شبكة قحطان - مجالس قحطان - منتديات قحطان - (( اسمحوا لي يا قحطان بالرد عنكم على شاعر شهران ))

قبل فترة قصير حصل لي ظروف قاسية جدا لا يتسع المجال لذكرها وأهمها وفاة أخي علي هو واسرته جميعا ولم بيق الا زوجته في حادث على طريق الافلاج
وكان الشاعر فهد الشهراني ممن وقفوا معي وشاركوني همي وحزني ، وانفرد الشاعر فهد الشهراني بمواساتي بقصيدة عزاء ومواساة رائعة امتدح فيها قبيلة قحطان
فكتبت ردا على قصيدته الرائعة
أرجوا أن تحوز على رضا الله ثم رضاكم

( هذه قصيدة الشاعر فهد الشهراني )

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
من يشيل الشعر بـــــــــ الطاروق شيله=والحزن يثنيه ماينهد حيله

داعية قحطان يا أهل الجمايل=ياملوك الطيب والعليا دليله

بلغوا محمد عزايه والتواسي=صاحبٍِ لوجيت ماأوفي جميله

من رجالٍ كاسبين العز والله=الثقال ألي يشيلون الثقيله

من رجالٍ قد لهم ذكرٍ ومعنى=في زمن نيران قبات الفتيله

المطانيخ الشيوخ ألي علمهم=ثابتٍ بــــــــــأعلى مراقيبٍ طويله

من تعزوى بسمهم يلقى الحميه=يبشر بعزه أبد يشفى غليله

ماسمعتو ماسمعتو ماسمعتو=ماسمعتو بـــــ اللذي يامن دخيله

هم بنو قحطان سقم للمعادي=الوصايف في وصايفهم قليله

يكفي أنك يـــــــــ بن نغموش السنافي=من سلايلهم معادين الرذيله

لا يغرك يامحمد صغر سني=بنثني ياخوك للحمل وأشيله

جعله بعمري همومك يامحمد=بــــــ أرتكي للهم يعني بــــ ارتكيله

من يقفي في الشدايد عن خويه=جعل ربي يسحقه تحت التريله

الولد ياخذ علوم أبوه وجده=والقبيله وجههم شيخ القبيله

والنفوس ألّي على العليا تربت=ماعماها غير أبو نفسٍ بخيله

البخل ماهو بشح المال للّه=لا....... ولاهو للذي أيده غليله

البخل بخل الصديق ألي يخونك=لا نصيته قام يتسحب بذيله

.من تربى عـــــــــ الوفا تسلم يمينه=في زمانٍ جدّت علومٍ دخيله

يامحمد ياكريم الوجه أصبر=وأحتسب مادامت الدنيا حصيله

(((الصبر نبراس للنفس التقيه=والسخط لا يرتجي خيره عميله)))[/poem]

( وهذا رد محمد بن نغموش القحطاني )

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
مرحبا ما لاح براق نخيله = عقب رعده بشر الظامي هميله
يا فهد شهران يالطير النداوي = يا رفيق الدرب في عدله وميله
يا فهد يشكي خويك من همومه = ساهر من زود حزنه طول ليله
يا فهد حزني تعدى وصف حزني = يوم ودعنا علي واعلن رحيله
راح خوي اللي يشيل الهم عني = وانفطر قلب العنا من مفقدي له
واسرته راحوا وصكوا باب بيته = صار قفرة عقب قلاب المليله
وزوجته راحت لهلها مثل ما جت = لا ولد لا زوج لا في اليد حيله
وكلما مريت ارض مر فيها = هلت دموع الشقا من رحمتي له
صاحبك محزون وانت ادرى بحاله = ما يخفف من بكاه الا عويله
من شكى همه لغير الله تذلل = لكن لمثلك وشرواك اشتكي له
من عرفتك يا فهد اقول يمكن = يمكن الرزاق عوضني بمثيله
كم زميل ما عرف معنى الزمالة = لا بدت له حاجة خلا زميله
والمواقف تبرز رجال المواقف = فرصة تكشف خليل مع خليله
والذي يشمت على من زاد ضيمه = جعل رب قادر يقطع وصيله !!
والطلاقه لاجلها نقطع مسافة = راعي العليا لها يسرج بخيله
والفسالة قرب من رام الفسالة = يا سهولتها على النفس الذليله
ما حكمنا على الفتى من صغر سنه = والرسالة واضحة من مقصدي له؟
الفتى لو صغر سنه ما يعوقه = مكسب الطالات وعلوم نبيله
المعوذ والمعاذ ابنا الصحابة = جندلوا بو جهل في بدر المهيله
ما منعهم صغرهم كسب المعالي = مقتضى الغايات تبرير الوسيلة
وانت سباق لسنك وانت وافي = وانت كساب الطلاقة والجميلة
وانت من شاركني احزاني وهمي = وانت شخص والله اني لاعتني له
وانت عندي غالي يابن النشاما = وانت من خلا حروفي تستوي له
وانت من قوم تهاب الجن منهم = يا حليل الخصم منهم يا حليله
مقصدي واضح لشهران العريضة = العدى من جورهم تمسي عليله
والكرم شهران يا للي تعرفونه = جارهم ما يشتكي ضيم وعيله
اسمحوا لي يا بني قحطان عنكم = بانثني للرد يعني بانثني له
وان تأخرنا عن الرد اعذروني = ما يأخر سيلي الا جور سيله
اعرف قحطان فيهم خير مني = لو نووا بالرد والله ما يبي له !!
لكن اخدمهم على ما قال جدي = سيفنا في خدمة سيوف صقيله
والقوافي الطيبة فنجال صافي = من فهد بنه وانا وهفت هيله
بارسل المردود دون الشرح لنه = عارف بالذات ما في خاطري له[/poem]

محمد بن نغموش القحطاني