قصّة غرامي
[poem=font="Simplified Arabic,5,black,bold,italic" bkcolor="transparent" bkimage="" border="none,10,gray" type=2 line=0 align=center use=ex num="0,black"]
أستغفر الله..... من إذنوبٍ مسوّيها = السحر في سوريا.... وأهله بلبناني ما أحلى من اللاذقية ... غير أهاليها = ولا أجمل من الطبيعة في بلوداني وإن كان رحت لحلب ... والا ضواحيها = تشوف سحر القلوب وسحر الأعياني وإن كان رحت لكسب تعشق روابيها = من زين أهلها يصير لعقلك إجناني وإن شفت درعا وحمص وطفت أراضيها = تشوف فيها جمال وسحر الألواني وإن طفت راس البسيط وشفت شاطيها = جبال خضرا .. وبحر ... برسم ربّاني وإن رحت بيروت.. فتنة ..مثل من فيها = والله ما ودّك تعوّد ديرتك ثاني والله .... ما خلاّني أعوّد .... وأخلّيها = إلا غرامي ..... وحب القلب لأوطاني الجادل ... اللي خفوقي حيل مغليها = صدّت.. وهذا سبب حزني وحرماني من حسنها.. تسحر إعيوني.. وتغريها = ما أطيق هجرانها..وتطيق هجراني لا صار بعدي رضاها..كيف أبأرضيها؟= لا صار جرحي دواها كيف تنساني؟ لا صار قتلي خطاها.. كيف أجازيها؟!!= لا صار حزني عطاها..كيف تهواني؟ لا صار قلبي معاها .. كيف ما أبيها؟ = لا صار ما لي سواها ... بعت خلاّني وشلون ما أبيع باقي العمر وأشريها؟!= ما دامها عمري وقلبي و وجداني الكلمة اللي تفرّحها ........... تبّكيها = وأنا سكاكين صمتي تقطع إلساني! أحبّها ....... وأنتشي ... لا مرّ طاريها = من عاد قلبي.. صغيّر سن.. طيشاني يا ويل قلبي ........ ليا طوّل تجافيها = ودّعت روحي بعدها ... والعمر فاني بغيابها ...... كل ما فيني ... يناديها = وإن جيتها .. توّي أدري وين عنواني سريتها ....... لين طالت بي مساريها = غفيتها ... لين جرح الغدر .... صحّاني ياما على شانها .. أضحّي وأداريها = وهي .... ولا مرّةٍ ضحّت على شاني!! لو تطلب إعيوني الثنتين ... أعطيها = وأفزع ليا جاتني بالضيق تنخاني من زود خوفي عليها صرت ماأجيها = وإن رحت عنها بعيد.. الخوف يحداني! أخاف لا أصير حاميها ...... حراميها = وأصير .. مجني عليه .. وقلبي الجاني أخاف أدوّر عليها ....... لين ألاقيها = وش عاد أدوّر بعدها ..... يوم تلقاني؟!! أحبّها ... حلم ... ياخذني لأقاصيها = أحبّها ..... ظلم ...... للأمجاد ودّاني!!!! أحبّها ... كذبةٍ ...... ماني براويها = أحبّها ..... نكبةٍ ....... جات إتبّلاني قصيدةٍ .......... ما تعجّزني معانيها = لا صارت أصلاً .. من أوزاني وقيفاني قصّة غرامي ... من أوّلها ... لتاليها = بظرب مثل ... واضحٍ لفلان ..... وفلاني خمسٍ من الضان ترعى في مراعيها = والذيب ... عينه على وحده من الضاني!! والأربع الباقيه ....... ترجع لراعيها = مصيرها .... يوم .. تلقى ذيب جوعاني...[/poem] |
قصيده رائعه
مشكور يالغالي لالالالاهنت |
اقتباس:
صح لسااااااااااااااااانك يا ماجد الحقيقه وصف جيد وبيوت مليانه تقبل تحيات اخوك عبدالله المهداني |
صح لسااااااااااااااااااانك
وعلا شااااااااااااااااانك قصيدة جزلة من شاعر جزل لاهنت يالغالي |
لبيه يا سوريا وقصة غرامك
الله يبيض وجهك وما قصرت |
اقتباس:
صح السانك يا ماجد مبدع في كل الحالات وشاكر لك تواصلك وحضورك معنا وهذا ما يشرفنا |
صح لسانك ياماجد
تحياتي |
صح لسانك ياماجد
قصيده اكثر من رائعه دمت وسلمت تحياتي |
اخذتنـــــــــــي إلى ذلك الجو الرائع ولم تسمح لي بالعودة ....
أحسنتأخي ماجد بن حالي لا فض فوك |
ارحب ارحب ياماجد بن حالي
صح لسانك وعلا شانك شوقتنا لذيك الديار جعلك تسلم |
الساعة الآن 06:56 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com