قصيدة حمد هادي المسردي عندما كان متهم في أحدى دول الخليج
 

وهذه قصيدة للشاعر حمد هادي المسردي يرحمه الله عندما كان متهم في أحدى دول الخليج
أثر اتهام نسب له وهو منه برئ ولم يجد من يقف بجانبه
ولا من ينتخي به، ولم يتذكر سوى ربعه المساردة (والله والنعم )
في مدينة جاش فقال هذه القصيدة وارسلها لهم ولم يكن البعد حائلاً بينه وبينهم.

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="1,black"]
يا عالم النيات يامنش المطر = يا قاضى الحاجات يا ستار
تكتب لنا عندك نهار الملتقى = غفران وانت الواحد الغفار
بديت بسمك ما بديت بغيره = يوم القلم بحروف قولي سار
يا رب تهديني على قول القدى = ولا تواخذني على الأشعار
من عقب ذا يا راكب اللي لا مشى = لولا الفرامل يمسكنه طار
هاف جديد صاحبه منتخيره = توه ورد تشتاق له الأنظار
باقي على تصميم شد بلاده = شد الخواجه صنعة الكفار
ما قربه راعيه عند السمكري = ولا تغير منه لو مسمار
ما فوقه الا عقربه وسبيره = ولا الرسول سائق بيطار
سواقه اللي شاطر ومجرب = من خلقته ضاري على الأسفار
يمشي مع الدومه مع وقت السحر = والظهر عند أهل الوفا والكار
في جاش يلقى لابة لاجيتهم = لقيت حيل في صحون اكبار
ربعي هل العادات في وقت اللقاء = لاثار قدام الجموع غبار
اعوال مسرد مرهقين اللي طغا = لا رد للفعل القديم اذكار
كلن على وضح النقا يشهد لهم = بالطيب والنخوة وبالمقدار
عاداتهم بالكون لطمات العدى = ولطماتهم للمعتدي دمار
وان قيل هذي ديرة المساردة = كلن من العدوان فر فرار
ربعي مساردة حدود بلادهم = حامينها من ضدهم بالنار
وربعي مساردة اليا ثار الوغى = كلن يقر الهم وهو محتار
وربعي ما ردة كعام العايل = واشوارهم تقضي على الاشوار
وربعي مساردة عذاب المعتدي = يوم المعارك عجهنا طار
وربعي مساردة يحلون العقد = كم طوعوا للحق من غدار
وربعي ترى ضيف الخلا يفرح بهم = والكل منهم يكرم الخطار
لاجيت ربعي فانص بيت الطارف = ما منهم اللي لا نصيته بار
كلن يدور للجماله منهم = والكل من ربعي ذرى للجار
سلم عليهم يا نديبي كلهم = وعطهم علوم وسترد اخبار
واختص ابو ناصر ذرى من لاذبه = سم الحريب وللرفيق استار
يعيش ابو ناصر ويفداه الردي = عند الفلانه ما تناسى الثار
يوم الفلانه شرهبوا فيها العدى = بعيونهم وقف لهم مختار
ما يستحق المدح غير امثاله = اللي لهم بالمرجله مدار
حلحيل حلال الامور الكايده = حلحيل وليا حل ما يندار
يوم ارتكى للنايبات محلها = ما يستمع شور الردي لاثار
خصه بتسليمي مع تحيتي = مكرم ضيوفه والليالي عسار
ثم انص ابو حيبان يوم الفرعه = تلقىمحله في علو الدار
مناحي اللي بالكرم وصايفه = قليلة في حمله الاقطار
تراك لاجيته تبرهج خاطره = ونسيت حتى شطة المشوار
تلقى الدلال الصفر والهيل الذي = يشريه لاما غليت الأسعار
كريم سبلا ما يشح بماله = كفه لضيفه بالكرم مدرار
عز الله ان وصايفه قليله = اقولها سر وأقول جهار
قلته ولاني بطالب المعذرة = الا من الله من الشعار
قولي وأنا اخو معجبه من دونه = ما نيب والله طالب معذار
من لامني في حب ربعي ينكسر = رجليه ويدينه تروح كسار
لا رحم ابو من لامني في حبهم = والنار له في الاخرة قرار
ذكرت ربعي يوم قلت حيلتي = بالسجن ممنوع من الزوار
يوم أن سجنت وصابني حكم القضاء= مظلوم أنا من غير ذنب صار
مظلوم في ما ليس بي له مدخل = والمدعي مالي عليه انصار
مشكاي لله والبشر ما همني = من صار منهم بالحكي ثرثار
أهل النميمة ما حسبت احسابهم = أيضاً ولا عندي لهم وقار
من لا هرج بالوجه يهرج بالقفا = والزور والبهتان للفجار
لاشك انا باصبر على حكم القضاء = والرزق ماشي والفلك دوار
ولابد من عقب الظلام امن السفر = ولابد عقب الليل من نهار
ولابد من عقب الكدر من صافي = ولابد من يسر بعد الاعسار
ولابد من عقب الضياق من الفرج = إن كان ربي طول الأعمار
ولا الحذر ما هو يفك من القدر = والمال ما يغني عن التجار
مال الفتى عما كتب له ملتجي = والأقدار ما تعطي الرجال انذار
ما كتب في عالي جبينك صايبك = اصبر ترى ما يندم الصبار
ختمت قولي بالصلاة على النبي = اعداد ما قد هلت الأمطار[/poem]

