!!! ((( إحتجــــاج ))) !!! ((( جديده)))
 

بسم الله الرحمن الرحيم

أخواني وأخواتي .. أضع بين أيديكم هذه المتواضعه وآمل أن تجد لديكم القبول .
[poem=font="Simplified Arabic,6,chocolate,bold,normal" bkcolor="white" bkimage="" border="double,thick,white" type=2 line=0 align=center use=ex num="0,black"]
البارحه سطرت قاف(ن) على ازّه = الصدر . ولاّ العجز صغته على آزي
من هاجس(ن) غفل المعاني يكزّه = كز التفق لموثنات الجوازي
ان صار في غيره تردد (ا)و كزّه = يبتع على شرد المثايل (ا)و يازي
(ا)و غصن الدرر يرقى عليه (ا)و يهزّه = حتى تساقط له اثقال المرازي
على الورق لبيض لا منّه تنزّه = قطع ضماه ابـ//بيت جزل المغازي
للحبر ترحيب الصحايف (ا)و فزّه = لنّه ايطرزها بقاف(ن) اعجازي
الطرس الابيض منه يلقى معزّه = وايغسل وجهه من شعر خاز بازي
شعّار فديو كلب كشخه (ا)ورزّه = وقليل مَن منهم للإعجاب حازي
الشاعر الطباخ قدره (ا)وقزّه = يطبخ (ا)و ينفخ مير ما يوم فازي
امضيع الطاسه .. (ا)وناشب (ا)بقزّه = ويجعل على كبد القصايد حزازي
قصيدهم سامج .. ولا فيه مزّه = ماله طراه .. (ا)و قابل(ن) لِهتزازي
عروا الشعر .. لاكن بكسيه بزّه = وافرّشه زل(ن) ثمين(ن) شرازي
واقدره وارفع مقامه وارزّه = وانكل ابـ//من يرخصه بالبيازي
وازهم شعاعير(ن) ثقات(ن) واعزّه = لحماية اطرافه لو ايهوز غازي
شعّار .. درب الشعر دايم تقزّه =ما غير الابداع الحقيقي (ا)يجازي
امعسفين المهره المجرهزّه = وبانين سيسانه على ارض(ن) عزازي
يحمون هيباته بحزات لزّه = لا كِسرت (ا)بيوته إسواة القزازي
ولا قرب منه اخبيل نفسه توزّه = مع فطاحلة القصايد نشازي
ودك اتحطه في مكوك (ا)و تدزّه = للمشتري حتى يحل التوازي
وحتى يصير (ا)من التطفل امنزّه = ونسمو بقدره عن طريق المخازي
امّا كذا .. ولاّ على الشعر عزّه = فكر(ن) فتح باب العزا .. والتعازي
موت الجزاله تل قلبي وجزّه = وكنّه تخالف به مخاليب بازي
نقد الذهب ولّى .. (ا)و بقى بيض وزّه = وصار العسل يخلط (ا)بديزل (ا)وقازي
وخلصت من قاف(ن) طرالي على ازّه = صدره (ا)و عجزه بين ازّه (ا)و آزي[/poem]
وسلامتكم

رد : !!! ((( إحتجــــاج ))) !!! ((( جديده)))
 

وحتى يصير (ا)مـن التطفـل امنـزّه
ونسمو بقدره عن طريـق المخـازي
امّا كـذا .. ولاّ علـى الشعـر عـزّه
فكر(ن) فتح باب العـزا .. والتعـازي


صح لسانك وعلا شانك يالعبيدي..

وننتظر جديدك ....

رد : !!! ((( إحتجــــاج ))) !!! ((( جديده)))
 

اررررررررررررررررررحب عبدالله الفهري
صح لسان واعتلا شانك
لاهنت ويعطيك العافيه على القصيده الرائعه
تحياتي

رد : !!! ((( إحتجــــاج ))) !!! ((( جديده)))
 

رد : !!! ((( إحتجــــاج ))) !!! ((( جديده)))
 

أخوي عبدالله الفهري

صح لسانك وبيض الله وجهك

رايعه ووافيه من راس وافي

لك فائق احترامي وتقديري

رد : !!! ((( إحتجــــاج ))) !!! ((( جديده)))
 

ارررررررررررررررررحب يابو عايض والله اني صادق

وصح الله السانك


جزل يا القرم

لك مني كل الاحترام

رد : !!! ((( إحتجــــاج ))) !!! ((( جديده)))
 

وحتى يصير (ا)مـن التطفـل امنـزّه...ونسمو بقدره عن طريـق المخـازي

امّا كـذا .. ولاّ علـى الشعـر عـزّه...فكر(ن) فتح باب العـزا .. والتعـازي

الله الله

صح لسانك يا ابو نواف على القصيده الرائعه

وانت دايم تبدعنا بالجزل والجميل


ننتظر مزيدك يالقرم

اخوك/عبدالله السحيمي

رد : !!! ((( إحتجــــاج ))) !!! ((( جديده)))
 

صح لسانك ...

لاهنت ...

والله يعطيك العافية ...

رد : !!! ((( إحتجــــاج ))) !!! ((( جديده)))
 

رد : !!! ((( إحتجــــاج ))) !!! ((( جديده)))
 

ابو نواف


بدون اي معنى للمجاملة او التحيز بحكم المعرفه


فأنت من الشعراء الذين اعادوا للشعر النبطي بريقه وتوهجه
ومن ضمن الوكلاء المعتمدين لشعر الجزاله وقوة المعاني


صح الله لسانك وبيض الله وجهك


وأنتظر جديدك بكل شوق