قصة هروب
صلوا على النبي [poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"] عن ساحة الشعار عامين هارب=هروب لكـن فيه قصد ومأآرب ماهـي بعزّة نفس .. والا تغلّي = ولاهي بقله في الشعر والتجارب انا اعتبرها غير هذي وهـذي = وقفة تـأمل وإستراحـة محارب الشعر مالـه عمر والا نهايـة =ولاهـو بحملٍ يحمله كـل غارب الشعر في تالي الزمن طاح حظه= ظلم العـدا ماهـو بظلـم الأقارب وانا قصيدي في ضميري مخزّن = محزم وانـا له حزّة الضيق كارب البارح إمن الحزن ياطـول ليلي =فـي ساعتـي عيّت تدور العقارب احسّب اللـي راح واللي بقـالي =ما فات مات وحاضر الوقت خارب الهـم نفس الهم والجرح واحد =ماكل عليـه الوقت الأغبر وشارب والفقر ماهو عيب لكن هدمني =ما كنّه الا اللـي هدم سـدّ مارب والحب لو مافيه ذله .. ولذه = مـا قصّر إطوال اللحى والشوارب وانا وردت الما وعوّدت ضامي =تكدرّت لـي صافيـات المشـارب لدّيـت للدنيـا بعيني وصـدّت =وبلشت فـي حيّاتـها والعقـارب اسوق رجلي والعصا في يميني = لي في بعض الأحيان فيها مأآرب وهربت عن نظم القصيد وعن أهله = لكـن بوقـت الضيق ماني بهارب سـود الليالي والسنيـن الخـوالي =أعطيتـها عمـر وعطتني تجـارب[/poem] |
رد : قصة هروب
اقتباس:
(وستغفرو ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا مالكم لا ترجون لله وقارا وقد خلقكم أطوارا) صدق الله العظيم |
رد : قصة هروب
اررررحب يا ماجد ..
جزل والقصيده جزله في المعنى والقافيه .. فصح الله السانك يا القرم مدد بلا عدد .. تقبل مروري نفداك .. |
رد : قصة هروب
ارررحب ياماجد ارحب
وين انت مالك شوف يامرحبا ويامسهلا ياالقرم على كل حال القصيده مايبي لها اشاده وهي منك فنت شامخ وعلومك شامخه تقبل مرور مرحب بك |
رد : قصة هروب
أرحب يا ماجد ..
وأهلاً بعودتك إلى الساحة بهذا النص الشامخ .. صح الله لسانك واعتلى شانك .. قصيدة جزلة ووافية وأكثر من رائعة .. في انتظار جديد مثايلك وفرايدك .. |
رد : قصة هروب
ارحب يا شاعرنا تراحيب المطر
ماهي بعزّة نفـس .. والا تغلّـي ولاهي بقله في الشعر والتجـارب انا اعتبرها غيـر هـذي وهـذي وقفة تأمـل وإستراحـة محـارب بيض الله وجهك يالجزل , لك مني كل الود والتقدير |
رد : قصة هروب
أخوي فيصل العلياني
مرحبا بك والله ولاهنت على المرور يالوافي ...... تحياتي |
رد : قصة هروب
بيض الله وجهك يافلاح آل راكان على المرور الطيب ولاهنت يالغالي ...تحياتي
|
رد : قصة هروب
صح لسانك يا ذيبان
|
رد : قصة هروب
تسلم على الكلمات الرائعة
|
الساعة الآن 09:22 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com