((مرثيه في والدي رحمه الله واسكنه فسيح جناته))
 

بسم الرحمن الرحيم
السلام عليكم ورحمة الله وبركاته

هاذي قصيده مرثيه في والدي الشيخ محسن بن سعد بن صنعا العاطفي رحمه الله واسكنه فسيح جناته وارجو كل من يقرا هاذا الموضوع ان يدعوله برحمه 00000000

[poem=font="Simplified Arabic,5,red,bold,normal" bkcolor="transparent" bkimage="backgrounds/19.gif" border="double,medium,gray" type=4 line=0 align=center use=ex num="0,black"]
الايالله ياللي كل علم الغيب مايخفاك=وذكرك ياعزيز الجاه نختم به ونبديبه
الايالله ياللي كلبونا نجتهد لرضاك=ماندري وش ورا غيب الليالي وانت تدريبه
الةالكون علام الخوافي مدرج الافلاك=بنرضى في مقاسيمه ونرضى في مكاتيبه
الا ياالله ثم يالله جعل ان كاني لولاك=طلعت من النطاق وقلت هذي والله مصيبه
لاكن مومن ومتيقن وعندي للصحيح ادراك=مقادير الليالي والدهر دارت دواليبه
الايابوي ياليتك معي ولافاأنا وياك=ابمسي معك في ذاك القبر لاصرت تمسيبه
لاكن ااستغفرالله من كلام الشرك والاشراك=لعلك ضيف وملوك الرضا دايم معازيبه
عسا قبرك مراويح السحاب الي تجي مناك=من القبله تروح سيلها كلن يهذريبه
فقدتك وانت مصدار الثقه والعز في محياك=فقدتك وانت مصدار الفخر والعز والهيبه
فقدت الجانب الطيب وتوجيهك وزين ادعاك=ودعواتك بتوفيق الولي جتني مناديبه
ولانيب الوحيد الي فقدتك يفقدك شرواك=وراعى الحظ من حظه وراعى الطيب من طيبه
فقدك اخوك وعيالك ومن يمشي على ممشاك=يبي يطلع على القمه وفي عالي مراقيبه
فقدك اللي نهار المعركه لاولعت ينخاك=وهو خابرك سيفٍ فاالقا دايم يماريبه
فقدك اللي لياضاقت عليه من الدهر ينصاك=فقدك المسجد اللي يابومحمد تصليبه
فقدك المجلس الفاتح ومن مرك يبي يلقاك=ويبشر بالشحم والكيف مع فزه وترحيبه
فقدك الجار والعاني ومن يعرفك ماينساك=ولك فالطيب تشريقه ولك فالطيب تغريبه
عسى الله يرحمك ياللي على السنه تسير اخطاك=عدد من حج في مكه وصلى الفرض في طيبه
مربينا على نهجك وتمشي نهج من رباك=على دربك ورجم العز نطلع به ونبديبه
كسبت ارضا الولي والناس وايضا نعم في دنياك=ومن بعدك رجالٍ منهجك لابد تمشيبه
عسى ربي يعوضنا بعد بعدك بعد فرقاك=ليامن طالت المده ليامن طالت الغيبه
وصلى الله وسلم عد ماغرد حمام الراك=على وجه النبي وعداد برقٍ في نواصيبه[/poem]

رد : ((مرثيه في والدي رحمه الله واسكنه فسيح جناته))
 

اسئل الله الكريم رب العرش العظيم
ان يرحمه برحمته التي وسعت كل شئ وجميع اموات المسلمين واحيائهم
الله يحسن عزائك والله يجعله في جنات النعيم
صح لسانك يابن صنعاء
القصيد الطيب الي فيه حمد و شكر للكريم ودعوات طيبه

واسئل الله لكم العون في كل الامور

اخوك / مرعي بن علي ال دواس

رد : ((مرثيه في والدي رحمه الله واسكنه فسيح جناته))
 

قصيدة معبرة
وكلمات نابعة من القلب
كيف لا وهي من اب إلى أبيه


رحمه اله رحمة واسعه
والخير والبركة فيمن خلف بإذن الله.

رد : ((مرثيه في والدي رحمه الله واسكنه فسيح جناته))
 

صح لسااااااااااااانك والله يرحم والدك ويسكنه الفردوس الأعلى من الجنان ,,

تحياااتي .

رد : ((مرثيه في والدي رحمه الله واسكنه فسيح جناته))
 

اسئل الله الكريم رب العرش العظيم
ان يرحمه برحمته التي وسعت كل شئ وجميع اموات المسلمين واحيائهم
الله يحسن عزائك والله يجعله في جنات النعيم
صح لسانك يابن صنعاء

رد : ((مرثيه في والدي رحمه الله واسكنه فسيح جناته))
 

ارحبو كلكم والله لايهينكم

جميع تقبلوخالص تحياتي

رد : ((مرثيه في والدي رحمه الله واسكنه فسيح جناته))
 

أسأل الله الكريم رب العرش العظيم

ان يرحمه برحمته التي وسعت كل شئ وجميع اموات المسلمين واحيائهم

الله يحسن عزائك والله يجعله في جنات النعيم

صح لسانك يابن صنعاء

وتقبل تحيات اخوك بحر

رد : ((مرثيه في والدي رحمه الله واسكنه فسيح جناته))
 

الاخ عبدالله بن صنعا

السلام عليكم ورحمة الله وبركاته

رحم الله والكم رحمة واسعه

قصيده معبره وصادقه

أسأل الله جلة قدرته ان يرفع منزلته

وان يرحمه رحمة واسعه

رد : ((مرثيه في والدي رحمه الله واسكنه فسيح جناته))
 

السلام عليكم


الله يرحم شايبن خلفك ويسكنه الجنه ويجمعكم به في الجنه


وصح الله لسانك على هالقصيده ... والله لا يريكم باس عقبه


اخوكـ البشري

رد : ((مرثيه في والدي رحمه الله واسكنه فسيح جناته))
 

الله يرحمه ويسكنه فسيح جناته

واحسن الله عزاكم يابو محسن

وعسى قبره روضةً من رياض الجنة

وصح الله لسانك على القصيدة المعبره