ما أعرف ارسال النميمة ولا استقبالها
 

الشاعر:. الكبير // فلاح القرقاح ...وريث الشعر ومسخر القوافي ....
من الشعراء المميزين لا يشبهه أحد في رتمية قصائدة .....مما مكنه من البقاء والرسوخ في الذاكره ... لدى محبي الشعر الجزل ...
اليكم أحد قصائده..

ما أعرف ارسال النميمة ولا استقبالها

[poem=font="Simplified Arabic,6,black,bold,italic" bkcolor="transparent" bkimage="" border="solid,medium,gray" type=4 line=0 align=center use=ex num="0,black"]
اعتزلت الناس واسرفت في نظم القصيد = من هجوسٍ في ظميري تفوح دلالها
بين تجار الردى مالي اسم ولا رصيد = ما أعرف ارسال النميمة ولا استقبالها
أعرف رقم الحواله واسم المستفيد = في إعتقادي كل حسنة بعشر أمثالها
أثرها نار على كف شيطان مريد = الله يخلي لبعض الرجال رجالها
هية يا اللي غرك الوجد وأغراك المزيد = شرهة جمال المحامل على جمالها
اضرب سمان المعاريف بيد من حديد = والثقه يبس شجرها وهد جبالها
واعرف اوتار المناقيد واطرب من جديد = غن للشرهة ومول على موالها
واذبح الحشمة من أقصى الوريد الى الوريد = وقيد الشيمهة وكثر عقود حبالها
أنت لا قلت احفيت الاقدام واتعبت البريد = أنا أقول أخوان شما خوال عيالها
تحسب انك متعب الخيل والسيف الحديد = وانت كائن حي في حالة يرثى لها
مهرة جود رسنها العنيد ابن العنيد = إتعقب منت فحلها ولا خيالها [/poem]

المصدر كتــــــــــــــاب /// شعراء قحطان

رد : ما أعرف ارسال النميمة ولا استقبالها
 

بيض الله وجهك يابو معتز على النقل الموفق في إختيارك هذه الدرر الثمينه أبو محمد شاعر كبير وجزل

تقبل خالص الشكر والتقدير.......................

رد : ما أعرف ارسال النميمة ولا استقبالها
 

ارحب يا بو معتز وبيض الله وجهك وجمل الله حالك

ما نقلت الا كل جزل ودسم وابن ريفه يجمل بين الصفوف وفي النضم

وياليت من شبكة قحطان تنزلها صوتيه

تحياتي000000اخوك

رد : ما أعرف ارسال النميمة ولا استقبالها
 

صح الله لسان القايل


الله يصح لسانك يا ابو معتز


ولسان شاعرنا الكبير ابو محمد

رد : ما أعرف ارسال النميمة ولا استقبالها
 

أخواني الاعزاء :
سفر بن مبارك
خادم والديه
ابراهيم الرفيدي
أشكركم جزيل الشكر على المرور وبيض الله وجيهكم لا عدمتكم