قــــــــحطـــــــــــــان ...
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اطوع القيفان والقاسي يلين= وانحت صخر واقطف جزال المعاني ماهو على شان الهوى والمزايين= ولا هو على شان الطرب والغواني من شان قحطان الزحول الميامين= ربعي لهم مجدٍ وفعلٍ وشاني تاريخنا يرجح بكل الموازين= يرجح وعشره ما تعود ثماني امجاد ونقدم عليها براهين= وتبقى على طول الدهر والزماني حنا الحرار اللي تعلا الصعانين= ما تنزل الا في رفيع المكاني والى امتطينا فوق مثل الشياهين= يهتز مصر والعراق وعماني ونقدم على حوم الوغى في الميادين= على السبايا مرخيات العناني ونارد على حوض المنايا محيمين= بسيوف وارماح تفج المحاني وكم شيخ قوم طاح بين المغيرين= بسهوم قحطان طوال اليماني ربعي عيال العود سقم المعادين= عزوة عيال مضيم نسل قحطاني من الجنوب الى شفا نجد صاطين = بالسيف والمنسف وحد السناني يتلون ابن هادي زعيم القحاطين = شيخ شهر مابين قاصي وداني اللي فرض في نجد شرع وقوانين= فرز الوغى لا ركب بنت الحصاني ومن بعد وحدنا صعوط المجانين= عبدالعزيز النادر الصيرماني الصيرماني اللي حكم بابو حدين= حتى الجهل ولى وعم الاماني صرنا جنود له على نصرة الدين = نبيع النفوس ارخاص والعمر فاني وبعده اشباله خادمين الحرمين= آل السعود معربين المجاني وحنا لهم في كل عام موالين= والله يخون اللي على العهد خاني وبلادنا تبقى على العسر واللين= اطهر ثرى وافضل بلاد ومكاني وحنا هل العزه خلقنا عزيزين= نموت عز ولا نعيش بهواني [/poem] |
رد : قــــــــحطـــــــــــــان ...
والله مالك عايب يابن هدلان وصح لسانك
تقبل تحياتي،،، |
رد : قــــــــحطـــــــــــــان ...
اقتباس:
وعادتك الجميل وصح لسانك ولك خالص الود والاحترام[/color] |
رد : قــــــــحطـــــــــــــان ...
والله كفووووووو يا بن هدلان قول وفعل ومن رجال كفو يرفعون الراس تقبل تحياتي |
رد : قــــــــحطـــــــــــــان ...
صح لسانك ..؛ بن هدلان ومافيك حيله والله كفووو اخوك علي بن مفرع |
رد : قــــــــحطـــــــــــــان ...
صح لسانك يابوذيب
شاعر من روس قحطان وبيت منك في قحطان يسوى مؤلفات تحياتي |
رد : قــــــــحطـــــــــــــان ...
الاخ الشاعر خليل بن هدلان
صح لسانك وبيض الله وجهك قصيدة جزله وعادتك الجزاله لاهنت . |
رد : قــــــــحطـــــــــــــان ...
مافيك حيلة
نتمنى ان نسمعها صوتية كل بيت بالف الفاظ قوية تنحت من صخر وتقطف من حجر وتغرف من بحر الى الامام اخوك حمود الحمالي |
رد : قــــــــحطـــــــــــــان ...
ابو نواف
صح الله لسانك يابو نواف بيت شعري لا يستغرب عليه الجزله وقوة الحضور وبيض الله وجهك على التواجد والتواصل ياكحيلان تحياتي |
رد : قــــــــحطـــــــــــــان ...
صح لسانك وافي وافي وافي
وعلا شانك ابيات رائعه جدا ولاهنت يالذيب اخوك ابن قريش |
الساعة الآن 05:18 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com