شبكة قحطان - مجالس قحطان - منتديات قحطان - مضواح المقرحي وحسين بن شتوي الحبابي (**وغلاء الاسعار**)

هذه القصيده للشاعر مضواح جابر المقرحي بعد سماعه قصيده للشاعر
حسين بن شتوي الحبابي تتكلم عن غلاء الاسعار والمبالغه في اسعار الأبل
وجشع التجار والاسراف

[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
السوق غالي والغلا زاد ياحسين=واللي حصل كله من رجال الاعمال
حنا علي ذا الوضع ماشين ماشين =مافي يدينا حل ياطيب الفال
لصاروا التجار ماهم بدارين=عن حال نص الشعب مايملك ريال
اكبر مصيبه لليتامي المساكين=اللي عليها الهم خيم ولا زال
والفقرعلي المحجا من يسار ويمين=مثل الغريم اللي يجندل بالابطال
ماعنده الا الموت والقهر والشين=ظالم وغاوي وامتغطرس وعيال
كم واحد يقضي علي الدين بالدين=ماهو بكيفه لكن الوقت ميال
كساب للطالات طلق الحجاجين=وفي ماقفه يسوى ثمانين رجال
لولا مدار الوقت بالعسر واللين=مابدلت الأحوال من حال لحال
لو كل تاجر يتبع الحق ذلحين=يعطي زكاه المال من رؤس الاموال
ماكان يوجد به فقارى مساكين=اللي عليها الهم خيم ولا زال
صح الله لسان ابن شتوي ملايين=اللي مهيضني علي بدع الأمثال
شاعر وعنده للقصائد براهين=ومن لابه يشهد لها طيب الافعال[/poem]

اخوك الشاعر
مضواح جابرالمقرحي...

وهذا رد الشاعر حسين بن شتوي الحبابي
[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

مضواح يامضواح ياليل ياعين=كل يغني له من الفقرموال
غيراطلب الله يرحم الحال ويعين=ويغفرلنا ليجات حزات الاهوال
مدري العرب صاحين والا مجانين=كل يطب السوق ويقول وبال
ينصب خيام ويفتخربالبعارين=ويقول انامن شانها صرت رحال
ويقول ذودي صار فوق الثمانين=من مشترى وانتاج وادقاق واجلال
والمشكله صاروا هل الابل فريقين=متخالفين وكل واحد علي جال
احد جمع ذود خيار مزايين=ساق الثمن فيها ويفخر ويختال
ياما جمعها بين وحده وثنين=لاهو براعيها ولاهي له بفال
شيخ الشيوخ وراس ماله ملايين=لوكان غلي السوق ماعنده اشكال
والثاني اللي صاربين اختيارين=الذود ماتت جوع والفقر قتال
الاعلاف غالي سوقها والغلا شين=السعر يطلع فوق ويزيد الاقبال
وانته وانايالمقرحي مستعدين=وايضا لنا في عالم الشعرمنزال
وحنا بما ربي عطانا غنيين=لوكان مانملك من المال مثقال
يسلم لسانك يازبون المخلين=وان عدواالفرسان فارس وخيال[/poem]

حسين بن شتوي الحبابي