عبدالله السلاطين والسيف وقاتل ابنه
 

وسط ذهول الجميع وفي ساحة الصفاة عبدالله بن سالم السلاطين القحطاني يوم امس ا لثلاثاء يعترض بين السياف

وقاتل ابنه العسيري قائلاً اعتقته لوجه الله مع العلم انه قد قدم له ملايييين الريالات ووجاهة كبار المسئولين في الدوله

واعيان ومشائخ لقبايل ورفض ذلك مبتغيا بالعفو وجه الله وبعد الحدث بدقايق طلبه الامير سلمان بن عبد العزيز مقابلته

وقابله وقال له يض الله وجهك ونحن عارفين انك ما اعتقته الا لوجه الله وبعد ذلك طلب من سمو الامير طلب وقال الامير

انا مستعد لطلبك فقال انا طلبي هو ان يعفى قاتل ابني من الحق العام ورجوعه الى وظيفته واعطاءه رواتبه كل هذه

المدة فذهل الامير وامر بتفيذ طلبه وقال اليوم قبل بكره ودعى له بالتوفيق



وانا بدوري قلت هذه البويتات في حينها


[poem=font="Simplified Arabic,6,darkblue,bold,normal" bkcolor="transparent" bkimage="" border="none,4," type=2 line=0 align=center use=sp num="0,black"]
بيض الله وجه من كسب علـم الطيبيـن = اشهد انه فـي حياتـه تحقـق مطلبـه
فـي كتابـه قالـه الله رب العالمـيـن = بشـره بالاجـر والخير بُشـرى موجبـه
من احياء له نفس يبشربها دنيا وديـن = عند ربـه يـوم كلـن يعيـن منصبـه
قاله الله مثل من يحيي الناس اجمعيـن = ارتفع لـه عنـد ربـه مكـان ومرتبـه
مثل ابو عبد العظيم راعي الشور السمين = اشهد انـه جـاب علـم رفيـع مرقبـه
في نهار يبست ارياق نـاس حاضريـن = والمشاهد صدق العلـم مـادري كذبـه
ساعة يبكيلهـا كـل قلـب وكـل عيـن = من حضرها نسي شرقه وينسى مغربـه
تذهل العقال منهـا ومـن قلبـه ذهيـن = جعلها له فـي نهـار تشـح الا جوبـه
عن ضنى قلبه تنازل يبي الاجر الثميـن= مقصده ماهو بمكلـه ولا فـي مشربـه
لا.. ولا له مقصد فـي طماعـة طامعيـن = مقصده يبغى المثوبه عسى الله يحسبـه
الوفاء و الطيب مالـه سـواة الغانيـن = والله ان الحلم والعرف من ربـي هبـه
وأنت علمك علم قـرم خذاهـا مرتيـن = وأنت عزك من يعّرف المواري والشبـه
ذي علوم اللي نهل في رياض الصالحين = عارف ياو يش مضمونها عتـق ارقبه

خولان بن عامر[/poem]

رد : عبدالله السلاطين والسيف وقاتل ابنه
 

صح لسانك يا خولان بن عامر

علم طيب ولاهوب غريب على الطيبين

وانت تنومس وقصيدك ينومس

رد : عبدالله السلاطين والسيف وقاتل ابنه
 

من عفا واصلح فاجره على الله
جزاه الله خير

رد : عبدالله السلاطين والسيف وقاتل ابنه
 

ابو نايف


صح الله لسااااااااااااانك


وعبدالله السلاطين يستاهل البيضاء


والله يجزاه المثوبه والاجر خير من ما ترك


لا استطرد في مدحك فأنت غني عن كلامي



تحياتي

رد : عبدالله السلاطين والسيف وقاتل ابنه
 

العفو من شيم الكرام لا هنت يا خولان
الله يرحم الميت ويغفر للحي

رد : عبدالله السلاطين والسيف وقاتل ابنه
 

صح لسانك وابيض وجه ياخولان

كلام وافي ومشاعر صادقه

ويبشر بالخير من رب العالمين

رد : عبدالله السلاطين والسيف وقاتل ابنه
 

من عفا واصلح فاجره على الله
جزاه الله خير

والله يكثر من أمثالك يابو نايف


قصيدة وشعور غير مستغرب منك طال عمرك


تحياتي

رد : عبدالله السلاطين والسيف وقاتل ابنه
 

صح لسانك

رد : عبدالله السلاطين والسيف وقاتل ابنه
 

خولان



سبق وأن قرأتها وحضرت لأبلغك إعجابي بشاعريتك



تحياتي

رد : عبدالله السلاطين والسيف وقاتل ابنه