قصيدة في الشيخ ابن دليم شيخ قبائل قحطان ووادعة الجنوب
 

السلام عليكم ورحمة الله وبركاته

بمناسبة تشريف الشيخ / فهد بن دليم شيخ شمل قبائل قحطان ووادعة الجنوب للدعوة
التي وجهتها قبيلة آل خريم له قيلت هذه القصيدة بهذه المناسبة
عن قبيلة آل خريم الشاعر / مساعد بن شايع آل خريم :

[poem=font="Simplified Arabic,5,black,bold,normal" bkcolor="transparent" bkimage="backgrounds/16.gif" border="double,4,black" type=0 line=0 align=center use=ex num="0,black"]
يا مرحبا يا شيخنا شيخ قحطان
ماكر شيوخ من حرار شياهين
ترحيبة ترجح على كل ميزان
القدر في مضمونها والعناوين
يا مرحبا بعداد ما هل ودان
وعداد حجاج الحرم والمصلين
وعداد طير بالهوى صف جنحان
وعداد ما تنبت ورود ورياحين
شيخ على قحطان تاج وعنوان
مارث شيوخ ورثوها سلاطين
لا كبرت القالات في صلف الأزمان
ننصاك لا مالت علينا الموازين
يا درعنا لا لفّنا هم واحزان
لا طرّى ابن دليم سقم المعادين
شيخ يسوق الحال ويسوق الأثمان
يجلي هموم الي وطته السكاكين
جيّتك يا بو خالد طيب واحسان
منك علينا يازعيم الملايين
طيبك وصيتك ظاهر وسط الاوطان
حلال صعبات الفتن والمداعين
متسلسل من ساس بيت وشيخان
يشهد على قولي ثبوت وبراهين
وكل القبايل غيرنا حضر وبدوان
ما تجهل ابن دليم شيخ القحاطين
واثنّي الترحيب بعداد الأمزان
بضيوفنا اللي شوفهم يبهج العين[/poem]
وسلامتكم جميع

وترقبوا قريبا مشاركه اخرى

ونعم

كفووووووو كفووووووووووو كفووووووووو يابن دليم


يستاهل الشيخه

اللي يبين فعله يستاهل الشيخه

ابن دليم وصلت سمعته الى دول الخليج بمواقفه المشرفه

وانا شخصيااا شاهدت شريط فيديو

للشيخ ابن دليم في صلح بين قحطان وقبائل يام

ونعم الشيخ وصلووووووووو سلامي له ياللي تجونه

الله لا يهينك يا ابن خريم وبن دليم شيخ مشايخ قحطان ووادعة

والله ألف أنعام ببو خالد

ولا هنت على المشاركة يبن خريم

بيض الله وجهك ولا هنت ياابن خريم ولا هي غريبه عليك انت وربعك وابن دليم شيخ قحطان يستاهل العلم الغانم

كفو أبوخالد شيخ شمل قبائل قحطان ووادعة الجنوب

من قال ماهان وما عليكم زود يالربع

ولا هنتم على ردودكم الطيبه

احترامي للجميع

كفووووووووو ومليون كفووووووووو

ابن دليم يستاهل المدح

وتسلم يمناك يالغالي