وسلامتكم يالربع

واللي يعرف القصه ياليت لو يوردها لنا هنا

لاهنت يافارس قحطان

والله يرحم الشاعر ويسكنه الجنه

اخوي وعزيزي فارس قحطان ماعليكم زود والله لايهينك ويعطيك الف الف عافيه نفدا خشمك وعسى عمرك طويل


والله يرحم حمد هادي ويسكنه فسيح جناته

لاهنت يافارس قحطان حمد هادي المسردي القحطاني الله يرحمه لو تنشدني عنه يافارس قحطان كان ونعم الصديق والاخ الكبير ماعمري زهقت منه ولامن سوالفه وكنت الله يرحمه انتظر جيته انا ووالدي بفارغ الصبر لانه كان ذيك الايام متخاشر مع واحد على عايدي ويكدون يشتغلون على اردود من العين لبوظبي تخبر بوظبي بحر ويدفنون البحر لتوسيعها وكان اكثرها سباخ وكان معهم بندر بن سرور ونايف الكليخ وشف السمره فالليل ماتنقطع السواليف الله يرحمهم جميع نايف لازال موجود في النعيريه وهو احد الرجال المعروفين بالفزعه ورجع للنعيريه لاسباب ان والده توفى وكان لابد يحل محله كونه شيخآ على ربعه ولهم من القصص الكثير الثلاثه ومايمر شهر الا يكونون متهاوشين ويرجعون فيما بعد اصدقاء ومنها سالفت تقطيع الفلوس دراهم الامارات بينهم الثلاثه عشان كيسة خبز .هههههههههههههه وكان ذلك تقريبآ في عام 1977م.
ترا / حمد هادي المسردي القحطاني اسمه الصحيح هو/ محمد فالح المسردي القحطاني

مشكووووور يا فارس قحطان على الموضوع والله قصه تحزن والله يرحم قايلها


شيخ المهادية

عزالله انه يستاهل الفزعه وعزالله انه مدح ربعه

كفو الكفوووو يافارس قحطان

بيض الله وجهك على النقل والقصيده الرائعه

تقبل تحياتي

انشهدد انه نخى ووونعم مليارات بالاد مسرررررررررررد

والله يرحم شاعرنااااا حمد المسردي


ومشكورر اخوي فاااارس مليارات
على هذا الموضوع


اخووووووك

ابن عااااصم

بيض الله وجهك يافارس قحطان على هذا النقل الطيب .

والله يرحم الشاعر وجميع أموات المسلمين..

الله يعطيك العافيه..

السلام عليكم ورحمة الله وبركاته

الله يرحم حمد هادي

ويعطيك الف شكر على الجهد الرائع

ونقل قصيدة الشاعر حمد