قحطااااااااان
 

:1107953448: بسم الله الرحمن الرحيم وبه نستعين والصلاة والسلام على سيد المرسلين سيدنا محمد وعلى اله وصحبه اجمعين.... وبعد:
هذه بعض الابيات المنقولة المقولة في قحطان

يا ناشد عنا فحنا قحاطين " " وربع يعدي عن لحاها طعنها

من فعلنا تهجد جميع الشياطين" " لي صاح راعي الذود باول ظعنها

ننهل حياض الموت ولنا براهين " " والنفس في الماجوب يرخص ثمنها

ذربين ولا حنا علي الشر عجلين " " وعطبت يدين شقها في بدنها

ونمشي عي وضح النقا والقوانين " " ونسجها من شامها لي يمنها



وقال الشاعر : محمد بن جروان ال عليان القحطاني ( من الجحادر )

انخ الجحادر واثنهم بالنخوه " " ازهم قبايلنا وصح في جالها

تاتيك جبعان المحازم كنهم " " سيل تحدر من فروع جبالها

تشبع بوردتهم سباع جايعه " " تشبع وترجع بالعشا لعيالها

وانخ الحباب حزامنا لا ثارت العدا " " ربع نهار الضيق تشاف افعالها

ان جا لدخان الذخاير شوبه " " تراهم جلايبهاوتراهم جمالها

وازهم عبيده كلهم وشيوخهم " " درعنا اللي نلتجي بظلالها

هم ربعنا اللي يرهب الحف جمعهم " " وان ثارت الهيجا مشوا بظلالها

وانخوا بني هاجر مقابيس البلا " " تراهم يجون لمثل ذي وامثالها



وقال الشاعر: غانم بن هادي ....من الحرقان من عبيده قحطان


يا ناشد عنا ترانا هل الجود " " حنا قحاطين يجيكم خبرها

قبيله للدين فرسان وجنود " " من خلقة الدنيا وهذي سيرها

كسابه الناموس والسلم محمود " " واصل الشجاعة ورثها من كبرها

لي ثارت الهيجا ببارود وزنود " " وارتزت المهره ومست ظهرها

قوم تسبل لي زهم وانتخي العود " " لي غيم البارود زود خطرها

قبيله وافخوذها باربع ابدود " " من الجنوب الي الحسا ذي ديرها

منهم بني هاجر الي ثار بارود " " وان ثارت العجه وطارت غترها

وان جا نهار فيه طارد ومطرود " " تثمر فعايلها ويبدي قمرها

وجحادر من عاده اسلاف وجدود " " دهاة قوم ما يخالف نظرها

جموعهم كنها صواعيق ورعود " " تمشي سراياها وربي نصرها

اما الحباب اللي لنا رسم وحدود " " ومسجلين طيبها في سطرها

سباع في وصف الرجاجيل وفهود " " نار تلظي من لهايب سعرها

حرابهم من يمه الشرق مضهود " " كل العرب تدري بها من ظفرها

وربعي عبيده مقضب السيف مهنود " " امواج رعب صافقة في بحرها
ا
لين اقبلت كنها سراحين واسود " " الليل الاظلم ينجلي من سفرها

هذي قبايلنا علي ثبت وشهود " " يشهد لها تاريخها اللي ذكرها

:075: :075: :075: :075: :075: :075:

رد : قحطااااااااان
 

يشرفني ان اكون اول المشاركين معك

ونشكرك على هذا النقل الطيب

تحياتي لك

رد : قحطااااااااان
 

لا هنت يالعبدي
على النقل وفقك الله
وتقبل تحيات اخوك سعود

رد : قحطااااااااان
 

رد : قحطااااااااان
 

واللـــــه والنعــم

رد : قحطااااااااان
 

لاهنت والله يوفقك وما على القبايل الاخرى زود

رد : قحطااااااااان
 

السلام عليكم ورحمة الله وبركاته

الأخ الكريم العبدي

لك الشكر الجزيل على هذه الأبيات الجميله واللتي أمتعتنا بها

ونتطلع الى جديد مشاركاتك.

تقبل خالص الود والتقدير.