|
اعلمّك وش اصعب احساس اعيشه ؟
-------------------------------------------------------------------------------- العيشه:-بلياك ماهي بـ ( عيشه ) , لو قلت :- انا في خير وسهود ومهود .. , ،، اليأس :-طوّقني بـ ( خيله وجيشه ) ! وانا .. فـ / رجليني عن [ آمالي ] : قيود . , ،، صوت الهوى اسمع عند بابي وشيشه . كنت احسب انك جيت يا أعز مفقود . , ،، وآثر ..من يجاري جنونه وطيشه , ماهو على حاله .. من الناس / محسود , ،، شعري :على راسه من العام ريشه , يوم اني : { .. اكتب فيك يا ليّن العود ! ،، واليوم : قيفانه مثل { نخل بيشه } .. ماتت .. وهي غايه لـ روحك ومقصود , ،، اما افتح :-لـ ( نور المواصل ) دريشه ., واستنشق [ حضوري ] .. مع َ هبّة النود . , ،، والا ترى : كل الليالي وحيشه .. وايامها .. فيها من ( عيونك السود ) , ،، اعلمّك وش اصعب احساس اعيشه ؟ أني احس بـ غيبتك .. وانت موجود ! |
رد: اعلمّك وش اصعب احساس اعيشه ؟
اما افتح :-لـ ( نور المواصل ) دريشه .,
واستنشق [ حضوري ] .. مع َ هبّة النود . , ،، والا ترى : كل الليالي وحيشه .. وايامها .. فيها من ( عيونك السود ) , الله الله الله الله هالبيتين ابداع و تكفي عن عشرين قصيده صح الله لسانك انت شاعر يابو سالم .. و شاعر مبدع بعد :) عندي ملاحظات بسيطه و اتمنى تقبلها مني بصدر رحب 1- انصحك بأن تستغني عن البيت الأخير لانه شبه مكرر و اضعف من البيت اللي قبله 2- عندك هالشطر غير موزون - صوت الهوى اسمع عند بابي وشيشه حاول تعدله عشان ننقل القصيدة لمجلس الشعر النبطي. واصل يا مبدع بالتوفيق و سجلني متابع لك :) . |
| الساعة الآن 07:03 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com