مديره تزوجت زوج احدى مدرساتها
السلام عليكم ورحمة الله وبركاته تدور القصة حول مديرة مدرسة عزباء غابت عن المدرسة يومين ولما عادت لمدرستها قابلتها المدرسات سلامات وينك يامديرة؟ قالت باركولي تزوجت قالو مبروك يامديرة ولكن منهو زوجك ؟ قالت بصراحة زوجي هو زوج إحداكن !! المدرسات تكفين علميننا أي وحدة منا ؟ قالت المديرة والله ما أعلمكن المهم لزمو عليها فقالت أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاولة واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي أتزوج زوجها وآخذ بعد منها خمسمية ريال وافقن المدرسات على الطريقة ويوم جاء بكرا وكل وحدة مزهبه معها الدراهم جت الأوله والثانية والثالثة والرابعة حتى العاشرة والمديرة تاخذ الدراهم يوم جت المدرسة الـ 11 وبدت المديرة تأفف .. المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كأنها قليلة حطيت ألف بدال الخمسمية قالت المديرة أووووووووووووه معليش أثرك أنتي جواهر والله إني آسفه غلطت يوم تنفست المدرسة وقالت الحمد لله يعني بتاخذين الفلوس المهم أخذتها المديرة ودخلو بقية المدرسات حتى الـ 23 والمديرة تلعب بأعصاب كل وحده وفي النهاية تاخذ الخمسمية المهم بقي مدرسة وحدة فقط ماجت يوم اتصلو عليها المدرسات هاه وينك ياأستاذه قالت والله اني تعبانه وماني جايه قالت المدرسة الغايبة : هاه من صار زوجها اللي متزوج المديرة ؟ قالو لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالو المدرسات لازم تجين تكفين المهم جت تسحب رجليها بالقوة ويوم جت تدخل المدرسات كل وحده مبسوطة أنها مهي هي وبدن يسمن على المدرسة الـ 24 عشان ماتنصدم دخلت المدرسة الأخيرة غرفة المديرة وحطن باقي المدرسات أيديهن على قلوبهن وحطت المدرسة الخمسمية على الطاولة وضفتها المديرة يوم طلعت لقنها عادية وما صار شي وفلوسها أخذتها المديرة قالو يابنات فيه وحده منكن ماخذت المديرة دراهمها ؟ قالو لا والله كلنا أخذت دراهمنا ودخلو المدرسات على المديرة وقالو أخذتي الفلوس من كل المدرسات تلعبين علينا !! منهو زوجك !! قالت المديرة المهم الدراهم ( 12000 ريال ) ماراح ترجع وأنا والله لا تزوجت ولاشي لين الحين عزوبية ووالله كنت مريضة هاليومين ولكني اطلبككن قبل شهر تدفعن على مية ريال نصلح المصلى ولا وحدة منكن دفعت .. قلت والله لأدفعكن 500 ريال نصلح المصلى ونشتري مصاحف وقف للمسجد قالو المدرسات بردها الله بالعافية فداك الدراهم ولو تبين زود عطيناك هو صدق بس رجالنا ماتزوجوا علينا : مايستفاد من القصة 1- المرأة تدفع فلوس الدنيا كلها ولا يتزوج زوجها عليها 2- المدير الناجح هو من يفكر في عمل مفيد إجتماعياً ويستطيع فرضه بإقناع 3- عمل الخير موجود في النفس المسلمة ولكن يحتاج إلى إيقاظ في بعض الأوقات 4- من واجبات مدراء ومديرات المدارس والمدرسين الاهتمام بالمصليات تحياتي *** مما راق لي منقول |
رد : مديره تزوجت زوج احدى مدرساتها
بيض الله وجه المديرة فيهم
يستاهلون ويعطيك العافية علي الموضوع تقبل تحياتي |
رد : مديره تزوجت زوج احدى مدرساتها
النسوان مخفات في امور الزواج وعشان كذا تدفع الوحده وهي مغمضة
|
رد : مديره تزوجت زوج احدى مدرساتها
بيض الله وجهك ووالله المديرة الناجحة
|
رد : مديره تزوجت زوج احدى مدرساتها
هههههههههههههه
جزاها الله خير |
رد : مديره تزوجت زوج احدى مدرساتها
الله يجزاك خير
|
رد : مديره تزوجت زوج احدى مدرساتها
ههههههههههههههههههههه
والله انها عرفتلهم لاهنت يابن مهذل |
رد : مديره تزوجت زوج احدى مدرساتها
فيه ناااااااااااااس ما تنفع العهم الا القوه شكرا لك
|
رد : مديره تزوجت زوج احدى مدرساتها
اقتباس:
لاهنت على المرور العطر تحياتي لك يالغالي |
رد : مديره تزوجت زوج احدى مدرساتها
ارحب يابن مهذل يا الله حيه
لاهنت لاهنت وهذي المديره والا بلاش تقبل مروري |
الساعة الآن 05:59 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com