شبكة قحطان - مجالس قحطان - منتديات قحطان - عليك فالبيت القوي رمز الابداع

البارحة ليلي هواجيس واوجاع
والماضية صارت بعيني جديدة
غديت انا لجروح الايام فراع
وما بينها هم الليال العنيدة
انشهد اني من غثاء الوقت مرتاع
وعزاه من قلبً ذنوبه عديدة
يا مكثر الطعنات من بين الاضلاع
ويا عزتي للأهل الحكى والنقيدة
الحق ضايع يا زمن والعمر ضاع
وين الرجال اهل النقاء والعقيدة
لا ياوجودي كل مهب ذعذاع
وجد المغربل والليالي شديدة
ولا وجود اللي صحى بصوت الارواع
على بكاء امه تودع عضيدة
ما تنضمن الايام والوقت خداع
ولا واهني اهل النفوس السعيدة
يا خاطري خلك سماء واترك القاع
واللي مضى لا يمكن انك تعيدة
لا تلتفت في هرجةً مالها اسناع
دامك كفو عند الرجال الحميدة
يا خاطري في حكمك الشعر مطواع
وجزل القصايد والمعاني فريدة
والشعر دولة يجمع اشكال وانواع
وكلن من الشعار عنده نشيدة
هاذا لامن غنى له الناس سُماع
وهاذا لامن غنى سوالف جريدة
عليك فالبيت القوي رمز الابداع
واترك حشو الابيات ضعف القصيدة
وان كانها مابين فازع وفزاع
ماني وابن عذبه براعي بليدة
أنا على وضح النقاء علم وشراع
وخل العصيدة عند راع العصيدة

وسلامتكم ،