[[[ لو قلت يا محمد .. ولا قلت رايد !!! ]]]
 

[poem=font="MS Dialog,6,black,bold,normal" bkcolor="transparent" bkimage="" border="none,medium,gray" type=3 line=1 align=center use=sp num="0,black"]
بعض العرب يعجبك لو كان نايد=ودّك لو إنّه لك قريبٍ وتغليه
الطيب طبعه والوفاء له عوايد=واللي لك بقلبه لسانه يبدّيه
هذاك أنا بالروح لرضاه جايد=حتى ولو يخطي فلا لي مشاريه
اللي يلمّح لي بزين الفرايد=مآقول له ياكود عونك و لبيه
لبيه ياراع الفعول الوكايد=ياطيّبٍ طيبه عن الناس مغنيه
للشارده دايم من الناس صايد=وأنا على ماقيل " صيدي مذكّيه "
ماني غشيمٍ بالقنص والشرايد=آوقّف المعنى وأبرّق بخافيه
لو قلت يامحمد ولا قلت رايد=لزوم يعرف رايد إنّك تناديه
المسأله ماهي طقوس وعقايد=هذي منح والعبد له رب يعطيه
أصغر طموحي حب راع القلايد=غروٍ موّردني بحرهمٍ وتيه
وأكبرطموحي علم خافي وكايد=ياعنك ماغيري موكّد مواريه
درب السهر يامكبّرين الوسايد=درب اللي همومه بليله تسرّيه
الهرج زوده مايجيب الفوايد=والحر يفهم لالمح شي يعنيه
إعرف ترى للطيب لابد عايد=لوكان كلمة شكر للرجل تكفيه
علمك سمين وعلم غيرك بدايد="غيرك"هم اللي : يكثرون المشاريه
يامال فرقا اللي علومه نكايد=اللي يذلّ الراس للنفس مابيه
الكفو نرسل له سلام وقصايد=والفسل لاباللّه نفتّش مخابيه
السير له خطّه وللسرب قايد=والعلم له قلبٍ على طول يوحيه
لك منّي التقدير وافي وزايد=وتحيّةٍ منّي وللأمر OK
والغانمه مآني عليها بأزايد=ومن قدّم المعروف يبشر بقافيه
يشتدّ بي لا جاء نهار الشدايد=وينزاح همّه كان همّه معنّيه
وبالعون بعض الناس لو كان نايد=ودّك لو إنّه لك قريبٍ وتغليه[/poem]

رد : [[[ لو قلت يا محمد .. ولا قلت رايد !!! ]]]
 

صح والله لسانك


وعلى الثانيه عانك

قصيده تشكر عليها وبيض الله وجهك


لك تحياتي

أخوك

أبو صقر الزهيري

رد : [[[ لو قلت يا محمد .. ولا قلت رايد !!! ]]]
 

صح لسااااااااااااااااااااااااااانك
يا معيض وابيض وجه وننتظر جديدك
تحياتي لك
أبو هياف الكيـــــــــــــــــــــــــرعاني

رد : [[[ لو قلت يا محمد .. ولا قلت رايد !!! ]]]
 

صح لسانك يامعيض وبيض الله وجهك

قصيدة رائعه وجزله


اخووووووك

رد : [[[ لو قلت يا محمد .. ولا قلت رايد !!! ]]]
 

معيض


صح الله لسااااانك


وعلى الاخرى عانك


تحياتي

رد : [[[ لو قلت يا محمد .. ولا قلت رايد !!! ]]]
 

ماني غشيمٍ بالقنص والشرايد
آوقّف المعنى وأبرّق بخافيه

كفو وصح لسانه

الهرج زوده مايجيب الفوايد
والحر يفهم لالمح شي يعنيه

حكمه من حكيم يامل العافيه

يشتدّ بي لا جاء نهار الشدايد
وينزاح همّه كان همّه معنّيه

محزم ظفر ولا يستغرب


معيض بن صميع

شاعر مبدع وجزل وغني عن التعريف والشهاده


بين حين وآخر تطل علينا برائعه كلها درر مفيده


صح لسانك ملاااااين يامبدع


وسجل إعجاب اخوك


لاعدمناك يالقرم ،،،،


.

رد : [[[ لو قلت يا محمد .. ولا قلت رايد !!! ]]]
 

الغالي أبو صقر



صح بدنك ولاهنت ياطويل العمر


ومما يسعدني مرورك الكريم وثناؤك الحسن



لك وافر التحيه والتقدير،،،

رد : [[[ لو قلت يا محمد .. ولا قلت رايد !!! ]]]
 

الغالي أبو هياف



صح بدنك يالغالي ووجهك أبيض



لاهنت.. وشكراً جزيلا على مرورك الكريم




تقبل خالص التحيه والتقدير،،

رد : [[[ لو قلت يا محمد .. ولا قلت رايد !!! ]]]
 

عبدالله بن غفره




صح بدنك ووجهك أبيض




روعة هذه القصيده تكمن في مرورك الكريم




شكراً جزيلا لك



وتقبل خالص تقديري،،،

رد : [[[ لو قلت يا محمد .. ولا قلت رايد !!! ]]]
 

الأخ الغالي /عبدالله المهداني




صح بدنك



وشكراً على مرورك الكريم




تقبل تحياتي،،،