شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مجلس آخبار الشعر والشعراء والمسابقات الشعرية (https://www.qahtaan.com/vb/forumdisplay.php?f=33)
-   -   سعيد الفهري : شاعر جمع بين النظم والمحاورة (https://www.qahtaan.com/vb/showthread.php?t=9307)

عبدالله بن غفره 11-02-2006 01:32 AM

سعيد الفهري : شاعر جمع بين النظم والمحاورة
 
قراءة في أوراق شاعر ..

الفهري .. شاعر جمع بين النظم والمحاورة





إعداد- بكر هذال:

الشاعر (سعيد بن علي الفهري القحطاني) احد الشعراء الشباب المتمكنين من الشعر الشعبي، وهو شاعر يتمتع بموهبة شعرية قوية استطاع من خلالها أن يكتب أجمل القصائد التي تدور معانيها حول النزاهة ووصف الطبيعة ومرافقة الاخيار والاتصاف بالعادات المشرفة مثل الترحيب بالضيف واكرامه وشبة النار.
وله مساجلات شعرية في مجال شعر النظم وبرز في ميدان المحاورات الشعرية مع مجموعة من ابرز الشعراء ومنهم على سبيل المثال: مصلح بن عياد الحارثي، زيد سلمي العضيلة، عبدالله بن شايق، فلاح القرقاح، محمد بن مشيط المري، محمد بن متروك السناني، وعبدالله عتقان السلمي وقصائده متنوعة الاغراض ونختار منها هذه القصيدة التي قالها في الحكمة:



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قالوا الكلمة العليا وقلنا صحيح = اللسان يغرفها من قلوب الرجال

وقالوا ان الغناة ابعد ليد الشحيح = من جفاف البحر ولا انعدام الضلال

لو الاشوار بيدك يا اللسان الفصيح = ما يجي في بعض الاحوال عدل وميال

ضايع الفكر لو ضيع شبابه يصيح = لا تجمل ولا مكسب ولا راس مال

كان ما في ضعون البدو در منيح = وش يسوون لا جت معسرات الليال

من رزق مريم العذرا بعيسى المسيح = يرزق اللي سعى بالخير مال وعيال

مايشيل الحمول اللي يقوم ويطيح = ما يشيل الحمول إلا ظهور الجمال

دام عندي دوا داويت قلب الجريح = ما شبع من غصون السدرة إلا الحلال

ما يهم اتمتع ما يهم استريح = المهم اكسب الطلات لاجا مجال [/poem]


وله هذه الابيات التي تحث على اكرام الضيف والترحيب به:



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
كلمة رددتها يوم استوى القاف وتهيا = عقب تحميص المواثيق القديمة والجديدة

والله إن اهرج بهرج الحق ما فيها كنيا = لين يروى كبدي الضميان من بيت القصيدة

إي نعم يستاهل ابيات الفخر طلق المحيا = مكرم ضيفه لو إنه من دمه داخل وريده

اول كلمة من لسانه مرحبا واقلط هنيا = برحي وبن وهيل وطيب والنار الوقيدة

وابشر بعلم يسرك وابشر بشبعة وريا = وابشر بفعل ينومس كل راس من عبيدة [/poem]


وفي وصف جمال الطبيعة والحث على مرافقة الاخيار تحدث الشاعر سعيد الفهري بهذه الابيات التي نورد منها ما يلي:


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ابرك من الدش وقنوات الافساد = سجة نفس في طعس بر خلاوي

