لا يوجد له نظير في هذا الزمن ..
 

السلام عليكم

صورة نادرة اخذت في ١٦ فبراير ١٩٧٤ ميلادي للمغفور له الملك فيصل في قصره ...

سبحان الله لاحظ البساطة في القصر والاثاث والسجاد والملبس ..

أسأل الله أن يرزقك الفردوس الاعلى ..


http://www.qahtaan.com/works/up/get....1smk1295845127

رد : لا يوجد له نظير في هذا الزمن ..
 

الله يرحمه رحمة واسعه

صورة جميلة ومعبره شكله كان ينتظر زائر وراح يفكر بعمق

صحيح لايوجد نظير

زخارف وذهب في كل مكان وكراسي متباعده عن الضيوف ومميزه حتى وإن لم تكن مريحه

لاهنت يابوعصام

رد : لا يوجد له نظير في هذا الزمن ..
 

جعل يمناك ما تعطب يابو عصاااااااام

صوره رااائعه لشخصية لن تجد لها مثيل

بساطه وعمل حقيقي..

وليس فخامه وبطاله مقنعه

رد : لا يوجد له نظير في هذا الزمن ..
 

رد : لا يوجد له نظير في هذا الزمن ..
 

اسال الله ان يرحمه رحمة واسعة


لاهنت يا مبدع المجالس

رد : لا يوجد له نظير في هذا الزمن ..
 

حاكم لن يجود زمننا ولا نسائنا بمثله

ياليت فيصل فيصلين -------- فيصل بالشام وفيصل باليمن

كثرت الروايات والتاويلات لهذا البيت

فهو للملك المؤسس في احدى زيجات الملك فيصل فقبل اسبوع كان زواج الملك سعود فلعب الملك عبدالعزيز في العرس العرضه النجديه وعند زواج فيصل كان الملك عبدالعزيز مريض بالزكمه ولم يقوى على العب فقيل له انت ياعبدالعزيز تحب سعود اكثر من فيصل ولا ليه ماتعلب بعرس فيصل مثل مالعبت بعرس سعود الاسبوع الفايت فقام المؤسس منفعلا وعنى البيت آنف الذكر

يقال ان الملك عبدالعزيز يقول

عيالي ثلاثه

واحد ان جلس حولي ودي انه يقوم ويجلس بعيد عني وهو محمد ابو شرين

والثاني ان تكلم رحمته وهو سعود

والثالث ان تكلم لااريده يسكت لكن كلامه قليل وهو فيصل

رحمهم الله جميعاً

واشكرك اخوي ابو عصام الشكر الجزيل

رد : لا يوجد له نظير في هذا الزمن ..
 

صورة صامتة

لكنها معبرة أكثر من ألف كلمة

رد : لا يوجد له نظير في هذا الزمن ..
 

ونعم يابو عصام



تسلم وأبيض وجه على هذا النقل الرآئع المفيد .



هنا موضوع منقول بالكامل أضعه كمشاركة في هذا المقام الذي لايفي به كتب ومجلدات .


أشكرك وأشكر من قام بهذا العمل ولاهنت .

لا هنت يا راس الرجاجيل لا هنت
لا هان راسٍ في ثرى العود مدفون

و الله ما أحطّك بالقبر لكن آمنـت
باللي جعل دفن المسلْمين مسنون

منزلك يا عزّ الشرف لو تمكّنـت
فوق النجوم اللي تعلّت على الكون

سكنت دار المجد يا شيخ و اسكنت
شعبك معك في منزل العزّ ممنون

صنت العهد ياوافي العهد ما خنـت
علّمتهم وشلون الأشراف يوفـون

كم ظالمٍ عاداك و أعفيت و أحسنت
و أخلفت ظن جْموع ناسٍ يظنّـون

شلت الأمانه حافظٍ مـا تهاونـت
شفنا بك رْجالٍ على النفس يقوون

ياللي طلبه الملك بالحـبّ زيّنـت
عرشك بتاج قْلوب شعبٍ يحبّّّّـون

لوّنت تاج الملك مـا قـد تلوّنـت
ما غرّتك دنياك ما صرت مفتـون

بالزهد و المعروف و الصبر كوّنت
منهاج فيصل منهج االلي يعدْلـون

تلفّتت روسا لخلايق ويـن أنـت
وين العظيم وعوّد الشوف مطعون

كا خافقٍ وقّف عقب مـا تكفّنـت
وكم ناظرٍ ذوّب سـواده محـزون

لو شفت حال النّاس عقبك تبيّنـت
مقدار حبّ النـاس للّـي يـودّون

ممّا بقلبي قلت يابـوي لا هنْـت
و الاّ انت فوق القول مهما يقولون



========================
------------------------
====





لك كل الود .



تقبل تقديري وحكاي والسلام





.

رد : لا يوجد له نظير في هذا الزمن ..
 

اسأل الله ان يرزقنا ويرزقه الجنه ..

لاهنت يابو عصام على هذه الصوره الرائعه ..

ولاهان ابن كدم على الاظافه ..

ولاهان ابن الشايب على المقتطفات الجميله من صور المغفور له بأذن الله الملك /فيصل ..

خآلص ودي للجميع ..

رد : لا يوجد له نظير في هذا الزمن ..
 

كان من النوادر ..

رحمه الله رحمة واسعة ..