شبكة قحطان - مجالس قحطان - منتديات قحطان - مجاراة لأبيات محمد بن فطيس

مجاراة لأبيات محمد بن فطيس
" إعلان للي ما بعد جرب الحب "

إعـلان للي ما بعـــــد جرب الحب
يترك طريق الحب قدر استطاعه

فيه الهنا ياتيك ساعـــــة ويذهب
وفيه العنــى ياتيك في كل ساعه

شاعر مجهول
....................................

إعـــــلان للي ما بعـــد جــرب الحب
يسلك طريق الحـب بس بشـجاعـــه

فيه الوفاء والغدر والصدق والكذب
وفـيه الفــراق وفـيه شوق اجتماعه

حظـك عــلى حـظـك تشــجع وجرب
إن صــبت وإلا غــير تاخــذ منـاعه

محمد بن فطيس

....................................

إعـــلان للي ما بعـــد جــــرب الحـــب
يتـــرك طــــريقٍ مــا يجـــوز اتباعـــه

مع الرجاء والخوف والياس والـذنب
لو دام وصلــه ما ومنــت انقـطاعــه

شيٍ غـريبٍ شاع بالشـرق والــغـرب
تركــــه قــلاعـــــه وإتــباعه قـــلاعه

ابو محمد بن فطيس
....................................

إعـــلان للي ما بعــــد جـرب الحـــــب
كــلٍ حــســـب خـلــه وعــنده قــــناعه

أدري خـطــيرٍ فــيه سلــوى ويتـعـــب
قـسمٍ حــرام وقِـســمه الــزين طــاعه

واللي تنقى صاحبه في الهــوى كسب
واللي تِـدِيـســر طــمع خـلــه وباعـــه

فـأبنصــح اللي ضـــيع العـمر ما حب
يــذوق طـعـم الحــب لــو ربع ســاعه

حسين بن معدي

....................................

لو تشـرق الشمـس وتشعـشع وتغـرب
وتصــير الا اثعــال بزمــنا ســـباعــــه

ما خـلـي ادروب المـحــبه ولا اهــــرب
ولا ابدل بيــوت الـوصــل بالــقــطاعـــه

عبدالهادي ابوديّه

....................................

دكـتور وجـروح الهـوى ما لها طـب
كــم عــلةٍ ما بَـيّـنـتــــــها الاشـــاعـه

خلاص ياعــصر الهـــوى تُبْ ثم تُبْ
امّا قــــناعة نــــفــس والا طــــــواعه

نرجـــو سعــة فضلك ورحمتك يارب
الله من حـــــبٍ طــوينا شــــــراعـــــه

حمد بن وركان

....................................

إعـــــلان للي ما بعـد جــرب الحــــــــب
يبشــر بضــيق الصـــدر بعــــد اتساعه

احسب حـساب البعــد لو طـول القــرب
وتــزود بــزاد الصــــــبر والـقـناعــــــه

بعـض الحكي يغـني عن الزاد والشرب
وبعــض المـواقــف ما وراهـا طـــماعه

ناصر بن لمدان