تالي عصير يهب نسناسه براد = والشمس يحجبها السحاب السماوي

واخيل في جو السما كل رعاد = واشوف سيله شق وادي نحاوي

تغسل ثيابي بالمطر لو هي جداد = بلة ثيابي بالمطر كم تساوي

وفالليل اشب الضو كرامات الاجواد = نصف الكرامة فالزمان السناوي

معمالنا دلة ونجر وبراد = وقربة قراح ما اختلط بالكيماوي

وجمر الغضا بين المعاميل وقاد = والعود الازرق ما هو بعود جاوي

كيف النشاما بن وهيل وقناد = ومطعومنا التمر الخلاص الحساوي

ونرقد على الروض الخضر كنه سجاد = روض ما بين الدبدبة والصداوي

وفالصبح ذكر الله هذا شي معتاد = سبحان من بالعبد يرحم وياوي

والشمس في عرض السما صبح تنقاد = اشعاعها عقب المخيلة يداوي

وبيت الشعر يبنى على طنب وعماد = يبنيه شبل بالمراجل حراوي

والارض بالخيرات تطغا وتزداد = وصيدك يجيك به السلق والنداوي

وترى عطايا الله بلا خرج وشداد = حليبها يروي الكبود الضماوي

لو تجلس اسبوع من الشرب والزاد = يكفيك در اللي غدت بالعطاوي

في خوة اللي تجلي الهم لاعاد = عيال المصايب مخلفين الهقاوي

ما بينهم فاسد وناقص ومراد = اللي يدور للدروب الملاوي

حديثهم ما بين صفحات الامجاد = ومراجعة كتب السير والفتاوي

ونهرب من الواقع جماعات وأفراد = من فتنة اهل العولمة والبلاوي

وتغيب عن وجه بغيض وكداد = ونقابل الوجه الطليق النقاوي

انا افرح برفقة عريبين الاجداد = مثل المنيع ورففته للخلاوي

حلحيل لا يحدا ولا هو بينقاد = ماهو باسير مولعات الهواوي[/poem]


المصدر : جريدة الرياض

محمد الحياني 11-02-2006 06:57 AM

اخوي الغالي ابن الغلا كل الغلا

حدباء قذلة


كثر الله خيرك


وجمل الله حالك

على الإيفاء بالتعريف بشاعر المحاورة سعيد الفهري

سلمت وكثر الله خيرك

جميل انك نقلت ذلك الخبر عن هذا الشاعر المميز واتقنت النقل

سلامة 11-02-2006 01:20 PM

حدباء قذلة

قذل الله عدوك

اشكرك على نقل الموضوع
وسعيد الفهري شاعر يستحق كل الاشادة

عبدالله بن غفره 13-02-2006 01:06 AM

لاهنتو على المرور


وأبو علي يستاهل أكثر

فارس قحطان 20-02-2006 11:09 PM

السلام عليكم ورحمة الله وبركاته



الرائع والمبدع حدباء قذله


لاهنت وبيض الله وجهك على هذا النقل الرائع
والشكر موصول لصاحب المقال بكر بن هذال المسردي



الحقيقة في هذا الموضوع
تعرفت كثيرا على شاعرنا المميز سعيد الفهري
له قصائد مليئه بالدرر والحكم
لله دره ابوعلي





.

سلطان العبيدي 25-02-2006 12:03 AM

لاهنت ياحدباء قذله على النقل

وسعيد الفهري من الناس اللى احرص على متابعته جديده في النظم ولا المحاورة

شاااااااااااااااااااااااااااااااااااااااااااعر على مستوى ..

ويشرف ماقفه في المحاورات...

نجل الضياغم 25-02-2006 07:33 PM

اخوي حدباء قذلة شكرا لك وهذا قليل في حقة ونعم بكم جميع صراحةهو
من الشعار إلى احب اتابع قصيدة يكفية قصيدة الذود عن النبي صلى الله
علية وسلم ولو مانظم إلهي فيشتحق الشكر والتقدير ولاهنت

عبدالله بن غفره 13-03-2006 11:39 AM

اقتباس:

المشاركة الأصلية كتبت بواسطة فارس قحطان
السلام عليكم ورحمة الله وبركاته



الرائع والمبدع حدباء قذله


لاهنت وبيض الله وجهك على هذا النقل الرائع
والشكر موصول لصاحب المقال بكر بن هذال المسردي



الحقيقة في هذا الموضوع
تعرفت كثيرا على شاعرنا المميز سعيد الفهري
له قصائد مليئه بالدرر والحكم
لله دره ابوعلي





.


عليكم السلام ورحمة الله وبركاتة

أشكرك أخي العزيز على المرور


والشاعر : سعيد الفهري


يستاهل الأهتمام وتتبع مسيرته الشعرية


فشهادتنا فيه مجروحة


تقبل تحيتي وشكري لك بالتصفح والتعليق الرائع


تحيتي لك

عبدالله بن غفره 22-03-2006 11:33 AM

اقتباس:

المشاركة الأصلية كتبت بواسطة سلطان العبيدي
لاهنت ياحدباء قذله على النقل

وسعيد الفهري من الناس اللى احرص على متابعته جديده في النظم ولا المحاورة

شاااااااااااااااااااااااااااااااااااااااااااعر على مستوى ..

ويشرف ماقفه في المحاورات...



والقائل ما يهون وبيض الله وجهك على المرور والتعليق


سعيد الفهري يستاهل كل خير والشهادة فيه مجروحة


تحيتي لك يالغالي

جبل بن زيد 22-03-2006 01:59 PM

الأخ العزيز حدبا قذله

لاهنت على نقل هذه القصائد الرائعه

للشاعر الرائع سعيد الفهري


الساعة الآن 04:56 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com