شبكة قحطان - مجالس قحطان - منتديات قحطان - رثاء البطل تركي القحطاني

لاباقول الجادل االلي خصرها غصن يلين

ولا باقول فلان من لابه كرم طيب وشهامه

ولا باقول الجرح ينزف ما برى طول السنين

في رثاء تركي بزين دفتري نظم وشامه

المدامع والألم والجرح وزفرات الأنين

راح عند الله شهيد في بساتين الكرامه

الشهيد اللي مرابط على الحمى القرم الأمين

كل مسلم كان يتمنى ختامه هو ختامه

يا عسى قبره نعيم ويا عسى قوله يزين

ويلهم الغالي الرشاد ويسكن الجنة عظامه

ما خذوك إلا بعلم الغدر والناس امنين

عاده النذل الفساد وجل همه واهتمامه

نفتخر حنا حماة للوطن درع حصين

رمزنا لا والله إلا وهمنا قمع الهلامه

يوم وصلت للحمى نفديك بالغالي الثمين

نفديك يا أغلى وطن حنا حسامه في حزامه

يا أسود القائد الأعلى فعول العابثين

لا تهبط من عزايمكم تبي عزم وصرامه

واصلوا واحذوا خطاكم حذوا أصحاب اليمين

ودعوة الثلث الاخير وركعة الليل وقيامه

ومن خرج عن ملة الإسلام واغواه اللعين

ما له إلا كلاش أبو عطفه يكسر له عظامه