&&& قصيدة اللكزس &&&
 

ابتدي باسم الله الواحد الفرد الصمد && الاله اللي المسلم يصلي ويدعي
بعد هذا يا سلامي لك ياابو ساره سعد && السلام اللي بريح الزعفرانه ذعذعي
يا طويل العمر في بالي عبارات جدد && والذرابه في الكلام اللي قليل ويسمعي
خمسة اشهر في (000) بين هم وفي نكد && لا ونيس ولا صديق ولا احدٍ يجلس معي
في بحور المعرفه ندرس ولله الجهد && يالله انك لا تخسر من يحصد ويزرعي
شف بالي في مسيله تو ماطرها ركد && وامتلت الارض بفضل ربي وهذا مطمعي
واكتست عشبٍ طواها ما اكتسى قبله بلد && طول عشبه لا تمايل كنه يلعب قزوعي
اركب اللي في بلاد الغرب لا صنع وورد && جيب لكزس ورده معرض سمو البازعي
لا عطى خط المدينه ثم وقف في المهد && اعتدل يم الشمال وبالصداوي وقعي
منوة اللي من زمانه شاف مايكره واشد && المصايب كلها جاته ولا له مطلعي
ثم تخير لك نشاما لا تزود في العدد && لابةٍ ماهيب عن فعل المراجل تجزعي
لابة لاقلت يالله جاتك بوقت الوعد && في صلاة الصبح والا قرب وقت المهجعي
كد مصنوع اليهودي في فجوج الارض كد && لين يظهر ماها والا ويش هو له يصنعي
لو كل الناس تلقى ما تمني بالودد && كان ودي باسفل الجنه ولو مقطعي
والسلام ختام مني عد من وصل ووفد && لجبل مكه يطوف البيت والا يستعي
للنبي اللي بعث للناس ما بعده احد && لأمته يوم القيامه عند ربي يشفعي

صح لسانك وما قصرت

صح لسانك وبيض الله وجهك قصيدة تبين ان وراها شاعر جزل
سجل اعجابي
اخوك عبدالله المهداني

صح لسانك وتسلم ياذيبان
ولا تحرمنا من جديدك يالغالي