شبكة قحطان - مجالس قحطان - منتديات قحطان - سمو الامير فهد بن عبدالله في ضيافة الشيخ علي بن وازع بن شديد ال مخثله

بسم الله الرحمن الرحيم

قام صاحب السمو الامير فهد بن عبدالله بن محمد بن عبدالرحمن (نائب وزير الدفاع والطيران سابقا) حفظه الله يوم الاربعاء الماضي بزيارة خاصة للشيخ علي بن وازع بن شديد ال مخثله في منزله بقرية النابية بالجله وتبراك.
حيث تناول الجميع طعام الغـداء الذي اقيم على شرف سموه ، وقد ألقي عدد من القصائد الترحيبية ، منها قصيدة للشيخ علي بن وازع بن شديد ألقاها نيابة عنه ابنه حسن بن علي نالت اعجاب الجميع يقول فيها:

بذكر الله عظيم الشـــأن نبدأ القاف وفنونـــــه = إيلاه الناس يعلم ســرها وإليه مرجعهـــــــــا

نظمت القاف والترحيب باهل الطيب مضمونه = بيوت الشعر لامن طاب كيفي قمت انا ابدعها
بيوت من خيار الشعر على الميزان موزونــــــــه = تعبر عن شعور من صميم القلب منبعهــــــــــا
هلا ماهل همال المطر من مردف مزونـــــــــــــه = مــزون زجت بماها ورب الكون يـدفـعـهـــــــــا
هلا ماهب ذعذاع النسيم وحرك غصونـــــــــه = هلا ما مـــرّ يوم بدت شـمسـه بمطلعهـــــــــا
وعدد من زار بيت الله.. سعى واطّاف بركونــه = ورفع لله دعواتــه ورب البيــت يســمـعـهـــــا
نرحب بالامير اللي شـرفنا زاد مثمونــــــــــــه = حضـوره غالي بنفوســنا واغلى مطـامـعـهــــا
وكل اللي حضر ترحيبنا ماينقصر دونــــــــــه = نرحـب بالجميع وبارك الله في تجمعهـــــــا
ابو فيصــل نكن له الغـلا والناس يغـلـونـــــــه = على طيب الصفات اللي حميد الذات جامعها
وريث اللي لحفظ الدين والامجاد مأمونـــــــه = بماضيها وحاضرها واحفاد القوم تتبعهــــا
بنوا حكم على شرع الله احكامه وقانونــــــه = وعلى تحكيم شرع الله جميع الشعب بايعهـا
حموا دين الله بسيف على الاعداء يسـلونـــه = وناس ماردعها الحق.. حد السيف يردعهــا
وابو فيصل سـليل المجــد راس الجود مخزونـه = كــرم الاخلاق في ذاته طبيعــة ماتصنعـهـــا
اميـــر ماقفل بابه فكان الله في عونــــــــــــه = ألا ياكثـــر مايركي لخلق الله وينفـعـهـــــــا
جمل زومان ابو فيصل يشيل الحمل بمتونــه = يشـــيل اثنين بالراحة وثالثها ورابعهـــــــا
ولو جا مثلها معها على سبل المثل كونــــــــــه = يشيل اللي صعيبات على غيره يزعزعهـــــــا
كريم يبذل المعروف والفزعات مضمونـــــــه = طويل البــاع لامن قام للصعبة يسنعـهـــــــا
حفيظ الدين والطاعة وفعل الخير ديدونــه = يبيها عند رب يجـــزي النفس بصنايعهـــــــا
صدوق في مقاله والوعد يوفيه ويصونــــــه = ومن يصدق معَ ربـــه عباد الله صدق معهــــــا
حكيم في قراراته وبه حلم يحمدونــــــــه = حليم لو يكض الغيض نفســه مايطاوعهـــــــا
بشوش الوجه متواضع ونفسه دوم ممنونه = رفيعيـن المقام.. الله يا ما اطيب تواضـعـهــا
ولا ياشــين زوم الكبـر مع ناس يزومونــــه = يحســبونه بيرفعها وهو بالعكس ياضعهـــــــا
وانا ما اقول ذا وحدي.. معي ناس يقولونه = تشوفه ناس باعينها والاخرى عن مسامعهــا
فهد من طيب فزعاته هل الحاجات ياتونه = اذا صعبت قضاياهم نصوه وراح يشفعهــــــــا
كريم مايشح الى طلب جاهه ومليونــــــــه = طبيعة والطبيعة في البشر تغلب تطبعهـــــا
معاريفه علي واجد وانا بالشكر مديونــــه = ألا ياكثر مايبذر معاريفه ويزرعهــــــــــــــا
فـ له مني عظيم الشكر والعرفان مقرونـه = بدعوات من اقصى القلب للرحمن نرفعهــــا
جزا المعروف بالعرفان يوم البعض ينسونه = عسى ناس تضيع للجميل الله يضيعهــــــــا

وبعد صلاة العصر قام سموه بزيارة الشيخ ابن نومه العرجان جار الشيخ ابن شديد وتناول القهوة عنده.

وقد شكره الجميع على زيارته الكريمة.

وهذه بعض اللقطات لزيارة سموه الكريم