|
مارأيكم في مثل هذه الرسائل..!!!!!
بسم الله الرحمن الرحيم..
يوم من الايام جاني رساله على جوالي ومكتوب فيها: صل على النبي ( اللهم صلي وسلم عليك يارسول الله) عشر مرات.. الى حد هنا مافيه مشكله.. البلا يوم اني نزلت بالسهم تحت الا واخونا فالله المرسل كاتب:: واللـــــــــــــــــه يجعلها في ذمتك الى يوم الدين ان ترسلها ل100 واحد.. تراني قلت في ذمتك..!!!!!!!!! لاتخلى الاجر يتوقف عندك.. بالله وش رايكم يالربع..؟؟ من الناحيه الدينيه؟؟ ومن الناحيه الدنيويه؟؟ طيب ياخي فرضا اللي توصله الرساله كحيااااااااااااان ومنتتتتتتتتف وحطيتها بذمته الين يموت..!!!!! وش تبيه يسوي الضعييييف.. جعلها ماتجيكم يالربع...!!!!!!!!!! حبيت اطرح الموضوع للرأي العام..وسلامتكم جميع. |
رد : مارأيكم في مثل هذه الرسائل..!!!!!
هؤلاء --مهلوسين --ولايفيدون --لا الدين ولا الوطن --والسجون والمستشفيات النفسيه مملوءه منهم
يعطيك العافيه تحياتي |
رد : مارأيكم في مثل هذه الرسائل..!!!!!
اقتباس:
من الناحية الدينية : ............. امسح الرسالة من جوالك من الناحية الدنيوية : .................. امسح راعيها |
رد : مارأيكم في مثل هذه الرسائل..!!!!!
بسم الله الرحمن الرحيم
السلام عليكم ورحمة الله وبركاته مرتاح البال ومبارك بن راشد.. الله يحيييكم ويعطيكم العافيه على مروركم الطيب.. |
رد : مارأيكم في مثل هذه الرسائل..!!!!!
ارحب يالرفيدي
صدقت مثل هذي الرسايل تجي للواحد وتطلب منه نشرها لكن مسألة 100 مرة ......أشوفها كثير...؟؟؟؟ ومن أرسلها يريد التعجيز.....ولايريد الأجر أنت مخير..؟؟ وأشوف إنك تكلمه أو ترسل له رسالة نصح أن لايرسل مثل تلك الرسايل وأبواب الأجر والخير كثيرة وليست محصورة في هذه الرسائل. والله ياعبدالعزيز إني أشك في شركة الإتصالات لأنها المستفيد الوحيد من هذه الرسائل ....وسلامتك أخوك / مقبل السحيمي |
رد : مارأيكم في مثل هذه الرسائل..!!!!!
بسم الله الرحمن الرحيم
السلام عليكم ورحمة الله وبركاته تبقى وتسلم يامقبل ارحب ملايييين اولا اشكرك على مرورك الكريم والشي الثاني والله لاتستبعد في هالزمن كل شي جايز.. الله يعطيك العافيه.. تقبل تحياتي..يالغالي.. |
رد : مارأيكم في مثل هذه الرسائل..!!!!!
اذا قال جعلها في ذمتك بقوله الا جعلها في سلة المهملات
من بغى يصلي على النبي يصلي عليه زي ماهو يبغى الدعوه مهيب تنشيب وسلامتكم |
رد : مارأيكم في مثل هذه الرسائل..!!!!!
وعليكم السلام ورحمة الله وبركاته
تحياتي يابو طالع الظاهر انه يوجد فتوى والله أعلم |
رد : مارأيكم في مثل هذه الرسائل..!!!!!
يا سمي ..
أنا مع الأخون في أن الاتصالات لها يد في ذلك ... وعن قوله في ذمتك ... فقل حسبي الله عليه .. وهو بذلك يكلفك فوق طاقتك ... ولو أرسلتها لكان ذلك رغما عنك .. وهو يريد الأجر ولن يحصل له ذلك لأنه أكره الناس على غير ما يحبون .. لاهنت يا ذيب ... |
رد : مارأيكم في مثل هذه الرسائل..!!!!!
أسلوب غير جيد في الدعوة إلى الله
|
| الساعة الآن 10:13 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com