وقعة بين المشاعلة الجحادر وقبيلة النفعة من عتيبه.
 

إلى جميع الأخوان أرررررررررررررررررررررررررحبوا يارجال
صبحكم الله بالخير ياوجيه الخير
في هذا اليوم يسرني ويشرفني أن أنقل لكم أحداث وقعه حصلت بين قحطان وعتيبه
بسم الله نبدأ :

## مكان الوقعه : [ تثليث ] .
## الطرفان في الوقعه : [ قبيلة المشاعله الجحادر ضد قبيلة النفعه من عتيبه ] .

كانوا المشاعله مربعين بأبلهم حول تثليث في الجنوب حيث العشب والماء ومن المعروف في ذاك الوقت إن تثليث مشهوره بكثرة العشب والماء في ذاك الوقت وكانت منصى للجميع لطلب الماء والعشب حيث إن نجد مرت عليها فترات طويله جف فيها الماء وقل العشب والحيا فيها .

المهم إن قبيلة النفعه من عتيبه بقيادة الشيخ الفارس سعود بن نافل الدهينه من شيوخ قبيلة النفعه غاروا وغزوا على المشاعله وخذوا الأبل وما كان عندها إلا القليل من الرجال المهم وصل العلم ان النفعه خذوا الأبل المهم أن فرسان المشاعله لحقوا بالقوم ودارت بينهم معركة شرشه وتداوسوا والخيل قام لها صهيل من شجاعة الفرسان سواء من المشاعله او النفعه المهم تواجه الفارس محمد بن عتره بن سجعان آل فطيح المشاعله مع الشيخ الفارس سعود بن نافل الدهينه ومع ا لكر والفر استطاع الفارس محمد بن سجعان من قتل الشيخ سعود بن نافل الدهينه وباقي فرسان النفعه يوم شافوا شيخهم وقايدهم قتل انسحبوا ونجوا بأنفسهم المهم ان المشاعله فكوا ابلهم من المغيرين عليهم وردوا الابل

المهم وصل الخبر للشاعرعبدالهادي بن شعواء آل سبعان الخنافر وقال هذه الأبيات :

[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
غاروا على ذيدان بدو ٍ مفاريع = وكل ٍ تركها من جميع البوادي .

حيرانها مثل الزبيدي مصاليع = وأماتها مثل القنوف البوادي .

وراحت بشطرين مع ملثم الريع = وطاح الدهينه في مداج العوادي .

من كف غمر ٍ يشري المدح لا بيع = سعد ٍ لبوه ونبّته في سدادي .[/poem]
هذا ولكم مني جزيل الشكر والتقدير أخوكم
أبا الذموم.

رد : وقعة مشهوره بين قحطان وعتيبه .
 

اررررررررررحب يا ابا الذموم

يامجلي الهموم

تراحيب المطر

والله انك كفو ووافي وعلومك كلها

طيبه

ونعم بالمشاااااااااعله صيبان الجحادر

يحمون البل والحد اول وتالي

بيض الله وجهك على نقل القصة والقصيدة لهذه الوقعة المشهورة


تقبل كل التقدير وكل الاحترام

رد : وقعة مشهوره بين قحطان وعتيبه .
 

جعلني والله ما ابكيك


مووع جيده وفي غااااااية الاهميه


تحياتي وتقديري

رد : وقعة مشهوره بين قحطان وعتيبه .
 

رد : وقعة مشهوره بين قحطان وعتيبه .
 

ونعم بالمشاعله وجه سلطان وكفوا وقت الرخا وفي وقت الجهل

ولاهنت ياباالذموم ولاعدمتك يالقرم

رد : وقعة مشهوره بين قحطان وعتيبه .
 

والله وسبعين نعم باالمشاعله وكفوا . والله لايهينك يااباالذموم دائما انت رائع


تقبل تحياتي.............

رد : وقعة مشهوره بين قحطان وعتيبه .
 

لاهنت والله يبيض وجهك

رد : وقعة مشهوره بين قحطان وعتيبه .
 

لاهنت يا ابا الذموم


بيض الله وجهك على نقل هذه القصه التي ترفع الراس


كفو والله يالمشاعله المداغيش


الله يبيض وجيههم على فعلهم


اكرر الشكر لك يا ابا الذموم لاعدمناك


.

رد : وقعة مشهوره بين قحطان وعتيبه .
 

لاهنت يا ابا الذمووووم ونعم والله بالمشاعله ....... خذوا حقهم بيديهم

رد : وقعة مشهوره بين قحطان وعتيبه .
 

الأخ طيب المجنى أرررررررررررحب

أول شي لك : الشكر على مرورك على الموضوع.
ثاني شي : أخي هذا القسم خاص بفرسان ومعارك قبيلة قحطان وللجميع الحق بالمشاركة والكتابه والتعليق على المواضيع لكن بشرط هو الالتزام بالأدب واحترام القبائل الأخرى وعدم الإساءه لهم والحمد لله أنني متقيّد بهذين الشرطين .