين بمفرداته
اشهد انه غايةٍ للشعر من وقت مضني = مرجعٍ للشعر والآداب يعرف مبهماته
الشعر من دونه يقول آنا مين وآنا مني ؟؟ = ابن مشعي هاويٍ للشعر ساس مكوّناته
مرحبا ترحيب وافي بالغلا ويثمنني = بالذهب والماس والياقوت واغلا من غلاته
مرحبا بك يا بن مشعي عد ما نجرٍ يدني = عد ما هلت مزونه عد ما ينبت نباته
الحياه مقدّره ماهي تمني ولا تهني = التماني والتهاني ما تجيب مخيّلاته
وقتنا مجهول والايام فيه تبينني = بيّنت لك كل علمٍ ويش تلقى من سواته
الزمن ذا الوقت فيه العاقل يشيب ويجني = اختلف لأن البشر قامت تغيّر مجرياته
ما كل منهو تبسّم واظهر لك نابٍ وسني = انه يعزك ولو كثّر تبسّم في شفاته
كب منهو للمصالح للسراير مايكني = حتى لو زانت هروجه ولو زوّد في احسناته
والنعم للي بيقدم بالهمام وما يوني = مثلك وشرواك درب المرجله ما بعد فاته
والنعم والبيض للي فعلهم ما هو تدني = كل علمٍ فيه نوماس القبايل طايلاته
والنهايه مسك عنبر للقصايد عطرني = وصلاة الله على محمد بازكى سلام وصلاته[/poem]
وسلامة الجميع

السلام عليكم ورحمة الله وبركاته
صح لسانك

بسم الله الرحمن الرحيم

الأخ الشاعر علي بن سلمان

الحقيقه شهادتي فيك مجروحه ولاكن اخبرك بمروري واعجابي

اتمنى لك دوام التوفيق

كما لايفوتني ان اشكر الشاعر دلمخ السبيعي على هذا الإبداع الرائع

وتقبل خاص تحياتي

السلام عليكم ورحمة الله وبركاته

خزام بن سلطان

عمر السخني

علي بن نومه

صحت ابدانكم جميع

والله لا يهينكم على المرور

صح لسااااااااااااااانك



وصح لسان السبيعي



قصائد روعة ورد وافي وجزل


لاهنت يالغالي