شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مجلس الخواطر والمحاولات (https://www.qahtaan.com/vb/forumdisplay.php?f=45)
-   -   هاك البيوت (https://www.qahtaan.com/vb/showthread.php?t=75236)

ذيب آلمرآقيب 16-04-2013 02:16 PM

هاك البيوت
 
منين الي حاورني

والي بيحاور لايبطي

هاك البيوت الي على البال تطريك
وعطني علومك يارفيق الرفاقه


ابطيت عني فضفض الله يحيك
والشعر ياتي للمراجل طلاقه

خيال الكحيله 16-04-2013 07:10 PM

رد: هاك البيوت
 
يالذيب عد أعلى المراقبين واجيـك

والعلم بيـن اهـل المعـرفة شفـاقـه


ترني ليا شفت الخطأ منك برميك

وان كان طـيـبك بـان ببني العـلاقة

خيال الكحيله 16-04-2013 07:44 PM

رد: هاك البيوت
 
يـا ذيب رد الصوت يالذيب وش فيك

وإلا جهازك ان قــفـل على الـبطاقة

خيال الكحيله 16-04-2013 07:51 PM

رد: هاك البيوت
 
أبطئت يالسرحان والليل ضاويك

والصيد دونه محتمي كل ساقــه

محمد بن مسفر بن جليد 16-04-2013 10:21 PM

رد: هاك البيوت
 
بيض الله وجهك يا خيل الكحيله اذيب عود ثعل

ذيب آلمرآقيب 22-04-2013 03:22 PM

رد: هاك البيوت
 
افلك السلاحك واحتزم قبل لاجيك
ولاتنتشب نفـسك من بعض الاحمـاقه

احسب حساب الذيب قبل لايعميك
منـته بحــولـي دام شـعـرك رقـاقـه

ذيب آلمرآقيب 23-04-2013 05:32 PM

رد: هاك البيوت
 
الذيب عود ثعل ؟؟؟؟

خيال الكحيله 07-05-2013 04:11 AM

رد: هاك البيوت
 
ياذيب المراقيب حياك الله

أولا:

تأخرت علي الله يجزاك خير وانا سافرت والحقيقة اسمك مشوق .

ثانياً:

عندك خلل في الوزن اعد تركيب بيوتك الله يحييك وياهلا بك

وهالبيات هديه لك مني واذا رديت بشي غير موزون دور واحداً حولك

وايليك مايلي :

ياذيب شبحك لا يجئ عند رجليك

مد النضر يا ذيب والطـيب راقــه


اضـن زادك ع السفر مايكـفـيك

ارجع وتلقى لك على الدرب باقه


لاني بخصم لك ولاني بمرضيك

العلم ما جتـزت اختـبار اللـياقـه


دور طــريقـاً للـسلامـه يــوديـك

وكلاً تـشله يابن الاجواد ساقه


ياحيف يالسرحان ماذي مواريك

اعرف مواري الذئب قبل انطلاقه


وان كان خالفت القوانين برضيك

تـرى الجمل لـشافني صار نـاقـه

خيال الكحيله 07-05-2013 04:18 AM

رد: هاك البيوت
 
اقتباس:

المشاركة الأصلية كتبت بواسطة محمد بن مسفر بن جليد (المشاركة 789703)
بيض الله وجهك يا خيل الكحيله اذيب عود ثعل


وجهك ابيض يابن جليد

أسعدني تواجدك

ومواكبتـك

الأحداث


الساعة الآن 04:21 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com